ننګرهار کې سېلابونه؛ څلور کسان مړه او ۲۵ ټپیان شوي
د ننګرهار په مرکز جلالاباد او د دغه ولایت په یوشمېر ولسوالیو کې د بېګاه شپې سختو ورښتونو له کبله سېلابونه راوتلي چې له امله یې خلکو ته درانه مالي او ځاني زیانونه اړولي دي.
د ننګرهار په مرکز جلالاباد او د دغه ولایت په یوشمېر ولسوالیو کې د بېګاه شپې سختو ورښتونو له کبله سېلابونه راوتلي چې له امله یې خلکو ته درانه مالي او ځاني زیانونه اړولي دي.
د افغانستان لپاره په بشري چارو کې د ملګروملتونو ځانګړي راپور ورکوونکي ریچارډ بنټ او یاد سازمان کې د نجونو او ښځو پر وړاندې د تبعیض کاري ډلې رییسې دو روټي استراداتانک افغانستان ته د بشري حقونو وضعیت په اړه د خپل وروستي سفر موندنې جېنوا کې د دې ټولنې دفتر ته وړاندې کړې دي.
د پنجشېر د پوهنې ریاست مسوولان وايي چې سږکال به دغه ولایت کې د «۳۵» ښوونځیو د ودانیو د بیارغونې چارې پیل کړي. د پنجشېر د پوهنې رییس غلامایشان حماس نن شنبه د غويي ۱۶مه ویلي، ټاکل شوې چې دغه ښوونځي به د یاد ولایت مرکز سربېره په ټولو ولسوالیو کې بیاورغول شي. پنجشېر کې د دغو ښوونځیو د بیارغونې چارې به د پوهنې وزارت له منظورۍ وروسته پیل شي.
د بغلان امنیتي مسوولان وايي چې د دغه ولایت په اړوند سیمه کې ناپېژنده وسلهوالو یو کس وژلی دی.
د بغلان د امنیې قومنداني د مطبوعاتو مسوول شېراحمد برهاني سلاموطندار ته ویلي چې بېګاه شپه د یاد ولایت د نهرین ولسوالي «حافظ بچه» سیمه کې ناپېژنده وسلهوالو د نورالدین په نوم کس وژلی دی.
د ننګرهار په سرخرود ولسوالي کې یوشمېر کسان د خښتو بټیو له څښتنانو سره په ګروي مزدوري کوي. د سلاموطندار د معلوماتو له مخې، په دې ولسوالي کې د پخو خښتو د بټیو کارکوونکو له خپلو مالکانو لا دمخه خپل معاش او یا هم له معاش زیاتې پیسې اخیستې دي او اوس ورسره د دغو پیسو د خلاصولو لپاره په ګروي کار کوي.
د ملګروملتونو د خوړو او کرنې سازمان په یوه تازه راپور کې ویلي چې له ۲۰۲۲ کال راهیسې د افغانستان په ګډون د نړۍ اووه هېوادونه له بېوزلي او شدیدې لوږې سره مخ شوي دي.
د یاد راپور پر بنسټ، په سومالیا کې ۵۷سلنه خلک له لوږې سره مخ و چې له ورته وضعیت سره افغانستان، بورکینافاسو، هایټي، نایجریا، سوېلي سوډان او یمن هېوادونه هم مخ وو.
د ننګرهار امنیتي مسوولان وايي چې دغه ولایت کې یوه هلک د ټیکټاک ویډیو جوړولو لپاره خپل یو ملګری وژلی دی.
پېښه نن پنجشنبه د غويي ۱۴مه د ننګرهار ولایت د مومندرې ولسوالي اړوند سیمه کې رامنځته شوې ده.
د افغانستان بیارغونې لپاره د امریکا ځانګړې پلټونکې ادارې په یوه راپور کې ادعا کړې چې د ا.ا له واکمنېدو راهیسې تراوسه د امریکا حکومت افغانستان سره ۲.۱ میلیارډ ډالر مرسته کړې ده. له دې سربېره افغانستان کې د نړیوالو مرستو د لګښت څرنګوالي په اړه هم نیوکې شتون لري.
