نن سهار شاوخوا ۱:۳۰ دقیقې د افغانستان یوشمېر ولایتونه د یوې زورورې زلزلې شاهد وو. خوست او پکتیکا ولایتونه د دې زلزلې له امله سخت ځپل شوي او خلکو ته یې درانه مالي او ځاني زیانونه اړولي دي.
هېواد کې د وچکالۍ ناورین د ژورېدو په اړه د اندېښنو په لړ کې د میدانوردک ځايي چارواکي دغه ولایت کې د وچکالۍ له امله د مېوو د حاصلاتو کمېدو څخه خبر ورکوي.
پېښو ته د رسېدو په چارو کې د دولت وزارت مسوولان وايي چې د هېواد په بېلابېلو ولایتونو کې د وروستیو وروښتونو له کبله راوتلو سېلابونو خلکو ته ګڼشمېر مالي او ځاني زیانونه اړولې دي.
د پکتیکا ولایت د ګیان ولسوالي یوشمېر اوسېدونکو سلاموطندار ته ویلي چې یادې ولسوالي کې د زلزلې له امله ګڼشمېر کورونه ویجاړ شوي او خلک بېړنیو مرستو ته اړتیا لري.
د ا.ا رییسالوزرا محمدحسن اخُند د کابینې په فوقالعاده ناسته کې په پکتیکا او خوست کې د شوې زلزلې له امله د قربانیانو کورنیو او د ټپیانو وضعیت ته د رسېدنې په موخه یو میلیارد افغانۍ منظور کړې دي.
په پکتیکا ولایت کې د بېګانۍ زلزلې له امله د مړو شمېر څه باندې ۱۰۰۰ کسانو ته لوړ شوی دی.
د پکتیکا د اطلاعاتو او فرهنګ رییس امین حذیفه سلاموطندار ته ویلي چې د پکتیکا ګیان، برمل او نکې ولسوالیو کې د شوې زلزلې له امله څه باندې ۱۰۰۰ کسان مړه شوي او شاوخوا ۱۵۰۰ کسان ټپیان دي.
د سوېل ختیځ زون په پکتیکا او خوست ولایتونو کې د بېګانۍ زلزلې له ۲۸۰ کسان مړه شوي او نږدې ۶۰۰ کسان ټپیان شوې دي.
د باختر خبري اژانس د خبر له مخې، د پکتیکا نکې، زیړوک، برملې او ګیان ولسوالیو کې د شوې زلزلې له امله ۲۵۵ کسان مړه شوي او څه باندې ۵۰۰ کسان ټپیان دي.
ځايي مسوولان وایي، د تېره شپې زلزلې له امله د پکتیکا په ګیان ولسوالي کې ۲۰ او د خوست په سپرې ولسوالي کې هم تر ۲۰ زیات کسان مړه شوي او لسګونه نور ټپیان شوي دي. دوی وویل، د ګڼو کورونو نړېدو په دلیل ښايي د تلفاتو شمېرې لوړې شي.
د افغانستان ګڼ شمېر نور ولایتونه هم تېره شپه یوې زورورې زلزلې لړزولي دي.
د کابل ښار یوشمېر اوسېدونکي د غږیزې ککړتیا له امله شکایت کوي او وايي چې په دې ورستیو کې د باروړنکو موټرو او لاسي پلورونکوله لورې رامنځته کېدوونکي غږیزې ککړتیا د ډېرېدو لامل شوی دی.
کابل کې د افغان خصوصي ټلوېزیون مسوولان ادعا کوي چې پرون د اسلامي امارت لسګونه ځواکونه د دغې رسنۍ ته ورغلي او د مصرف کړې برښنا د پیسو د نه ورکړې په پلمه یې رسنۍ ور تړلې ده.
د برښنايي پېژندپاڼو د وېش مرکزونو یوشمېر کارکوونکي وايي چې د اسلامي امارت پورې اړوند واسطه لرونکي کسان د کار پرمهال له ګڼو ستونزو سره مخ کړې دي.
د افغانستان د درملي خدمتونو ټولنې چارواکي وايي چې د خوړو او درملو ملي ادارې د دوی وارد شوي درمل د هېواد په بېلابېلو ګمرکونو کې درولي او که اجازه ورنهکړل شي، کیفیت ته به یې زیان ورسېږي.
د فرانسې خبري اژانس د ډيپلوماټیکو سرچینو په خبره راپور ورکړی چې ملګروملتونو د اسلامي امارت د لوړو زدهکړو وزارت د سرپرست عبدالباقي حقاني او د پوهنې وزارت د یوه بل چارواکي پر سفر معافیت نه دی تمدید کړی او دواړه دغه کسان ممنوعالسفر شوې دي.
په روزګان کې د افغان نور موتکي شرکت د فعالیت په اړه د سلاموطندار د راپور له خپرېدو وروسته د دغه ولایت امنیتي چارواکو یاد شرکت وتاړه او مسوولان یې نیولې دي.
د سرپل بلخاب ولسوالي کې یوه باوري سرچینه چې نه غواړي نوم یې واخیستل سلاموطندار ته ویلي، د اسلامي امارت هزاره توکمي قومندان مهدي مجاهد او د اسلامي امارت ترمنځ څو پړاوه خبرې بېپایلې پای ته رسېدلې دي.د تازه پیلېدونکو خبرو موخه کابل ته د مهدي مجاهد بېرته ګرځېدل او د اسلامي امارت د غوښتنو منل دي.
په افغانستان کې د ملګرو ملتونو د کډوالو عالي کمېشنري رییس لیونارډ زورلو نن کابل کې د کډوالو نړیوالې ورځې په مناست جوړې شوې غونډه کې وویل چې له پاکستان او ایران څخه راستانه شویو ۳.۵ میلیونه افغان کډوالو سره بېلابېلې بشري مرستې شوې دي.
