د ټولګټو چارو وزارت مسوولان وايي چې د کابل-جلالاباد لویه لاره چې نږدې دوه اوونۍ وړاندې د غر ښوویېدنې له کبله تړل شوې وه، بېګاه شپه ۷ بجې بېرته پرانېستل شوه.
د یاد وزارت ویاند محمداشرف حقشناس نن سهشنبه د تلې ۱۱مه سلاموطندار ته وویل چې دغه لویه لاره د یاد وزارت د سرپرست له لوري بېرته پرانېستل شوې ده.
د نوموړي په وینا، دغه لاره د کابل دروازې څخه درې کېلومټره لرې د غر ښوویېدنې له کبله تړل شوې وه چې د پاککارۍ چارو په بشپړېدو بېګاه بېرته پرانېستل شوه.
سلاموطندار پر ټویټر هم وڅارئ
د کابل-جلالاباد لویه لاره د هېواد له مهمو لویو لارو څخه شمېرل کېږي چې د هېواد ختیځو ولایتونو ته د مسافرو تګراتګ سربېره له یادو ولایتونو څخه سوداګریز توکي هم پر همدې لاره کابل او نورو ولایتونو ته لېږدول کېږي.