کابل کې یوشمېر هټۍوال او د رسټورانټونو مسوولان له دوی څخه د لوړې مالیې له اخیستو شکایت کوي او وايي چې د هرې ورځې په تېرېدو سره د دوی پر عایداتو مالیې لوړېږي.
د کابل ښار یو هټۍوال صمد سلاموطندار ته وايي چې د پخوا په پرتله یې کاروبار ۹۰سلنه خراب شوی او د بیې لوړې شوې دي.
د چاپېریال ساتنې ملي ادارې مسوولان سلاموطندار ته وايي چې کابل کې څه باندې ۶۴۰زره ناپلان شوې لوړپوړې ودانۍ شتون لري چې د ژمي په موسم کې د ډبرو له سکرو او نورو نامعیاري توکو څخه د ګرمولو لپاره استفاده کوي چې پلازمېنه کې د هوا د ککړتیا اصلي لامل دي.
فاریاب کې د شاتو مچیو فارملرونکي وايي، که څه هم په وروستیو کلونو کې د شاتو مچیو ساتلو ته د دغه ولایت د خلکو پاملرنه ډېره شوې، خو په خبره یې، هلته ورسره د کرنې او مالدارۍ ریاست هېڅ ډول همکاري نه کوي.
د بېوزلۍ کچې له لوړېدو او د اروايي ناروغیو زیاتېدو سره هممهاله هېواد کې د ځانوژنې پېښې هم ډېرې شوې دي.
په رسنیو کې د ځانوژنې پېښو په اړه د خپرو شویو راپورونو پر بنسټ، له تېرو اوو میاشتو راهیسې په ۲۰ ولایتونو کې ۴۴ ښځینهوو او ۱۸ نارینهوو ځانونه وژلي دي.
د ملګرو ملتونو د بشري مرستو د همغږۍ دفتر یا اوچا وايي، افغانستان په روان زېږدیز کال کې د څلور میلیارډه او ۶۰۰ میلیونه ډالرو بشري مرستو ته اړتیا لري. د اوچا په وینا، په لومړي سر کې یوازې ۲۸ میلیونه او ۳۰۰ زره افغانان بشري مرستو ته اړتیا لري.
حاجي غلامرحیم د هلمند ولایت د موسیکلا ولسوالي د کلاب کارېز اوسېدونکی دی. هغه وايي چې د تېرو جګړو او وچکالیو له کبله یې ګڼشمېر باغونه زیامن یا له منځه تللي دي. په همدې حال کې د هلمند د نوزاد ولسوالي اوسېدونکی محمد بیا وايي، د له منځه تللو باغونو د بېرته زرغونولو په موخه ورسره چا همکاري نهده کړې.
د افغانستان بانک وايي چې سبا شنبه د کب شپږمه «۱۵» میلیونه امریکايي ډالر د لیلام په توګه بازار ته وړاندې کوي.
د امریکا «سيبياېس نیوز» رسنۍ راپور ورکړی چې د افغانستان مخکینی ولسمشر محمداشرف غني د هغو مشرانو په نوملړ کې شامل دی چې د امریکا ولسمشر جو بایډن ته یې ارزښتمنې ډالۍ ورکړي دي. د غني مېرمن رولا غني هم د بایډن مېرمنې جېل بایډن ته د ورېښمو یوه غالۍ ډالۍ کړې وه چې ارزښت یې ۱۹۲۰۰ ډالرو ته رسېږي.
په داسې حال کې چې د افغانستان بانک سوداګریزو بانکونو ته د ۱۰۰ میلیونه نويو بانکنوټونو د وېش خبر ورکوي، کابل ښاریان په بازارونو کې د زړو افغاني بانکنوټونو له ډېروالي شکایت کوي. د پلازمېنې اوسېدونکې سمیرا وايي، موټر چلوونکي او هټۍوال زړې پیسې نهاخلي او په وینا یې، له صرافانو چې هم د وړو افغانیو غوښتنه کوي، نو زړې ورکوي.
د صنعت او سوداګرۍ وزارت اعلان کړی چې له روسيې، ایران او پاکستان سره مو د کانونو، برښنا او زیربناوو برخو کې د پانګې جلب په موخه د فعالو کمپنیو او سوداګریزو شرکتونو یوه ټولګه یا کنسرسیوم جوړ کړی دی.
د ننګرهار ولایت چارواکو خبر ورکړی چې سبا د کب څلورمه، د پنجشنبې ورځ به د تورخم دروازه بېرته پرانېستل شي.
په همدې حال کې اسلاماباد کې د افغانستان سفارت هم پر خپل ټویټر لیکلي چې سبا به د تورخم دروازه د مسافرو، سوداګرۍ او ټرانزېټ لپاره بېرته پرانېستل شي.
د امریکا په نیویارک کې یوې محکمې د سپټمبر ۱۱مې پېښې د قربانیانو کورنیو ته د افغانستان بانک د کنګل کړل شوې شتمني څخه د ۳.۵ میلیارډ ډالرو د ورکړې غوښتنه رد کړې ده.
د پاکستان د دفاع وزیر خواجه محمداصف په یوه نااعلان شوي سفر نن چهارشنبه د کب درېیمه د یوه لوړپوړي پلاوي په مشري کابل ته راغلی دی.
خواجه محمداصف د ریاستالوزرا اقتصادي مرستیال عبدالغني برادر، د دفاع وزارت سرپرست یعقوب مجاهد او یوشمېر نورو چارواکو سره لیدلي دي.
د ختیځو ولایتونو یوشمېر اوسېدونکي دغه ولایتونو کې د بېکیفیته درملو د پلور په اړه د اندېښنو په څرګندولو سره وايي چې درمل خوري، خو بېاغېزې دي.
د ننګرهار ولایتي روغتون ته يوشمېر راغلي ناروغان وايي، د دغه ولایت په درملتونو کې د درملو کيفیت کم او نرخونه يې خورا لوړ دي.
له افغانستان سره د نړیوالې ټولنې د نغدي مرستو په لړ کې نن سهشنبه د ۴۰ میلیونه ډالرو یوه بله کڅوره کابل ته راورسېده.
د افغانستان بانک نن سهشنبه د کب دویمه پر خپله ټوېټرپاڼه لیکلي چې دغه نغدي مرسته یې یوه خصوصي بانک ته سپارلې ده.
د افغانستان بانک وايي چې سبا چهارشنبه د کب درېیمه، ۱۶میلیونه امریکايي ډالر د لیلام په توګه بازار ته وړاندې کوي.
د افغانستان بانک نن سهشنبه د کب دویمه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره سبا چهارشنبه «۱۶» میلیونه ډالر لیلام ته وړاندې کوي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
