سلاموطندار له یوشمېر ځوانانو سره د دوی په ژوند کې د «پیسو سپما» په اړه د مرکو پرمهال موندلې چې ډېری دغه ځوانان د اقتصادي ستونزو، د ژوند لوړو لګښتونو او نورو خنډونو له امله نهدي توانېږي چې سپما وکړي. د دې مرکې د ۵۰ ځوانانو له ډلې، ۲۷ یې، وايي، هېڅ سپما شوې پیسې نهلري.
سلاموطندار راډیو د لړم په شلمه، د یکشنبې ورځ د «امید» خپرونې له لارې «افغانستان کې د ځوانانو وضعیت ته کتنه» په نوم غونډه جوړه کړه. په دې غونډه کې چې د اقتصاد، کار او ټولنیزو چارو او د اطلاعاتو او کلتور وزارتونو د استازیو په ګډون د سلاموطندار په دفتر کې جوړه شوې وه، د ځوانانو د کاري، زدهکړهيیزو، ټولنیزو او حقوقي ننګونو او لپاره یې د عملي حللارو وړاندې کولو په اړه خبرې وشوې.
د کابل د عامه کتابتون مسوولان وايي چې د تېرو درېوو کلونو پرمهال دغه کتابتون ته د ورتلونکو کسانو شمېر کې د پام وړ زیاتوالی راغلی او شمېر یې، له ۸۰۰ څخه ۱۵۰۰ کسانو ته لوړ شوی دی.
د کابل د عامه کتابتون د عامه اړیکو عمومي مدير خالد اوریا سلاموطندار ته وايي، هڅه کوي چې د بېلابېلو پروگرامونو له لارې په ټولنه کې د کتاب لوستنې فرهنګ دود کړي.
سلاموطندار د ځوانانو ترمنځ د مطالعې کچې ارزونې او مطالعې ته د انګیزې کمښت لاملونو موندلو په موخه له ۶۸ زدهکوونکو او زدهکړیالانو سره مرکې کړي چې پرمهال یې، موندل شوې، ډېری دغه ځوانان مطالعې سره لېوالتیا نهلري. د تخار اوسېدونکی حسیبالله چې زدهکړیال دی، وايي، د پخوا په پرتله یې، مطالعې ته انګېزه کمه شوې او اوس ډېره کمه مطالعه کوي.
سلاموطندار په کورنیو کې د ځوانانو د کډوالۍ شمېر روښانولو لپاره په کابل کې ۳۱۲ کورنۍ د نمونې په توګه په نښه او پوښتنې یې پرې وېشلې دي. هغو کسانو چې ځوابونه ورکړي، بېلابېل عمرونه لري چې ۳۶،۵ سلنه یې د ۱۸ تر ۲۴ کلونو، ۳۶،۹ سلنه یې د ۲۵ تر ۳۰ کلونو، ۱۶،۳ سلنه یې له ۳۱ تر ۴۰ کلونو او ۱۰،۳ سلنه یې هم له ۴۰ کلونو پورته عمر درلود.
په خوست کې د «ګلاغا پرواني خيريه بنسټ» لهخوا ۳۰ جوړو ته د ډلهييز واده مراسم جوړ شول. د دغه بنسټ مسوولان وايي، نن سهشنبه یې د هغو ۳۰ جوړو لپاره د ډلهيیز واده مراسم برابر کړل چې بېوسه وو او له کلونو راهیسې یې د واده لګښت نه شوای پوره کولای.
په هېواد کې د خلکو، په ځانګړې توګه ځوانانو لهخوا د نوشابې او انرژي ډېر کارول نه یوازې زیات شوي، بلکې ځوانان پرې روږدي شوي هم دي. د کابل ښار يوشمېر ځوانان وايي، د خپلې تندې ماتولو او ستړيا دمه کولو لپاره بېلابېل ډوله نوشابې او انرژي کاروي.
