د ننګرهار ولایت د رسنیو دفتر له لوري په خپره شوې خبرپاڼه کې لیکل شوي چې پاکستان د دغه ولایت مسوولانو ته ۲۷ افغان بندیان چې تازه له بنده خوشې شوي، سپارلي دي.
دغه افغانان چې د اوسېدو سندونو نه لرلو له کبله د پاکستان په بېلابېلو بندخونو کې بندیان وو، د ډیورنډ پر فرضي کرښې د تورخم دروازه کې محلي مسوولانو ته تر سپارل کېدو وروسته خپلو سیمو ته لېږل شوي دي.
د دغو بندیانو په وینا، له څه مودې راهیسې د پاکستان په بندخونو کې وو او د بندخونو مسوولانو هم ورسره ناوړه چلن کاوه.
د سلاموطندار پښتو فېسبوکپاڼه وڅارئ
دا په داسې حال کې ده چې له تېرو څو میاشتو راهیسې په پاکستان کې د افغان کډوالو نیول او بندي کېدل زیات شوي دي.
