د افغان ښځو او بشريحقونو فعاله محبوبه سراج د اوسلو سولې څېړنیز انسټیټیوټ له لوري د ۲۰۲۳ کال د نوبل سولې جایزې ته نومول شوې ده.
دغه انسټیټیوټ محبوبه سراج د ماشومانو د روغتیا، زدهکړو او فساد سره د مبارزې برخه کې اتله بللې او زیاته کړې یې ده چې نوموړې له کورني تاوتریخوالي د مېرمنو د ژغورنې برخه کې هم ګټور فعالیتونه کړې دي.
د اوسلو سولې څېړنیز انسټیټیوټ «PRIO» پرون جمعه د ۲۰۲۳ کال د سولې نوبل جایزې لپاره د نوماندانو وروستی نوملړ خپور کړ.
د اعلان شوي نوملړ له مخې، محبوبه سراج له ایرانۍ نرګس محمدي سره یوځای د نوملړ په سرکې دي. نرګس محمدي ایران کې د اعدام سزا د لغوه کولو غوښتونکې او د بشريحقونو مدافع وکیله ده.
۲۰۲۳ Nobel Peace Prize – PRIO Director's shortlist announced:
۱. Narges Mohammadi and Mahbouba Seraj
۲. Victoria Tauli-Corpuz and Juan Carlos Jintiach
۳. International Court of Justice
۴. Kyaw Moe Tun and Myanmar's National Unity Consultative Council
۵. Human Rights Data…— PRIO (@PRIOresearch) September 29, 2023
د ۲۰۲۳ کال د سولې نوبل جایزې ته ویکټوریا تاولي کورپز، خوان کارلوس جینتیاچ، د عدالت نړیواله محکمه، کیاو میوتون، د میانمار د ملي یووالي مشورتي شورا او د بشري حقونو د معلوماتو او شننې ډله هم نومول شوې دي.
د سولې نوبل جایزه له ۱۹۰۱ کال راهیسې هر کال هغو کسانو ته ورکول کېږي چې د سولې او بشريحقونو برخه کې یې ګټور او اغېزمن فعالیتونه کړې وي.
سلاموطندار پر ټویټر هم وڅارئ
د سږکال (۲۰۲۳) د سولې نوبل جایزې د ورکړې مراسم به د راتلونکې اکتوبر میاشتې په شپږمه جمعه ورځ ونیول شي.