د کلیو او پراختیا وزارت مسوولان وايي چې بادغیس کې یې د «قادراباد» د اوبو بند د رغونې چارې پیل کړې دي.
د اوبو د یاد بند د رغونې چارو لګښت ۱۲ میلیونه او ۵۰۰ ډالر اټکل شوی چې د مالیې وزارت له لوري ورکول کېږي.
د سلاموطندار پښتو فېسبوکپاڼه وڅارئ
دغه بند چې د بادغیس په قادس ولسوالي کې موقعیت لري، ۲۰۰ مټره اوږدوالی، ۱۱۴ مټره پلنوالی او ۳۲ مټره اوږدوالی لري.
د کلیو او پراختیا وزارت سرپرست محمدیونس اخندزاده ویلي چې د قادراباد د اوبو بند د ۱،۸۲ میلیونه مترمکعب اوبو د زېرمې ظرفیت لري چې پر مټ به یې ۱۴۰۰ هکټاره کرنیزه ځمکه هم خړوبه شي.
نوموړي زیاته کړه چې ټاکل شوې د یاد بند رغنیزې چارې د یوه کورني شرکت له لوري د دوو کلونو په ترڅ کې بشپړې شي.
د کلیو او پراختیا وزارت سرپرست همداراز وویل چې د دغه بند د جوړېدو چارو په پلېدو سره به زرګونه کسانو ته د کار زمینه هم برابره شي.
د بادغیس د قادراباد د اوبو بند د جوړېدو چارې په ۱۳۹۸ کال کې پیل شوې چې د نظام په پرځېدو سره یې چارې په ټپه درېدولې وې.
