د چاپېریال ساتنې ملي ادارې نن پنجشنبه د کب ۱۲مه پلازمېنه کابل ښار کې د نیالګیو کېنولو دویم کمپاین پیل کړ.
د چاپېریال ساتنې ملي ادارې مسوولانو د یاد کمپاین د پرانېستې مراسمو ته وویل چې افغانستان د اقلیمي بدلون له پلوه د نورو هېوادونو په پرتله تر ډېره اغېزمن شوی او نړۍ باید له دغه هېواد سره مرسته وکړي.
د مسوولانو په وینا، نړیوال بنسټونه دې هېواد کې د عامه خدمتونو ځنډول شوې پروژې او پروګرامونه بېرته پیل کړي.
د چاپېریال ساتنې ملي ادارې سرپرست زینالعابدین عابد وویل: «هر څوک دې دوه نیالګي کېنوي، یو د ځان او بل د راتلونکي نسل لپاره او موږ له نړیوالو بنسټونو غواړو چې خپلې نیمګړې پروژې بېرته پیل کړي.»
د یاد کمپاین پرانېستې مراسمو ته د کابل ښاروالي مسوولان وايي، سږ کال به پلازمېنه کې ۶۰۰زره نیالګي کېنوي.
د کابل ښاروالي د سرسبزۍ رییس عبدالوکیل متوکل وویل: «موږ له له ښاریانو غواړو چې نوي کال کې یو نیالګی کېنوي او همداراز له ټولو غواړو چې د نیالګیو په ساتنه کې ونډه واخلي.»
د کابل یوشمېر اوسېدونکي بیا له خلکو غواړي چې د نیالګیو کېنولو کمپاین کې برخه کې برخه واخلي. د کابل اوسېدونکی فریدالله وايي چې یوه ونه ۴۰ کسانو ته اکسیجن برابروي او په وینا یې، هېوادوال باید نیالګي کېنوي.
سلاموطندار پر ټویټر هم وڅارئ
د یادونې وړ دی چې کابل ښاروالي هر کال د ښار بېلابېلو برخو کې زرګونه مېوهلرونکي او بېمېوې نیالګي کېنوي چې ډېری یې د خلکو او مسوولانو د نهپاملرنې له امله وچېږي.
