اروپايي ټولنې په تازهګۍ سره ویلي، افغانستان کې د بشريحقونو نقض له امله به د ا.ا پر چارواکو نور بندیزونه هم ولګوي.
اروپايي ټولنې د یادو بندیزونو په اړه وضاحت نه دی ورکړی او دا یې هم نه دي ویلي چې دغه بندیزونه به په کومو برخو کې وي، خو ټينګار یې کړی چې بندیزونه به یوازې د ا.ا پر چارواکي ولګول شي او د افغانانو اقتصاد به اغېزمن نه کړي.
په داسې حال کې چې د میلیونونو افغانانو د ژوند دوام د نړیوالې ټولنې بشردوستانه مرستو پورې تړاو لري، د ملګروملتونو د خوړو نړیوال سازمان یوې خبرپاڼه کې ویلي، د بودیجې کمښت له امله به راتلونکې اپرېل میاشت کې افغانستان کې اړمنو ته د مرستو رسول محدود کړي.
د افغانستان بانک وايي چې سبا چهارشنبه د وري میاشتې دویمه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (سهشنبه د ۱۴۰۲ د وري لومړۍ) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا چهارشنبه «۱۵» میلیونه امریکايي ډالر لیلام کړي.
د ا.ا چارواکي د افغانستان او ایران ترمنځ د سوداګریزې راکړې ورکړې د زیاتوالي ترڅنګ وايي، هڅې روانې دي چې د دواړو لوریو ترمنځ د سوداګرۍ کچه له دوه میلیارډ ډالرو لس میلیارډ ډالرو ته لوړه کړي. د اقتصادي چارو کارپوهان د ایران او افغانستان ترمنځ د سوداګریزو اړیکو پراختیا او دې برخه کې د متخصصو کسانو ګومارل د هېواد په ګټه بولي.
د افغانستان بانک وايي چې سبا دوشنبه د کب میاشتې په ۲۹مه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن یکشنبه د کب ۲۸مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۵» میلیونه امریکايي ډالر لیلام کړي.
د خوړو نړیوال پروګرام بېګاه په یوه خبرپاڼه کې لیکلي، که بشري ملاتړ تلپاتې نه وي، سلګونه زره افغانان به د ژوندي پاتې کېدو لپاره مرستې ته اړتیا ولري او سخته لوږه به په ټول افغانستان کې خپره شي.
نن د کب میاشتې ۲۷مه په افغانستان کې د خبریال ملي ورځې سره برابره ده. یوشمېر هغه خبریالان چې هېواد کې د ا.ا له واکمنېدو وروسته یې دندې له لاسه ورکړي، شکایت کوي چې له سختو اروايي او اقتصادي ستونزو سره لاس او ګرېوان دي.
د ملګرو ملتونو امنیت شورا په افغانستان کې د دغه سازمان د ځانګړې استازولۍ یا یوناما ماموریت د یوه بل کال لپاره هم وغځوه.
د ملګرو ملتونو په پرېکړهلیک کې چې د کب په ۲۵مه، د پنجشنبې ورځ خپور شوی، لیکل شوي چې د یوناما ماموریت د ۲۰۲۴ کال تر مارچ میاشتې پورې څرنګه چې په ۲۶۲۶ پرېکړهلیک کې تعریف شوی، نوی شوی دی.
د کابل په نګارستان ملي کې د کورنیو تولیداتو او د ښځو د لاسي صنایعو څخه د ملاتړ په موخه پیل شوی دوه ورځنی «فرهنګي او نقاشۍ نندارتون او د لاسي صنایعو مېله بازار» نن پنجشنبه د کب ۲۵مه پای ته ورسېد.
د بلخ محلي مسوولان وايي چې د دغه ولایت مرکز مزارشریف ښار کې یې د ښځو لپاره د «خدیجه الکبرا» په نوم ځانګړی مارکېټ پرانیستی دی.
دغه سوداګریز مارکېټ چې نږدې ۲۰۰ هټۍ لري، له څه وخت راهیسې غیرفعاله و او د مزارشریف ښاروالي او د امر بالمعروف او نهې عنالمنکر ریاست له لوري بېرته فعال شو.
افغانستان کې روان اقتصادي او امنیتي وضعیت لامل شوی چې میلیونونه افغانان د یوې ښې راتلونکې او یوې مړۍ ډوډۍ پیدا کولو لپاره ګاونډیو او نورو هېوادونو ته کډوالي وکړي.
د ملګروملتونو عالي کمېشنرۍ ویاندې شبیا منتو په یوې خبري ناسته کې ویلي چې افغانستان کې روان ناورین ته په کتو افغان کډوال لاسنيوي ته اړتیا لري.
کابل کې له دولتي ښوونځیو یوشمېر فارغې شوې نجونې وايي، که څه هم دوه، درې کاله وړاندې له ښوونځیو فارغې شوي، خو تراوسه یې شهادتنامې نه دي ترلاسه کړي.
د افغانستان بانک وايي چې راتلونکې شنبه د کب میاشتې په ۲۷مه نېټه به «۱۶» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن پنجشنبه د کب ۲۵مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۶» میلیونه امریکايي ډالر لیلام کړي.
د کابل ښار یوشمېر اوسېدونکي د ښاري موټرو د کرایې له لوړېدو د نیوکې ترڅنګ وايي چې موټر چلوونکي په خپلسري توګه له خلکو کرایه اخلي.
د کابل اوسېدونکی مصطفی چې د «شهر نو» په یوې مغازه کې کار کوي او هره ورځ له کوټهسنګي څخه خپل کار ځای ته تګراتګ کوي، وايي چې د ښاري موټرو د لوړې کرایې له کبله اړ شوی چې له کوره تر مغازې پیاده تګ وکړي.
د نوي کال په رانږدېکېدو سره د کرنیزو محصولاتو ۲۸م نندارتون د کرنې وزارت لهخوا د کابل بادامباغ کې پرانېستل شو چې څلور ورځې به دوام وکړي.
ټاکل شوې دغه نندارتون کې ۲۶۳ غرفو کې چې ۵۶ یې د ښځو لپاره ځانګړي شوي، کرنیز محصولات، لاسي صنایع، د کرنې برخې ماشینري، نباتات او طبي بوټي نندارې ته وړاندې شي.
پکتیکا کې د ماشومانو لپاره د ملګروملتونو ملاتړې ادارې یا یونېسف لهخوا په جوړ شویو ټولګیو کې زرګونه نجونو او هلکانو ته د زدهکړو زمینه برابره شوې ده.
د پکتیکا د پوهنې ریاست چارواکي وایي چې په یاد ولایت کې د یونېسف لهخوا ۴۷۸ محلي ټولګي جوړ شوي چې دا مهال پهکې ۱۹۴۴۸ نجونې او هلکان پر زدهکړو بوخت دي.
