پکتیکا کې د ماشومانو لپاره د ملګروملتونو ملاتړې ادارې یا یونېسف لهخوا په جوړ شویو ټولګیو کې زرګونه نجونو او هلکانو ته د زدهکړو زمینه برابره شوې ده.
د پکتیکا د پوهنې ریاست چارواکي وایي چې په یاد ولایت کې د یونېسف لهخوا ۴۷۸ محلي ټولګي جوړ شوي چې دا مهال پهکې ۱۹۴۴۸ نجونې او هلکان پر زدهکړو بوخت دي.
د اطلاعاتو او فرهنګ وزارت د هنر او فرهنګ معین مولوي عتیق الله عزیزي پکتیا ته د خپل سفر پر مهال یوې غونډې ته ویلي چې ټول هیواد کې ۵۰۰۰ تاریخي ابدې ثبت دي چې له ډلې یې شاوخوا ۲۰۰ بیارغونې ته اړتیا لري.
کابل کې یوشمېر کارګر وايي، د وزګارتیا او بېوزلۍ له امله ستړي شوي او په اوونیو اوونیو ورځنۍ مزدوي ورته نه پیدا کېږي.
دوی سلاموطندار ته وايي، له دې وضعیت پوزې ته راغلي او هره ورځ تش لاسونه کور ته ستنېږي. له دې سره د اقتصاد وزارت مسوولان وايي، هېواد کې د وزګارتیا او بېوزلۍ کچې کمولو لپاره یې یو لړ پروګرامونه جوړ کړي دي.
له افغانستان سره د نړیوالې ټولنې د نغدي مرستو په لړ کې نن سهشنبه د ۴۰ میلیونه ډالرو یوه بله کڅوره کابل ته راورسېده.
د افغانستان بانک نن سهشنبه د کب ۲۳مه پر خپله ټوېټرپاڼه لیکلي چې دغه نغدي مرسته یې یوه خصوصي بانک ته سپارلې ده.
د افغانستان بانک وايي چې سبا چهارشنبه د کب ۲۴مه «۱۷» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن سهشنبه د کب ۲۳مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا دوشنبه «۱۶» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
د بغلان د جلګې ولسوالي اوسېدونکي یاده ولسوالي کې د روغتیايي مرکزونو او د قابلو نهشتون څخه شکایت کوي او وايي، روغتیايي خدمتونو ته لاسرسی نهلري.
د عامې روغتیا وزارت د هېواد په ۳۲ ولایتونو کې نن دوشنبه د کب ۲۲مه د پولیو ضد واکسین کمپاین پیل کړ چې څلور ورځې به دوام وکړي.
کابل کې یوشمېر هغه کورنۍ چې ماشومان یې د پولیو ضد واکسین کمپاین کې شاملېږي له نورو کورنیو غواړي چې پر ګوزڼ ناروغۍ د اخته کېدو مخنیوي لپاره خپلو ماشومانو ته واکسین تطبیق کړي.
کابل ښاروالي نن د پلازمېنې اړوند دیارلسمه ناحیه کې د نیالیګو کېنولو کمپاین پیل کړ چې د مسوولانو په وینا، دې کمپاین کې به څه باندې ۲۰۰۰ نیالګي کېنول شي.
د کابل ښاروالي مسوولان وايي چې دغه کمپاین یې یاده ناحیه کې د نیالګیو کېنولو په اړه د عامه پوهاوي په موخه پیل کړی دی.
بلخ کې د خبریالانو پر یوې غونډې د شوې چاودنې مسوولیت داعش ډلې پر غاړه اخیستی دی.
العربیه رسنۍ راپور ورکړی چې داعش ډلې یکشنبه د کب ۲۱مه پر خپل ټلګرام اعلان کړی چې د بلخ مرکز مزارشریف ښار اړوند د خبریالانو پر غونډې د شنبې ورځې چاودنه دوی کړې ده.
د فاریاب د خواجهسبزپوش ولسوالي په «غذاري» کلي کې د هغه ماشوم جسد موندل شوی چې یوه اوونۍ مخکې لا درکه شوی و.
د فاریاب د امنیې قومنداني ویاند حمیدالله بتشکن سلاموطندار ته ویلي چې دغه ماشوم بسمالله نومېده او شپږ کلن و چې یوه اوونۍ وړاندې لادرکه شوی و.
په وروستیو څو ورځو کې پر ټولنیزو رسنیو خپره شوې یوې ویډیو کې یوه ښځه ادعا کوي چې دوو وسلهوالو پر دې او دوو ۱۲ کلنې او ۱۳ کلنې لوڼو یې جنسی تېری کړی او وهلي او ډبولي یې دي. د یادې ویډیو له خپرېدو وروسته د ټولنیزو رسنیو ګڼشمېر کاروونکو دې ویډیو ته تند غبرګونونه ښودلي دي.
د افغاني سرې میاشتې ټولنې مسوولان وايي چې روان میلادي کال یې هېواد کې د زړه سوري ۷۰۷ ماشومانو درملنه کړې او یا تر درملنې لاندې دي.
د افغاني سرې میاشتې ټولنې ویاند عرفانالله شرفزوی وايي چې د یادو ماشومانو له ډلې یې ځینې پاکستان ته او پاتې یې د هېواد شپږو روغتونونو ته د درملنې لپاره لېږلې دي.
د افغانستان بانک وايي چې سبا دوشنبه د کب ۲۲مه «۱۶» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن یکشنبه د کب ۲۱مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا دوشنبه «۱۶» میلیونه امریکايي ډالر لیلام کړي.
بلخ کې د خبریالانو پر غونډې شوې چاودنې ته د غبرګونونو په لړ کې د افغانستان لپاره د ملګروملتونو ځانګړي رپورټر ریچارډ بنټ د افغان خبریالانو د لا ملاتړ غوښتنه وکړه. د یادونې وړ ده چې د تبیان فرهنګي مرکز کې تېره ورځ داسې مهال چاودنه وشوه چې یاد مرکز کې د خبریالانو د ملي ورځې نمانځنې لپاره تیاری نیول شوی و.
کابل کې یوشمېر بېوزله کورنۍ وايي چې د خپلو اولادونو د خوراکي توکو او نورو اړتیاوو برابرولو توان نهلري.
د کابل اوسېدونکې بنفشه د شپږو ماشومانو مور ده. نوموړې سلاموطندار ته وايي چې د وزګارتیا او بېوزلۍ له امله ډېری وخت خپل اولادونه نهشي مړولی. هغه چې یوه نمجن کور کې ژوند کوي، د کورنۍ سرپرست هم نهلري.
د کورنیو چارو وزارت او د یاد وزارت اړوند د ټرافیکو عمومي ریاست مسوولانو نن شنبه د کب۲۰مه کابل کې د یوې ګډې خبري ناستې پر مهال د یو کیلي «ښي لاس» موټرو د ثبت بهیر له پیلېدو خبر ورکړ.
