بامیان د افغانستان د ګرځندویۍ او چکر ولایتونو له ډلې یو دی او وختناوخت ورته کورني او بهرني سیلانیان ورځي، خو اوس دغه ولایت ته ورتلونکي سيلانيان شکایت کوي چې هلته لومړنۍ اسانتیاوې نشته او دوی له چکر څخه خوند نهشي اخیستلی.
قدرتالله چې د لوګر ولایت مرکزي روغتون ته یې ناروغ ور وړی، سلاموطندار ته ویلي چې له تېرو درېوو ورځو راهیسې یې خپل ناروغ په «نايب امینالله خان لوګري» روغتون کې بستر کړی، خو د درملنې لپاره یې ټول درمل له بازار څخه پېري.
د افغانستان بانک وايي چې د «افغانۍ» ارزښت ساتلو او ثبات په موخه سبا (د زمري پنځلسمه، د یکشنبې ورځ) دیارلس میلیونه ډالر لیلاموي.
د افغانستان بانک له نورو پر شرایطو برابرو بانکونو او د صرافۍ او پولي خدمتونو له شرکتونو غوښتي چې په دې داوطلبۍ کې ګډون وکړي.
فاریاب کې د ګلیم او غالیو یوشمېر تولیدونکي وايي چې له نږدې دوو کلونو راهیسې د غالیو او ګلیم پلور پیکه بازار او د بهرنیو غالیو واردات لامل شوي چې دغه صنعت له رکود سره مخ شي.
سمنګان کې یوشمېر زرګران وايي چې دغه ولایت کې د «سروزرو» پېر او پلور د پام وړ کمرنګه شوی چې له کبله ځینو زرګرانو خپل پلارنی کسب پرېښی دی.
سلاموطندار په هېواد کې د ۵۵ تصویري، غږیزو، چاپي او خبري اژانسو له مسوولانو سره د مرکو په ترڅ کې موندلې چې د سرپرست حکومت په واکمنېدو سره ۷۸سلنه دې رسنیو کې د ښځو حضور ۶۶سلنه کم شوی دی.
د احصایې او معلوماتو ملي ادارې مسوولان وايي چې د تېر یوه کال پرمهال یې هېواد کې څه باندې دوه نیم میلیونه پېژندپاڼې وېشلې دي.
جوزجان کې یوشمېر رضاکاره ځوانانو د دغه ولایت په عامه پروژو کې د روڼتیا او کیفیت لوړېدو په موخه له حکومتي ادارو د څارنې بهیر پیل کړی دی.
د بلخ مرکز مزارشریف ښار اړوند سیمه کې سلګونه بېځایه شوې کورنۍ چې د دوبي روانې ګرمۍ کې تر خېمو لاندې ژوند کوي، وايي، حکومت او مرستندویه بنسټونو تراوسه ورسره هېڅراز مرسته نه ده کړې.
د سمنګان یوشمېر باغلرونکي وايي چې د تېر ژمي سړې هوا، نباتي افتونو او باغونو ته د نه پاملرنې له کبله د مېوو په حاصلاتو کې د پام وړ کموالی راغلی دی.
کندهار کې د انارو یوشمېر بڼوال وايي چې سږکال یې د انارو د باغونو حاصلات د نباتي ناروغیو او وچکالۍ له امله زیانمن شوي دي.
دوی زیاتوي چې سږکال یې د اټکل له مخې د انارو حاصلات د تمې خلاف دي او په وینا یې، سختې وچکالۍ او د اوبو نه رسېدو له امله د انارو ډېری برخه په ونو کې چاودلې دي.
ماشوم ته د مور د شیدو ورکړې نړیوالې اوونۍ پیل سره هممهاله د عامې روغتیا وزارت د تغذیې ریاست مسوولان وايي چې تېر یوه کال کې یې یو میلیون مېندو باندې د تقویې خواړه وېشلې دي.
د ملي پراختیا شرکت مسوولانو نن سهشنبه د زمري لسمه ملت ته د دولت حساب ورکولو پروګرام کې د خپل کلني راپور وړاندې کولو پر مهال وویل چې یادو پروژو کې جوماتونه، د قاتحې سالونونه، لوبغالي، د پوهنتونونو لپاره لیلیې او پر کورونا د اخته ناروغانو لپاره د روغتونونو رغول شامل دي.
د خوست امنیتي مسوولان وايي چې دغه ولایت کې یو دوه کلن ماشوم له تښتونې وروسته وژل شوی دی.
د خوست د امنیې قومنداني ویاند مستغفر ګربز وایي چې د محمد په نوم دغه ماشوم څو ورځې وړاندې تښتول شوی و چې جسد یې پیدا شوی دی.
د غرجستان خصوصي پوهنتون په کابل کې له ځینو نورو بنسټونو سره په همکارۍ د ټول هېواد په کچه له ۱۰۰۰ ډېرو زدهکړیالانو ته د وړیا زدهکړو اسانتیاوې برابروي.
د لوګر د کلیو بیارغونې او پراختیا ریاست مسوولان وایي چې د خوړو نړیوال پروګرام (WFP) له لوري په مرکز پلعلم او یوشمېر ولسوالیو کې ۴ د بیارغونې پروژې ګټې اخیستنې ته سپارل شوې دي.
