څلور میاشتې وړاندې د اوونۍ په پای کې له کارونو تر فراغت وروسته ګڼو کسانو د هنر او تفرېح لمنه نیوله او له خپلو کورنیو سره یوځای د فلم کتلو ته کېناستل، په چکرونو تل او یا یې هم کتابونه لوستل؛ خو د کرونا ویروس خپرېدل او پرې د ګڼو خلکو اخته کېدل لامل شو چې حکومتونه د قرنطین شدت زیات کړي او له خلکو جدي وغواړي چې په کورنو کې پاتې شي.
د افغانستان د لومړني ملي پارک بندامیر شاوخوا سیمو اوسېدونکي د دغو ساحو د ساتلو څرنګوالي په اړه پوهاوی نه لري او تل یې ګیاهي پوښښ او نور بوټي له منځه وړي. د سیمې دوه اوسېدونکي عليحسین او سید امین ابراهیمي وايي، دغه بوټي ژمي کې د خپلو کورونو تودولو لپاره راټولوي.
د پاکې هوا له نړیوالې ورځې سره هم مهاله د ولسمشر دویم مرستیال سرور دانش د ککړې هوا له کبله د خطرونو په اړه خبرې کوي. د دانش په خبره، ککړه هوا له کورونا ویروس نه ډېره خطرناکه ده او راروان ژمی د هوا د ککړتیا د کمولو مدیریت لپاره باید جدي تدابیر په پام کې ونیول شي.
په سرطاني ناروغیو سلګونه اخته کسان اوسمهال د پاکستان په روغتونو کې تر درملنې لاندې دي؛ خو په هېواد کې د کورونا ویروس د پراخېدو او قرنطین وضع کېدو پسې د هوايي او ځمکنیو لارو بندېدو له کبله درملنه نیمګړې پاتې ده. په دغو سرطاني ناروغیو کې د وینې د سرو او سپینو کرویاتو سرطان، د سینې سرطان، د مثانې سرطان او نورشامل دي چې درملنه یې ډېر وخت او زیاتو پړاوونو ته اړتیا لري.
عبدالمعذ نومېږي او په اصل کې د غور د مرغاب سیمې اوسېدونکی دی. هغه وايي، ۱۳ کلن و چې افغانستان یې د بېوزلۍ او فقر له کبله د ایران په مقصد پرېښود. نوموړي په ایران کې له پاتې کېدو او له یوې ایرانۍ نجلۍ سره تر واده وروسته فکر کاوه چې خپلو هیلو ته رسېدلی دی.
د سرپل ولایت اوسېدونکی سید محمد یو له هغو زرګونو ځوانانو دی چې دغه ولایت کې په ځانګړې توګه کومې ولسوالۍ کې چې دی ژوند کوي، د امنیتي وضعیت خرابېدو له وېرې اړ کېږي، د بېشمېره خطرونو او لوړ لګښت په منلو سره د نامنظمې کډوالۍ لاره غوره کړي.
د مصالحې عالي شورا رييس عبدالله عبدالله پر ټوېټر لیکلي، هند ته د سفر په درېیمه ورځ یې د دغه هېواد لومړي وزیر نریندرا مودي سره لیدلي او د سولې پروسې په اړه یې ورسره خبرې کړې دي.
د امريکا ولسمشر ډونالډ ټرمپ پر ټوېټر لیکلي، باید د امریکايي ځواکونو پاتې کوچنۍ ډله هم چې افغانستان کې خدمت کوي تر را روان میلادي کال پيل پورې هېواد ته ستنه شي. خو د نوموړي تر څرګندونو مخکې د امریکا د ملي امنیت سلاکار رابرټ اوبراین ویلي، امریکا د راتلونکي کال لومړیو کې د خپلو ځواکونو شمېر افغانستان کې ۲۵۰۰ ته کموي.
د قطر په پلازمېنه دوحه کې د سولې د بینالافغاني خبرو له پیله شاوخوا یوه میاشت اوړي، خو اوس د رسنیو او خبریالانو د ملاتړ ادارې په دغو خبرو کې اطلاعاتو ته پر لاسرسي له شته محدودیتونو نیوکې کوي. د افغانستان د ازادو رسنیو د ملاتړ ادارې یا نۍ رییس مجیب خلوتګر وايي، د سولې په بینالافغاني خبرو کې اطلاعاتو ته لاسرسی نه شته او د هېواد رسنۍ د دغو خبرو په تړاو تازه خبرونه او معلومات له بهرنیو رسنیو ترلاسه کوي.
ولسمشر محمد اشرف غني قطر ته د خپل سفر په دویمه ورځ په دوحه کې د بشري مسايلو او شخړو مطالعاتي مرکز ته وینا کې ویلي، په افغانستان کې قدرت میراثي نه دی او د افغان دولت او طالبانو ترمنځ د سولې هر ډول هوکړه باید د ولسي جرګې له لوري تایید شي.
که څه هم تېرو څو کلونو کې میلیونونه ډالر د بیارغاونې په کارونو لګول شوي، خو ډېرې داسې پروژې شته، چې د فساد او درغلیو له کبله یا نیمګړې پاتې شوي او یا هم په ټیټ کیفیت بشپړې شوې دي. په یوې پروژې څو ځلې قرارداد، سهمونه او برخې ورکول او د وسلهوالو ډلو موجوديت هغه لاملونه دي چې د پرمختګ چارې یې نمیګړې پرېيښې دي.
د هلمند د والي ویاند عمر ځواک وايي، تېره شپه د ګرشک ولسوالۍ «یخچال» سیمه کې د ملي اردو پر پوستې موټربم برید شوی چې ۴ سرتېري په کې وژل شوي او ۳ نور ټپیان دي.
د هلمند په ځينو ولسوالیو کې تازه د وسلهوالو طالبانو له لوري پر یو شمېر امنیتي پوستو د بریدونو او د افغان ځواکونو د هوايي بریدونو خبرونه ورکول کېږي؛ خو ترڅنګ يې د هلمند والي محمد یاسین وايي، په تېرو درېیو میاشتو کې وسلهوالو طالبانو په ډېره کچه چاودېدونکي توکي تر لاسه کړي او غواړي چې د عامه تاسیساتو په له منځه وړلو کې يې وکاروي.
جوزجان ولايت کې يوه امنيتي سرچينه سلاموطندار ته وايي چې يوه ولسي پاڅونکوونکي خپل دوه همکاران د موبايل د چارجر پر سر وژلي دي. د سرچينې د معلوماتو پر بنسټ، دا پېښه د سې شنبې په شپه د ياد ولايت د اقچې ولسوالۍ په يوه امنيتي پوسته کې شوې ده.
په تخار ولایت کې یوه معتبره امنیتي سرچینه چې نه غواړي نوم یې خپور شي سلاموطندار ته وايي، د دې ولایت په مرکز تالقانو ښار کې د جنايي جرمونو پرضد د مبارزې مديريت کارکوونکيو ۳کسان له یوې دیارلس کلنې نجلۍ د ناوړه جنسي ګټې اخیستنې په تور نیولي دي.
د ملي امنیت عمومي ریاست وايي، د ياد رياست ځانګړو ځواکونو په کابل کې د طالبانو هغه ۱۵ کسیزه ډله نيولې چې کابل کې يې خلک ترور کول. له دغه ریاسته نن سې شنبه په خپره شوې اعلامیه کې راغلي چې د دې شبکې غړيو د امنیتي او دفاعي ځواکونو او ځینو مهمو سیاسي اشخاصو د ترور دنده درلوده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
