د لوګر امنیتي مسوولان وايي چې دغه ولایت کې د دوو جلا پېښو پر مهال ناپېژنده دوه کسان په ډزو وژل شوي دي.
د لوګر د امنیه قومنداني ویاند احمدالله انس سلاموطندار ته ویلي چې لومړی پېښه د محمداغې ولسوالي په «زرغونښار» سیمه کې رامنځته شوې ده.
د سلاموطندار پښتو فېسبوکپاڼه وڅارئ
د نوموړي په وینا، په دغه پېښه کې یو ۲۵ کلن ځوان چې قاري عبدالوکیل نومېږي د ناپيژنده وسلهوالو له لوري وژل شوی دی.
د لوګر د امنیې قومنداني ویاند احمدالله انس همداراز وویل چې د دغه ولایت په څرخ ولسوالي کې هم د ځمکې پر سر د دوه کورنیو ترمنځ د نښتې له کبله یو ۳۵ کلن کس وژل شوی دی.
انس زیاته کړې چې د دواړو پېښو په تړاو درې کسان نیول شوي او له نیول شویو کسانو د امنیتي ځواکونو پلټنې روانې دي.