د کابل یوشمېر اوسېدونکو له سلاموطندار سره په مرکو کې ویلي چې اوس له وخته مخکې د ځوانانو د وېښتانو سپینېدل زیات شوي دي. د دوی په وینا، نننی له ستونزو ډک ژوند او د خلکو ترمنځ ډېره سیالي پر ځوانانو اروايي فشارونه زیات کړي او د خوراکي توکو کیفیت هم ټیټ شوی چې له کبله یې انسان ژر زړېږي او وېښتان یې هم له وخته مخکې سپینېږي.
د دایکندي امنیتي مسوولان وايي چې دوه ځوانان د دغه ولایت په «هلمند» سیند کې ډوب شوي او ژوند یې له لاسه ورکړی دی.
د دایکندي د امنیې قومانداني د رسنیو برخې نن «د وږي لسمه، د جمعې ورځ» په یوه خبرپاڼه کې لیکلي چې دا پېښه پرون شاوخوا درې بجې شوې ده.
د غرجستان خصوصي پوهنتون په کابل کې له ځینو نورو بنسټونو سره په همکارۍ د ټول هېواد په کچه له ۱۰۰۰ ډېرو زدهکړیالانو ته د وړیا زدهکړو اسانتیاوې برابروي.
کابل کې د پرتو کتابتون له لوري نن چهارشنبه د چنګاښ ۲۸مه «وادونو کې د لوړ لګښت د پایلو او عواملو ارزونې او د اسانه واده د حللارو وړاندې کولو» تر نوم لاندې علمي او تخصصي ناسته وکړه. د پوهنتون استاد محمدباقر حسیني دې ناسته کې له کورنیو غوښتنه وکړه چې وادونو کې د لوړ لګښت مخه ونیسي.
کابل ښار کې د خطاطۍ او ښکلي خط هنر یوشمېر استادان وايي، تېرو کلونو ته په پام دغه هنر سره د ځوانانو لېوالتیا کمه شوې ده.
دوی سلاموطندار ته وویل چې د تېرو دوو کلونو پر مهال کابل کې د خطاطۍ او ښکلي خط هنر کوم نندارتون نهدی جوړ شوی او دا کار لامل شوی چې د ځوانانو لېوالتیا ورسره کمه او د دوی د زدهکوونکو شمېر هم کم شي.
ګرمسېر، د هلمند د سوېلي ولسوالیو له ډلې یوه ده. د دې ولسوالي اوسېدونکي وايي، په دې ولسوالي کې ټوله راکړه ورکړه د تېرو شاوخوا دېرشو کلونو راهیسې په پاکستانۍ کلدارو کېږي. د دوی په وینا، ټولې وړې او لويي سوداګریزې راکړې ورکړې یوازې په کلدارې کیږي او په ځینو سیمو کې که هټۍوالو ته افغانۍ هم ورکړې، په افغانیو بدلوي.
هلمند کې د غوښن چرګانو یوشمېر فارم لرونکي وایې چې دغه ولایت کې څه باندې ۱۰۰۰ د چرګانو فارمونه فعال دي چې پهکې شاوخوا ۶۰۰۰ کسانو ته د کار زمینه برابره شوې ده.
د غوښن چرګانو یاد فارم لرونکي سلاموطندار ته وايي چې هره ورځ، لسګونه زره کیلو غوښه د هلمند ترڅنګ نورو ولایتونو ته هم صادروي.
کابل کې یوشمېر ځوانانو د خلکو ترمنځ د مطالعې فرهنګ دودولو او په موځه د کتابونو پنځه ورځنی نندارتون جوړ کړی دی.
د دغه نندارتون جوړونکي وايي، هڅه کوي چې د نجونو، مېرمنو او ځوانانو ناهیلي شوي ذهنونه په مطالعې سره بوخت کړي.
فاریاب کې محلي سرچینې وايي چې دغه ولایت کې د یوې ټرافیکي پېښې له کبله درې ځوانان مړه شوي دي.
د سرچینو په وینا، دا پېښه د سلواغې په ۲۷مه، د پنجشنبې په ماښام د فاریاب-جوزجان پر لویې لارې شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
