د بریټانیا لومړۍ وزیرې او د محافظهکار ګوند مشرې لیز ټراس په کورنیو ټاکنو کې له بریا ۴۵ ورځې وروسته له خپلې دندې استعفا وکړه. هغې ویلي چې د محافظهکار ګوند د مشر تر ټاکلو پورې به خپلې دندې ته دوام ورکړي.
اغلې ټراس په خپله وینا کې ویلي: «اوسنیو شرایطو ته په کتو نهشم کولای خپله دنده سر ته ورسوم؛ نو له پاچا سره مې خبرې وکړې او خپله استعفا مې وړاندې کړه.»
په وروستیو شپږو کلونو کې د بریټانیا د محافظهکار ګوند خپلمنځي اختلافونه په دغه هېواد کې د سیاسي ناورین لامل شوي او یوازې په دې موده کې څلورو لومړیو وزیرانو له خپلو دندو استعفاوې کړې دي.
د لیز ټراس د واکمنۍ ۴۵ ورځنۍ موده د بریټانیا په تاریخ کې د تر ټولو کمې مودې په توګه هم ثبت شوه.
ټاکل شوې د راتلونکې اوونۍ په پای کې د هغې د ځایناستي د ټاکلو لپاره ټاکنې وشي.