د اسټرالیا په نیو ساوټوېلز ایالت کې د واده یوه موټر چپهکېدو له امله لس کسان مړه او ۲۵ نور ټپیان شوي دي.
پېښه بېګاه ۱۱:۳۰ بجې ګرېټا ښارګوټي کې رامنځته شوې ده. دغه سیمه د انګورو باغونو او د ودونو مراسمو لپاره مشهوره بلل کېږي. یاد بس موټر کې سپاره کسان د یوه واده مراسمو څخه بېرته خپلو کورونو ته روان وو.
د سلاموطندار پښتو فېسبوکپاڼه وڅارئ
رویټرز خبري اژانس سیمه کې د پولیسو له قوله راپور ورکړی چې دغه پېښه د یاد بس موټر د چپهکېدو له امله رامنځته شوې او پولیس دې لټه کې دي چې د دغه بس ټول مسافر وپېژني.
د اسټرالیا په رسنیو کې خپاره شویو تصویرونو کې ښکاري چې دغه بس موټر په یوه اړخ چپه شوی او د پولیسو په وینا، ښايي ځینې کسان تر بس لاندې ایسار پاتې وي.
د رویټرز د راپور پر بنسټ، د یاد بس ۵۸کلن موټرچلوونکی نیول شوی او د الکولو او نشهيي توکو د معاینې لپاره روغتون ته لېږدول شوی دی.
په ورته مهال پولیسو ویلي چې دغه پېښه په تېرو ۳۰کلونو کې تر ټولو کمسارې ده چې دغه هېواد کې پېښېږي. د اسټرالیا لومړي وزیر انټوني البانیز د پېښې له امله خواشینې ښودلې او د قربانیانو کورنیو سره یې خپله خواخوږي څرګنده کړې ده.