د پاکستان د پارلماني ټاکنو له پیل سره، د دغه هېواد په ځینو ایالتونو کې امنیتي پېښو او وسلهوالو بریدونو زور اخیستی دی چې تراوسه پهکې لسګونه کسان وژل شوي او ټپیان شوې دي. په راپور کې ویل شوي چې دواړه چاودنې د بلوچستان په «کلاسیفالله او پښین» کې د ټاکنیزو دفترونو مخې ته رامنځته شوي دي.
د ملي دفاع وزارت سرپرست محمد.یعقوب م.جاهد د چهارشنبې په ورځ په کابل کې «د اسلامي نظام او ملي یووالي د ټینګښت» په نوم یوه غونډه کې د وینا پر مهال د افغانانو پر یووالي ټینګار کړی او ویلي یې دي، که افغانان سره یوموټی شي، نړۍ به سرپرست حکومت او افغانان په رسمیت وپېژني.
په پاکستان کې میشتې یوشمېر افغانې کورنۍ وايي چې ماشومان یې له زدهکړو پاتې دي او اجازه نه لري چې په پاکستاني دولتي ښوونځیو کې نه شاملېږي.
په افغانستان کې د ۲۰۲۱ کال د اګېسټ میاشت کې له سیاسي بدلون وروسته ګنشمېر افغانې کورنۍ د دوی ژوند ته د پېښو ګواښونو له وېرې ګاونډیو هېوادونو ته ولاړل، خو اوس هلته د ګڼو اقتصادي، امنیتي او ټولنیزو ستونزو تر څنګ، ماشومان یې هم زدهکړو ته لاسرسی نه لري.
یوشمېر هغه خبریالان چې افغانستان کې د جمهوریت له پرځېدو وروسته پاکستان ته تللي، دغه هېواد کې د هېوادونو له لوري د دوی د کېسونو د تت بهیر له مخته وړو شکایت کوي. هغه وویل: «د پناه غوښتنې څخه مې اوږده موده کېږي او له بدهمرغه چې رسېدن ورته نهده شوې. ما دې موده کې د خبریالانو له هېڅ بنسټ مرسته او نهدی ترلاسه کړی.»
د احصایې او معلوماتو ملي اداره وايي چې د تېرې یوې اوونۍ پر مهال یې پلازمېنه کابل ښار کې ۱۰۲ د مړینې او ۴۰۷۷ د زېږون کارټونه وېشلې دي.
د احصایې او معلوماتو ملي ادارې نن سهشنبه د سلواغې ۱۷مه پر خپله فېسبوکپاڼه لیکلي چې دغه کارټونه یې د یوې اوونۍ په اوږدو کې نویو زېږېدو ماشومانو ته ورکړې دي.
د کندوز د ټولګټو ریاست مسوولان وايي چې د دغه ولایت په «قلعهذال» ولسوالي کې په پنځه میلیونه افغانیو یو ویجاړ شوی پُل بېرته ورغاوه.
دغه پُل چې د یادې ولسوالي دوه پراخې سیمې «د ولسوالي مرکز او اقتپه» سره نښلوي، د یاد ریاست په بودیجې بیارغول شوی دی.
د پکتیا د کار او ټولنيزو چارو رياست مسولان وايي چې په دغه ولایت کې د یونېسف په مالي لګښت ۱۲۸ کسانو ته د حرفوي زدهکړو په موخه شپږ میاشتنی پروګرام پیل شوی دی.
دې پروګرام کې ګڼشمېر هغه کسان چې وزګاره وو او له اقتصادي ستونزو کړېدل، دې پروګرام کې شامل شوې دي.
د بلخ مرکز مزارشريف ښار کې نن دوشنبه سلواغې ۱۶مه د ښځو د لاسي صنايعو څلور ورځنی نندارتون د ښځینه سوداګرو د ملاتړ او د کورنيو توليداتو د پېژندنې په موخه پرانېستل شو. د بلخ د صنایعو او کانونو خونې مسوولان وايي چې په دې نندارتون کې د ښځو لپاره څه باندې ۷۰ غرفې جوړې شوې دي.
د پاکستان د لنډمهالي حکومت لومړي وزیر انورالحق کاکړ د لومړي ځل لپاره له یوې پاکستانۍ رسنۍ سره مرکه کې ویلي، له افغانستانه پاکستان ته هېڅ ګواښ نشته او افغانانو هېڅکله پاکستان ته ګواښ نهدی پېښ کړی.
د افغانستان سرپرست حکومت د کاکړ له دغو څرګندونو هرکلی کړی دی.
د هرات ګمرک مسوولان وايي چې د دغه ولایت په ګمرک کې د فساد کچه صفر ته تیټه کړې او عواید یې ۶۰سلنه لوړ شوې دي.
د هرات د ګمرک رییس عبدالحمید حامد وايي چې روان کال یې کاري چارو کې روڼتیا رامنځته کړې او د کاري ظرفیت لوړولو په موخه یې پلانونه پلي کړي چې له مخې یې د فساد کچه صفر ته ټيټه شوې ده.
د هلمند محلي مسوولان وايي چې د دغه ولایت ګرمسېر ولسوالي کې د پاکو اوبو رسونې یوه پروژه بشپړه او ګټېاخیستنې ته وسپارل شوه.
په دې اړه جوړو شویو مراسمو کې د کليو بیارغونې او پراختیا ریاست استازي محمدنبي، د یونېسف نړیوال سازمان ولایتي مسوول ډاکټر محمدذکریا اینوا او یوشمېر نورو چارواکو هم ګډون کړی وو.
د ميدانوردګ د کلیو پراختیا او بیارغونې ریاست چارواکي وایي، په مرکز میدانښار، جلرېز او لومړۍ حصه بهسود ولسوالیو کې د ۳۵۰ میلیونه افغانیو په ارزښت د اوبو سکتور، ترانسپورټ او د بشري مرستو برخه (۴۵۱) بېلابېلې پروژې ګټېاخیستنې ته وسپارل شوې.
د بهرنیو چارو وزارت سرپرست امیرخان متقي په افغانستان کې د ملګرو ملتونو د سیاسي استازولۍ یا يوناما له مشرې روزا اوتنبایوا سره لیدلي دي.
د دغه وزارت د ویاند مرستیال ضیااحمد تکل رسنیو ته ویلي چې د یوناما مشرې روزا اوتنبایوا په دې لیدنه کې ا.ا ته بلنه ورکړې چې د دوحې په راتلونکې غونډه کې ګډون وکړي.
د تخنیکي او مسلکي زدهکړو ادارې نن «یکشنبه، سلواغې ۱۵مه» د افغانستان د اوسپنې پټلۍ ادارې، د ناروې کمېټې او درېوو نورو کورنیو بنسټونو سره د ۱۲۰میلیونه افغانیو په ارزښت پنځه هوکړهلیکونه لاسلیک کړل.
د افغانستان بانک وايي چې د روانې اوونۍ د دوشنبې پر ورځ «سلواغې ۱۶مه» به «۱۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، د سلواغې ۱۵مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا دوشنبه «۱۷» میلیونه امریکايي ډالر لیلام کړي.
د لوګر محلي مسوولان وايي چې د کورنیو چارو وزارت د تامیناتو پراختیایي بودیجې په لګښت د محمداغې ولسوالي مقام د داخلې سړکونو د جوړېدو چارې پيل شوې.
