د فاریاب امنیتي مسوولان د دغه ولایت په قرغان ولسوالي کې د یوه ځوان د مړي موندل کېدو خبر ورکوي.
د فاریاب د امنیې قومانداني ویاند حمیدالله بتشکن سلاموطندار ته ویلي چې د سهشنبې په ورځ د بسمالله په نوم د یوه ځوان مړی د قرغان ولسوالي په تازهقرغان سیمه کې موندل شوی دی.
د سلاموطندار پښتو فېسبوکپاڼه وڅارئ
د هغه په وینا، دغه ځوان شاوخوا لس ورځې وړاندې ورک شوی و او مړی یې د یادې ولسوالي د یوه اوسېدونکي د کور د ناپاکو اوبو په څاه کې موندل شوی دی.
نوموړی زیاتوي چې د یاد کور دوو هلکانو بسمالله کور ته بیولی او په مېلمستون کې یې د توپانچې په مرمۍ ویشتی او وژلی دی.
حمیدالله بتشکن وايي چې د اسلامي امارت ځواکونو دواړه هلکان نیولي او اوس ترې پوښتنې ګروېګنې روانې دي.
