د کرنې، اوبو لګولو او مالدارۍ وزارت سرپرست عطاالله عمري وايي، سربېره پر دې چې افغانستان د طبیعي سرچینو او کرنې له پلوه شتمن هېواد دی، خو دې برخه کې د پام وړ لاستهراوړنې نهلري.
نوموړي دغه څرګندونې نن یکشنبه د سلواغې دویمه کابل کې د «کرنیزې پرمختیا صندوق د اسلامي مالي محصولاتو» پرانېستغونډه کې کړې دي.
په جوزجان کې یوې امنیتي سرچینې سلاموطندار ته ویلي چې د دغه ولایت د مرکز شبرغان ښار د دویمې امنیتي حوزې د اکمال آمر تمیم چې په عبدالواحد فیضي پېژندل کېږي، په یوه ټرافیکي پېښه کې مړ شوی دی.
د افغانستان د قرغېز قوم چې د بدخشان د واخان ولسوالي په پامیر غرونو کې اوسېږي، د ژوند له لومړیو امکاناتو هم بېبرخې دي او لا هم د سخت ژوند شپې او ورځې پرې سبا کېږي.
دوی وايي، تر اوسه په دې سیمه کې روغتیایي، مخابراتي او ټرانسپورټي اسانتیاوو ته لاسرسی نه لري.
نیمروز کې محلي سرچینې او مسوولان وايي چې دغه ولایت کې د تېرې یوې اوونۍ سړې هوا او توپانونو ۳۲ روږي کسان، یوه مېرمن او یو ماشوم مړه کړي دي.
افغانستان ته د ملګرو ملتونو د لوړپوړي پلاوي څلور ورځنی سفر چې مشري یې د یاد سازمان د سرمنشي مرستیالې امنې محمد کوله، د ښځو حقونو او بشري وضعیت په اړه د اندېښنې په څرګندولو سره پای ته ورسېد.
د خوست د نادرشاهکوټ ولسوالي اوسېدونکي دغه ولسوالي کې د روغتیايي خدمتونو له نهشتون څخه شکایت کوي.
د یادې ولسوالي یوشمېر اوسېدونکي سلاموطندار ته وایي، سره له دې چې دغې ولسوالي کې ۹ کاله وړاندې د ۳۰ بستریز روغتون لپاره ودانۍ جوړه شوې، خو تراوسه یې فعالیت نه دی پیل کړی.
د هند او نیوزیلنډ ترمنځ د درېوو یو ورځنیو سیالیو د لوبلړۍ په دویمه لوبه کې هندۍ لوبډلې د نیوزیلنډ ټوله لوبډله په ۱۰۸ منډو وسوځوله.
د افغانستان بانک مسوولان وايي چې سبا یکشنبه د سلواغې دویمه «۱۴» میلیونه امریکايي ډالر د لیلام په توګه بازار ته وړاندې کوي.
د افغانستان مرکزي بانک نن شنبه د سلواغې لومړۍ پر خپله ټوېټرپاڼه لیکلي چې د افغانیو ارزښت ساتلو او ثبات لپاره سبا یکشنبه «۱۴» میلیونه امریکايي ډالر د داوطلبۍ په توګه بازار ته وړاندې کوي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
بدخشان کې محلي سرچینې وايي چې دغه ولایت کې د یوه موټر د چپهکېدو له کبله شپږ کسان مړه شوي او درې نور ټپیان دي.
د سرچینې په وینا، پېښه پرون جمعه د مرغومې ۳۰مه د بدخشان مایمي ولسوالي کې رامنځته شوې ده. دغه موټر له فیضاباد ښار څخه د مایمي ولسوالي پر لور روان و.
په هرات کې سرچینو ځینو رسنیو ته ویلي چې هرات کې د وروستیو ورځو پر مهال پر نشهيي توکو شاوخوا ۷۰ اخته کسانو د سختې یخنۍ له کبله ژوند له لاسه ورکړی دی.
د ملګرو ملتونو د یونسکو برخې سږ کال د «ښوونې او روزنې» نړیواله ورځ چې د جنوري ۲۴مه ورځ ده، هغو افغان نجونو او ښځو ته ځانګړې کوي چې له زدهکړو بېبرخې شوې دي.
یونسکو نن د یوې خبرپاڼې په خپرولو سره له اسلامي امارت څخه غوښتي چې ژرترژره د افغان نجونو او ښځو پر زدهکړو بندیزونه لرې کړي.
په نیمروز کې ځینو سرچینو سلاموطندار ته ویلي چې نن د دغه ولایت په مرکز زرنج ښار کې دوه ځایه اور لګېدلی دی.
د سرچینو په وینا، په لومړۍ پېښه کې یو ۴۰۴ ډوله موټر اور اخیستی او له کبله یې دوه کسان مړه شوي دي.
د جوزجان امنیتي مسوولان وايي چې دغه ولایت کې د سختو واورو اورېدو او سړې هوا له کبله د مړو شویو کسانو شمېر ۲۴ ته رسېدلی دی.
د جوزجان د امنیې قومانداني ویاند عبدالستار حلیمي سلاموطندار ته ویلي چې د سختې واورې او یخنۍ له کبله د مړو شویو کسانو شمېرې په لوړېدو دي او لپاره یې یو حقیقتموندونکی پلاوی هم ټاکل شوی دی.
افغانستان ته د ملګرو ملتونو راغلی پلاوی پرون کندهار ته تللی او هلته یې د دغه ولایت له مسوولانو سره په خبرو کې ویلي چې غواړي له نړیوالې ټولنې سره د اسلامي امارت اړیکې پیاوړې کړي.
د جوزجان د طبیعي پېښو پر وړاندې د مبارزې رییس سراجالدین سراجي سلاموطندار ته ویلي چې د حبیبالله په نوم یو شپږکلن ماشوم د شبرغان ښار په سیند کې ډوب شوی دی.
هغه وايي، یاد ماشوم لومړی پر واورې ښویېدلی، بیا سیند ته غورځېدلی دی.
د روزګان ولایت مسوولان وايي چې یوه کس د دغه ولایت په چهارچینو ولسوالي کې خپله مېرمن په مرمۍ وژلې ده.
د روزګان د والي ویاند احسانالله حماس سلاموطندار ته وويل چې د محمدنسيم په نوم دغه کس تېره ورځ خپله مېرمن وژلې ده.
