د بلخ د عامې روغتیا ریاست مسوولان وايي چې د دغه ولایت د دولتاباد ولسوالي کې یې د پنځه میلیونه افغانیو په لګښت د یوه روغتیايي مرکز د جوړېدو چارې پیل کړې دي.
د مسوولانو په وینا، دغه روغتیايي مرکز به د دولتاباد ولسوالي په «هاشماباد کلي کې جوړ او چارې به یې د درېوو میاشتو په موده کې بشپړې شي.
د سلاموطندار پښتو فېسبوکپاڼه وڅارئ
د بلخ د عامې روغتیا رییس نجیبالله توانا وايي چې د یاد روغتیايي مرکز د جوړېدو پر چارو به پنځه میلیونه افغانۍ لګښت راشي.
نوموړي همداراز زیاته کړه چې د دغه روغتیايي مرکز ځمکه د خلکو له لوري ورکړل شوې او د رغېدو لګښت یې د عامې روغتیا وزارت او خلکو لهخوا ورکول کېږي.
د بلخ د عامې روغتیا رییس نجیبالله توانا په وینا، د دغه روغتیايي مرکز په جوړېدو سره به د دولتاباد ولسوالي او شاوخوا سیمو شاوخوا ۷۰۰۰ کسان له روغتیايي خدمتونو برخمن شي.
د دولتاباد ولسوالي اوسېدونکي هم د یاد روغتیايي مرکز له جوړېدو د هرکلي ترڅنګ وايي چې له دې وړاندې د روغتیايي خدمتونو برخه کې له بېلابېلو ستونزو سره لاس او ګرېوان وو.
