ننګرهار کې کروندګر وايي چې سږ کال یې پر خپلو ځمکو هم مُمپلي کرلي او تمه لري چې ډېر حاصل به ترې ترلاسه کړي.
دغو کروندګرو سلاموطندار ته وویل چې سږکال د یاد ولایت یوولس ولسوالیو کې پر ۲۱۱ هکټاره کرنیزه ځمکه مُمپلي کرل شوي چې د پام وړ حاصل ترلاسه کولو لپاره یې کروندګر هیلهمند دي.
د کورنیو چارو وزارت د ټرافیکو عمومي ریاست مسوولان وايي، په تېرو پنځه میاشتو کې یې د کابل ولایت په کچه ۱۸۰۰ تېزرفتاره، برښنایي او بېاسناده «یوکیلي» موټر ثبت کړي دي.
د ټرافیکو د عمومي ریاست د پلان او پالیسي مدیر عبدالودود خیرخوا سلاموطندار ته ویلي چې د دغو شمېرو پر بنسټ، یوازې په کابل ولایت کې د تازه ثبت شویو بېاسناده موټرو پنځه سلنه یې برښنایي موټر دي
د کورنیو چارو وزارت د ټرافیکو عمومي ریاست مسوولان وايي چې تر راتلونکو لسو ورځو به کابل ښار کې د ټکسي موټرو د رنګولو لړۍ پیل کړي.
دغه ریاست د ټکسي موټرو د رنګولو اړوند قراردادي شرکت څخه غوښتنه کړې چې د کابل په څلورو خواوو کې د ټکسي موټرو د رنګولو لپاره ورکشاپونه جوړ کړي.
د لوګر د پوهنې ریاست چارواکي وایي، د پوهنې وزارت له لوري د دغه ولایت په برهکي برک ولسوالي کې ۴ رغنیزې پروژې عملي کېږي.
د بهرنیو چار وزارت سرپرست امیرخان متقي د چین په بلنه د یوه پلاوي په مشري د «ټرانس همالیا» درېیمې ناسته کې د ګډون په موخه یاد هېواد ته روان شوی دی.
ټاکل شوې چې د «ټرانس همالیا فورم» درېیمه ناسته د روانې اکتوبر میاشتې په څلورمه او پنځمه د چین په شيژانګ ایالت کې جوړه شي.
د ټولګټو چارو وزارت مسوولان وايي چې د کابل-جلالاباد لویه لاره چې نږدې دوه اوونۍ وړاندې د غر ښوویېدنې له کبله تړل شوې وه، بېګاه شپه ۷ بجې بېرته پرانېستل شوه.
د افغانستان بانک وايي چې نن سهشنبه د تلې «۱۱» لومړۍ نېټه «۱۴» میلیونه امریکايي ډالر د لیلام په توګه بازار ته وړاندې کوي.
د افغانستان بانک پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به نن سهشنبه «۱۴» میلیونه امریکايي ډالر لیلام کړي.
د ایران د ولسي جرګې د ملي امنیت کمېسیون په دې وروستیو کې هلته د افغان کډوالو وضیعت ارزولی دی. د دغه کمېسیون یوه غړي فداحسین مالکي ویلي، په ایران کې د ناقانونه افغان کډوالو موجودیت د دغه هېواد خلک اندېښمن کړي دي.
یوه ډله چینایي سوداګر د پکتیا او خوست د جلغوزیو پېرلو او چین ته یې د لېږدولو په موخه د لومړي ځل لپاره پکتیا ته تللي دي.
د پکتیا د سوداګرۍ خونې مسوول حسیب ګردېزی د جلغوزیو پېرلو لپاره دغه ولایت ته د بهرنیو سوداګرو ورتګ مهم بولي او وايي، په دې سره به د جلغوزیو سوداګري لا پراختیا ومومي.
په کابل ښار کې په ۲۵ میلیونه ډالره پانګونې د درملو او سیروم جوړولو یوې کارخونې فعالیت پیل کړ. د دې کارخونې مسوولان وايي، دا کارخونه به په څلېرویشت ساعتونو کې د ۱۱۰ زره سیرومونه تولید کړي.
په بدخشان ولایت کې د هېواد په کچه د کرنیزو څېړنو درویشتم فارم پرانېستل شو. د کرنې، اوبو لګولو او مالدارۍ وزارت د کرنیزو څېړنو د انسټېټیوټ رییس نصرتالله طلحه د یکشنبې په ورځ د بدخشان په مرکز فیضاباد کې په دې اړه جوړه شوې غونډه کې وویل چې د یاد فارم په جوړېدو سره به د دغه ولایت باغلرونکو ته لازمې اسانتیاوې برابرې شي.
د ټولګټو وزارت ویاند محمداشرف حقشناس سلاموطندار ته ویلي چې د سالنګ تونل په ګډون د یادې لویې لارې رغنیزې چارې په چټکۍ روانې دي.
حقشناس زیاته کړه چې د سالنګ تونل د لومړۍ طبقې د کانکرېټ اچوونې چارې تر یوه کیلومټر بشپړې شوي او په وینا یې، هڅه کوي چې چارې یې ژر بشپړې کړي.
د لوګر د کلیو پراختیا او بیارغونې ریاست چارواکي وایي، د ملګروملتونو نړیوال سازمان په مالي ملاتړ د خلکو په رهبرۍ د پراختیا موسسې (UNOPS) په تخنیکي همکاري د شاوخوا ۱۰۰میلیونه افغانیو په مالي لګښت ۱۲۰ رغنیزې پروژې عملې کېږي.
د افغان ښځو او بشريحقونو فعاله محبوبه سراج د اوسلو سولې څېړنیز انسټیټیوټ له لوري د ۲۰۲۳ کال د نوبل سولې جایزې ته نومول شوې ده.
دغه انسټیټیوټ محبوبه سراج د ماشومانو د روغتیا، زدهکړو او فساد سره د مبارزې برخه کې اتله بللې او زیاته کړې یې ده چې نوموړې له کورني تاوتریخوالي د مېرمنو د ژغورنې برخه کې هم ګټور فعالیتونه کړې دي.
فاریاب کې یوشمېر «نابینا» مېرمنې وايي چې د وزګارتیا له امله له ګڼو اقتصادي ستونزو سره لاس او ګرېوان دي.
دغه مېرمنې له دولتي او نادولتي بنسټونو چې د نابینایانو برخه کې فعالیت لري، غوښتنه کوي، څو دوی ته د کار او حرفوي زدهکړو زمینه برابره کړي.
سلاموطندار په هېواد کې له ۱۹ هغو مېرمنو سره چې خاوندانو یې دویم او یا له هغه ډېر ودونه کړي، د مرکو په ترڅ کې موندلې چې دغه مېرمنې له بېلابېلو رواني فشارونو ځورېږي.
د مرکه شویو ۱۹ مېرمنو له ډلې یې ۱۳ د خپل خاوند لومړۍ مېرمنې دي او پاتې شپږ یې په بنه «یا د خاوند دویمې مېرمنې» په توګه واده شوې دي.
