د سمنګان د کرنې ریاست د طبیعي سرچینو د تنظیم امریت مسوولان وايي چې دغه ولایت کې یې د لنډمهال لپاره سلو کسانو ته د کار کولو زمینه برابره کړې ده.
یادو کسانو ته د ځنګلونو د احیا او ساتنې پروژې لهخوا د پستې تخم د کرلو له لارې د کار کولو زمینه برابره شوې.
د خبریالانو نړیوال فدراسیون وايي چې د روان میلادي کال پر مهال نړۍ کې تر دې مهاله ۹۴ خبریالانو او د رسنیو کارکوونکو وژل شوي دي.
د خبريالانو نړيوال فدراسيون لهخوا تازه په یوه راپور کې ویل شوي چې سږکال د غزې نښتو کې د خبريالانو د وژنې څه باندې ۷۲ سلنه پېښې ثبت شوي چې له ۱۹۹۰ کال راهيسې په پوځي جګړو کې د وژل شويو خبريالانو تر ټولو لوړه شمېره ښيي.
د ماشومانو ژغورنې سازمان وايي چې افغانستان کې څه باندې اته میلیونه ماشومان به راتلونکي ۲۰۲۴ کال کې د لوږې له لوړې کچې سره مخ وي.
د یاد سازمان په وینا، افغانستان کې د هوا په سړېدو او وچکالي له امله شاوخوا اته میلیونه افغان ماشومان یا له درېوو څخه یو به یې له لوږې سره مخ شي.
د خوړو نړیوال پروګرام وايي چې افغانستان کې څلور میلیونه مېندې او ماشومان پر خوارځواکۍ اخته شوې دي.
یاد پروګرام نن «شنبه، لیندۍ ۲۵مه» پر اېکس لیکلي چې افغانستان کې د کورنیو اقتصادي ستونزو او سختو شرایطو څلور میلیونه میندې او ماشومان پر خوارځواکۍ اخته کړې دي.
د کورنیو تولیداتو د ملاتړ په موخه د غوره ملي خدمتونو د نندارتون دویم پړاو د پنجشنبې ورځ د کابل ښار په دارالامان ماڼۍ کې پرانېستل شو. دغه څلور ورځنی نندارتون د اطلاعاتو او فرهنګ او اقتصاد وزارتونو، د سوداګرۍ او پانګونې خونې او یوشمېر صنعتکارانو لهخوا د کورنیو تولیداتو د ملاتړ په موخه جوړ شوی دی.
د پاکستان حکومت هغو افغانانو ته چې درېیم هېواد کې د مېشتېدو لپاره خپلو اسنادو ته په تمه دي، یاد هېواد کې د دوه میاشتو اوسېدو اجازه ورکړه.
یاد افغانان پاکستان کې د اوسېدو قانوني اسناد نهلري او درېیم هېواد ته د تلو لپاره دغه هېواد کې د خپلو کېسونو بشپړېدو او ویزو ترلاسه کولو ته په تمه دي.
د لوګر پلعلم ښاروالي چارواکي وایي چې د مرکز پلعلم ښار اړوند سټېډیوم سیمه کې د درېوو کېلومټره کوڅو او کانالونو د بیارغونې چارې پيل شوې.
د ژغورنې نړیوالې کمېټه «IRC» وايي چې د اقلیمي بدلون ترڅنګ د وسلهوالو نښتو زیاتوالی او د نړیوالو مالي ملاتړ کوونکو کمښت به راتلونکي ۲۰۲۴ کال کې په نړیواله کچه بشري ناورینونه لاپسې پراخ کړي. د رویټرز د راپور پر بنسټ، هغه کسان چې ټوله نړۍ کې له خپلو مېنو په زور اېستلو ته اړ شوي، شمېر یې ۱۱۰ میلیونه ته رسېدلی دی.
کابل کې د ۴میلیونه ډالرو په لګښت د «اسیا نور» د درملو تولید یوې کارخونې په فعالیت پیل وکړ.
دغه کارخونه «چهارشنبه، لیندۍ ۲۳مه» د پلازمېنې اړوند د خیرخانې کچکین سیمه کې جوړه شوې چې په رسمي توګه یې خپل فعالیت پیل کړ. د درملو او خوړو ادارې مسوولان وايي، هېواد ته د درملو د قاچاق مخنیوي لپاره یې خپلې هڅې ګړندۍ کړې دي.
د کار او ټولنیزو چارو وزارت وايي چې د تېرې یوې میاشتې پر مهال یې په بېلابېلو دولتي ادارو کې د ښځو په ګډون ۵۸۰ کسان پر دندو ګومارلې دي.
یاد وزارت نن «چهارشنبه، لیندۍ ۲۲مه» پر اېکس پاڼه لیکلي چې دې موده کې ۱۹ ښځو ته په دولتي ادارو کې د کار کولو زمینه هم برابره شوې.
روزګان کې یوشمېر خبریالان له اقتصادي ستونزو او له دوی سره د رسنیو مسوولانو له ناسم چلن څخه سرټکوي.
حکمتالله پاڅون چې روزګان کې یوې خصوصي رسنۍ سره د خبریال په توګه کار کوي، وايي، سره له دې چې معاش یې کم دی، خو بیا هم د رسنیو مسوولان ورسره ناسم چلند کوي.
د یونېسف چارواکي وايي چې د تېرو یوولس میاشتو پر مهال یې روزګان کې ۲۲۰ تړلي ښوونځي بېرته پرانېستلي چې ورسره ۴۵زره ماشومانو ته پهکې د زدهکړو زمینه برابره شوې. سوېل کې د یونېسف ادارې د پوهنې برخې مسوول محمدسرور اماني دې ناسته کې وویل چې یونېسف تېرو ۱۱ میاشتو کې ۲۲۰ هغه ښوونځي چې د کلونو راهیسې تړلي وو، بېرته پرانېستلې دي.
د امریکا د خزانې وزارت په یوه خبرپاڼه کې لیکلي چې د افغانستان د ولسي جرګې پر پخواني رییس میررحمان رحماني او د هغه پر زوی او د ولسي جرګې پخواني غړي اجمل رحماني یې د ډېر فساد له کبله بندیزونه لګولي دي.
د سلاموطندار موندنې چې د ښځو برخه کې له ۲۱ فعالو ښځو سره د مرکو له لارې ترلاسه شوي، ښيي چې د ۱۸ هغو میاشتنۍ تنخواوې کمې شوې دي. د دغو له ډلې دوو هغو چې یوه یې ډاکټره او بله خبریاله ده، ویلي چې تنخواوې یې کمې شوې نهدي، خو په ځنډ ورکړل شوي او یوازې یوې ډاکټرې بیا ویلي چې میاشتنۍ تنخوا یې کمه شوې نهده.
په زابل کې یوشمېر کروندګر او بڼوال وايي، اقلیمي بدلونونو تر بل هر وخته د دغه ولایت کرنه او مالداري له سختو ننګونو سره مخامخ کړې ده. د دوی په وینا، د اوږدمهالې وچکالۍ او د هوا بېوخته بدلون له کبله يې شنه باغونه او پټي له یوې مخې وچ شوي دي.
د ملګرو ملتونو د کډوالۍ عالي کمېشنري له پاکستان څخه د افغان کډوالو د را اېستلو لړۍ په دوام د یکشنبې په ورځ اسوشیېټېډ پرېس خبري اژانس ته ویلي چې له پاکستان څخه ګڼشمېر اېستل شویو افغانانو خپلې شتمنۍ له لاسه ورکړي او د ځان ساتنې لپاره هېڅ هم نه لري.
