ولسمشر غني د یوه لوړپوړي پلاوي په مشري پرون ماښام امریکا ته پر سفر روان شو او نن ورسېد. له ولسمشر سره په دغه سفر کې د هغه لومړی مرستیال امرالله صالح، د ملي روغې جوړې شورا رییس عبدالله عبدالله، د بهرنیو چارو وزیر محمدحنیف اتمر، د ملي امنیت سلاکار حمدالله محب او یوشمېر نور چارواکي او د سولې مرکچي پلاوي غړي ملتیا کوي.
ټاکل شوې د روانې جون میاشتې په ۲۵مه د ولسمشر غني په مشري یو افغان پلاوی د امریکا د ولسمشر په بلنه دغه هېواد ته ولاړ شي. په عامه اړیکو او سټراټېژیکو چارو کې د ولسمشر سلاکار وحید عمر پرون وویل چې له ولسمشر سره به په دغه سفر کې عبدالله عبدالله، امرالله صالح، حمدالله محب، حنیف اتمر، شهرزاد اکبر او یوشمېر نور چارواکي ملتیا کوي.
د روان کال د غبرګولي په ۱۸مه د بدخشان یوشمېر اوسېدونکو د اوبو او برېښنا نهشتون او د ناامنیو زیاتېدو په تړاو اعتراض وکړ، خو دغه اعتراض په تاوتریخوالي واوښت او په پایله کې یې ۴ اعتراض کوونکي ووژل شول او تر ۴۰ زیات ټپیان شول.
د بدخشان ولایت یوشمېر اوسېدونکو دوه ورځې وړاندې په دغه ولایت کې د ناامنیو زیاتېدو او د اوبو او برښنا نه موجودیت له کبله اعتراض وکړ، خو دغه اعتراض پر تاوتریخوالي واوښت او امنیتي ځواکونو پر معترضانو ډزې وکړې چې په ترڅ کې یې درې کسان ووژل شول او ۴۳ نور ټپیان شول.
د افغان دولت او ترکمنستان هېواد یو ګډ پلاوی پر اوو مهمو موضوعاتو بحث کوي. دا غونډه نن په هرات کې د دواړو هېوادونو د بهرنیو چارو وزیرانو په مشرتابه پیل او دوه ورځې به دوام وکړي.
ځینو رسنیو پرون داسې راپورونه خپاره کړل چې له مخې یې د طالبانو د قطر دفتر یو پلاوی له خپلو مشرانو سره په استانبول کې د افغان سولې جوړېدونکې غونډه کې د ګډون او نه ګډون په اړه د سلا مشورې په موخه کوټې ته تللی دی.
سره له دې چې د یاد دفتر ویاند ډاکټر نعیم پاکستان ته د دې ډلې د پلاوي تګ ردوي، خو په کوټه کې ازاد خبریال رزاق برق سلاموطندار ته ویلي چې د طالبانو د قطر دفتر یو پلاوی پرون کوټې ته ورغلی دی.
د پاکستان یو پلاوی چی مشري یې د افغانستان لپاره د دغه هېواد ځانګړی استازی محمد صادق خان کوي، د ملي امنیت سلاکار حمدالله محب سره یې د افغان سولې، امنیت، سوداګرۍ او د توکو ټرانزیټ کې د ستونزو پر حل خبرې کړي دي.
په داسې حال کې چې د ولسې جرګې رییس او د دې جرګې یوشمېر غړي د پاکستان د پارلمان مشر اسد قیصر په مشري یوه پلاوي ته د هرکلي په موخه د حامد کرزي هوایي ډګر ته ورغلي وو، خو د پلاوي الوتکه په یاد هوايي ډګر کې د امنیتي ستونزې له کبله بېرته ګرځېدلې ده.
ننګرهار کې د خبریالانو د ناسم وضعیت او د انعکاس ټلوېزیون د وروستۍ پېښې په اړه یوه پلاوي پلټنې پیل کړي. دغه پلاوی وايي، د رسنیو کارکوونکو د امنیت خوندیتوب لپاره به هڅې وکړي.
په پلاوي کې د ملي امنیت عمومي ریاست، د کورنیو چارو وزارت او د خبریالانو د فدراسیون استازي شامل دي.
د افغانستان د سوداګرۍ او صنایعو خونې خصوصي سکټور او د ولسي جرګې یو شمېر وکیلان چې له دوه ورځو راهيسې په اسلامکلا ګمرک کې د اور لګېدو له کبله د اوښتو زيانونو په اړه څېړنې لپاره هرات کې دي، نن يې په يوه خبري ناسته کې خپلې موندنې ټوليزې کړې.
د افغانستان د سوداګرۍ او صنایعو خونې…
د میدان وردګ بهسودو لومړۍ برخې ولسوالي ته د تللي پلاوي یوه غړي سلاموطندار ته ویلي چې په تېرو دوو ورځو کې یې په یاده ولسوالي کې د رامنځته شوې پېښې په اړه د پېښې څرنګوالي په اړه د سیمې له اوسېدونکو، معترضانو او امنیتي ځواکونو نه سندونه او شواهد را ټول کړي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
