د اسلامي امارت ویاند ذبېحالله مجاهد پر خپله ټوېټرپاڼه لیکلي چې هېواد کې زلزله ځپلو سره د مرستې په موخه د چین هېواد له بشري مرستو بار دوه الوتکې نن کابل ته رارسېدلې دي.
د اسلامي امارت د ویاند په وینا، کابل ته د چین د ۸ میلیونه ډالرو په ارزښت رارسېدلې مرسته کې کمپلې، البسه او نور اړین توکي شامل دي.
د سلاموطندار پښتو فېسبوکپاڼه وڅارئ
په ورته مهال مجاهد زیاته کړې چې اسلامي امارت کابل سره د چین د مرستو څخه مننه کوي. له دې وړاندې پاکستان، هند، ایران، قطر، ترکمنستان او ازبکستان هم افغانستان کې زلزله خپلو سره مرستې کړې دي.
په پکتیکا، خوست او پکتیا کې د شوې زلزلې له امله سلګونه کسان مړه او ژوبل شوي او ګڼشمېر کورونه هم ویجاړ شوي دي.
یوشمېر نړیوالو مرستندویه بنسټونو او سازمانونو په زلزله ځپلو سیمو کې د خلکو وضعیت د اندېنښنې وړ بللی او دې برخه کې د پراخو مرستو غوښتنه کړې ده.
