رویټرز خبري اژانس راپور ورکړی چې د روغتیا نړیوال سازمان د بودیجې کمښت په دلیل پرېکړه نیولې چې د نړۍ په سطحه خپل کارکوونکي کم او فعالیتونه محدود کړي.
راپور کې ویل شوي چې د دغې پرېکړې اصلي لامل له دغه سازمانه د امریکا متحده ایالتونو وتل دي.
امریکا هر کال د روغتیا نړیوال سازمان ۱۸ سلنه بودجه تامینوله.
د هند کرېکټ غوره لیګ یا ایپياېل کې نن د ګجرات ټایټنز او ممبی انډییز لوبډلې د یوه بل پروړاندې لوبه کوي.
ټاکل شوې چې یاده لوبه نن ماښام ۶:۳۰ بجې د هند د احمداباد په نرېندرا مودي کرېکټ لوبغالي کې پیل شي.
په میانمار کې چارواکي وايي چې د تېرې ورځې مرګونې زلزلې له کبله د مړو شویو شمېر نږدې ۷۰۰ ته رسېدلی دی.
د چارواکو په وینا، تراوسه په دې زلزله کې ۶۹۴ کسان وژل شوي او څه باندې ۱۶۷۰ نور ټپیان دي. د زلزلې په لومړۍ ورځ پرون جمعه، مارچ ۲۸مه، رسنیو یوازې د ۱۴۴ کسانو د مړینې خبر ورکړی و.
د اوکراین ولسمشر ولودېمیر زېلېنسکي وايي چې دغه هېواد سره د امریکا له لوري شوې مخکینۍ مرستې به د پور په توګه ونهپېژني.
زېلېنسکي دغه څرګندونې په کېیف کې له خبریالانو سره په یوې ناسته کې کړې دي.
غزه کې د روغتیا وزارت چارواکي وايي چې د اسراییلو له لوري حماس سره د اوربند له ماتولو وروسته د پیل شویو بریدونو له امله تر دې مهاله ۸۹۶ کسانو خپل ژوند له لاسه ورکړی دی.
اوربند چې د اسراییلو له لوري د مارچ پر ۱۸مه مات شو، د روانو بریدونو له امله ۱۹۸۴ کسان ټپیان شوي هم دي.
په عربي متحده اماراتو کې چارواکي وايي چې د بېلابېلو عملیاتو پرمهال یې، د پنځو مېرمنو په ګډون لس پاکستانیان د سوال کولو په تور نیولي دي.
د متحده عربي اماراتو پولیسو په دې وروستیو کې د یاد هېواد اوسېدونکو ته خبرداری ورکړی چې د سړکونو، جوماتونو او عامه ځایونو ته نږدې ګرځېدونکو سوالګرو ته د پیسو له ورکولو څخه ډډه وکړي.
د شماليکوریا مشر کېم جونګ اون د مصنوعي ځیرکتیا پر ټکنالوژۍ سمبال د ځانمرګي ډرون الوتکې له ازموینې څارنه کړې او ویلي یې دي چې بېپېلوټه تجهیزات او مصنوعي ځیرکتیا څخه باید د پوځ پیاوړتیا او پرمختګ کې کار واخیستل شي.
د پاکستان د خېبرپښتونخوا په ډېرهاسماعیل خان کې پر امنیتي پوستې د وسلوالو برید کې دوه سرتېري وژل شوي او درې نور ټپیان دي.
تراوسه د یاد برید مسوولیت کوم چا یا ډلې پر غاړه نهدی اخیستی.
د غزې په شمال کې سلګونه کسانو د یوه لاریون پرمهال د جګړې پای ته رسولو او د حماس پر ضد شعارونه ورکړل.
د غزې شمال تر ټولو ویجاړونکې سیمه ده چې د هستوګنې ډېری ودانۍ ویجاړې شوي او پر کنډواله بدلې شوې دي.
د یادې سیمې ډېری اوسېدونکي د جګړو له امله په وار وار بېځایه شوي.
د هند کرېکټ غوره لیګ یا ایپياېل کې نن ماښام د افغان لوبغاړو په ګډون پنجاب کنګز له ګجرات ټایټنز سره سیالي کوي.
ټاکل شوې چې یاده لوبه نن ماښام ۶:۳۰ بجې د هند د احمداباد په «نرېندرا مودي کرېکټ لوبغالي» کې پیل شي.
د جاپان حکومت هغه کس ته چې نږدې ۵۰ کاله وړاندې د قتل په قضیه کې پر اعدام محکوم شوی و، ۱.۴۴ میلیونه ډالر غرامت ورکوي.
۸۸کلن ایوایو هاکامادا په ۱۹۶۸کال کې د خپل رییس، د نوموړي مېرمنې او دوو ماشومانو په وژنه تورن پېژندل شوی او له هغه وخت راهیسې یې، د اعدام حکم ته په تمه و.
د روسیې یوشمېر رسنۍ وايي چې په لوهانسک کې د اوکراین توغندیز برید له امله د رسنیو د درېوو کارکوونکو په ګډون، شپږ کسان وژل شوي دي.
له نن سهار راهیسې د غزې په بېلابېلو سیمو کې د اسراییلي ځواکونو د بریدونو له امله ۱۶ فلسطینیانو خپل ژوند له لاسه ورکړی دی.
دغه بریدونه ساعت وروسته له هغې کېږي چې اسراییلي جېټالوتکو پر نصیر روغتون برید وکړ او د حماس د یوه سیاسي مشر په ګډون پهکې دوه کسان ووژل شول.
د سوکوهنې د درانه وزن پخوانی نړیوال اتل «جورج فورمن» د ۷۶ کلونو په عمر ومړ.
د نوموړي کورنۍ پر انسټاګرام لیکلي چې فورمن بېګاه شپه مړ شوی دی. جورج فورمن د ژوند تر پایه د سوه سوداګر او کشش په توګه ژوند وکړ.
د تېرو درېوو میاشتو پرمهال د درېیم ځل لپاره له لبنان څخه د اسراییلو پر شمالي سیمو توغندي وېشتل شوي دي.
د اسراییلو پوځ وايي چې په یادو توغندیزو بریدونو کې چا ته زیان نهدی اوښتی.
د امریکا ولسمشر ډونالډ خبردری ورکړی چې د ایران له ملاتړ برخمن د یمن حوثي ډله به د امریکا د هوايي بریدونو په پایله کې په بشپړه توګه لهمنځه یوړل شي.
ډونالډ ټرمپ په یوه پیغام چې پر ټولنیزو رسنیو خپور شوی، ایران ته خبرداری ورکړی چې د حوثیانو له ملاتړ لاس او په وینا یې، اجازه ورکړي چې حوثیان په خپله جګړه وکړي.