د لوګر د مرکز پلعلم ښار اړوند په «جوزار» سیمه کې پرون چهارشنبه د غويي ۱۳مه یو ۱۲ کلن ماشوم له غره څخه لوېدلی او مړ شوی دی.
د لوګر د پوهنې ریاست ویاند شاهپور عرب سلاموطندار ته ویلي، دغه ماشوم د جوزار ښوونځي د شپږم ټولګي زدهکوونکی و او له غره څخه د رالوېدو پېښه کې یې خپل ژوند له لاسه ورکړی دی.
د میدان وردګ امنیتي مسوولان وايي چې دغه ولایت بېګاه شپه یوه عمر خوړلي کس ځانوژنه کړې ده. پېښه د دغه ولایت د سیداباد ولسوالي د نخي درې اړوند «کوډۍ» کلي کې رامنځته شوې ده.
د میدان وردګ د امنیې قومنداني له لوري سلاموطندار ته په رالېږل شوې خبرپاڼه کې ویل شوي چې دغه کس شاوخوا ۷۰کاله عمر درلود او خپل ځان یې زندۍ کړی دی.
د ملګروملتونو سرمنشي انټونیو ګوټرېش د دوحې دوه ورځنۍ ناستې وروسته د یوې خبري غونډې پر مهال وویل چې یاده ناسته کې هڅه وشوه، څو ا.ا سره د تعامل په موخه ګټور او ګډ دریځ رامنځته شي.
د نوموړي په وینا، د یادې غونډې ګډونوالو ا.ا سره د تعامل او باثباته افغانستان سره د مرستې لپاره د یوې ګټورې تګلارې پر جوړېدو ټينګار کړی.
د ننګرهار امنیتي مسوولان وايي چې دغه ولایت کې امنیتي ځواکونو د انسان تښتونکو له منګولو یو ماشوم ازاد کړی دی.
د ننګرهار د امنیې قومنداني وياند عبدالبصير زابلي سلاموطندار ته ویلي چې د بټيکوټ ولسوالي اړوند سیمه کې امنیتي ځواکونو یو ماشوم د انسان تښوونکو له منګولو ازاد کړی دی.
د افغانستان د ازادو رسنیو ملاتړي بنسټ (نی) نن چهارشنبه د غويي ۱۳مه د مطبوعاتو نړیوالې ورځې په مناسبت یوې خبرپاڼه کې ویلي، د رسنیو او خبریالانو ازاد فعالیت باید افغانستان کې د یوه بشريحق په توګه تضمین کړل شي. د یاد بنسټ په خبرپاڼه کې راغلي، له نږدې دوو کلونو راهیسې هېواد کې د رسنیو خپلواک فعالیتونه له ستونزو سره مخ شوي دي.
د لوګر امنیتي مسوولان وايي چې دغه ولایت کې د دوو جلا پېښو پر مهال ناپېژنده وسلهوالو دوه کسان په ډزو وژلي دي.
د لوګر د امنیه قومنداني ویاند احمدالله انس سلاموطندار ته ویلي چې لومړی پېښه د محمداغې ولسوالي په «زرغونښار» سیمه کې رامنځته شوې ده.
د ننګرهار امنیتي مسوولان وايي چې د دغه ولایت په اړوند سیمه کې یوه ۵۵کلن کس ځانوژنه کړې ده.
د ننګرهار د امنیې قومنداني ویاند عبدالبصیر زابلي سلاموطندار ته ویلي چې پېښه پرون سهشنبه د غويي ۱۲مه د دغه ولایت د مومندرې ولسوالي اړوند سیمه کې رامنځته شوې ده.
د پکتیا امنیتي مسوولان وايي، دغه ولایت کې د ټرافیکي پېښې له کبله څلور کسان مړه او ۱۰ نور ټپیان دي.
پېښه پرون سهشنبه د غويي ۱۲مه د مرکز ګردېز ښار «حلیم کلا» سیمه کې رامنځته شوې ده. د پکتیا د امنیې قومنداني ویاند منیب ځدراڼ وايي، دغه ټرافیکي پېښه هغه مهال رامنځته شوه چې د یوې «بکسې موټر» ټایر وچاودېد او له سړک واوښت.