د ننګرهار محلي مسوولان وايي، په دغه ولایت کې د پروني باران، توپان او سېلاب له کبله د مړو شویو شمېر ۴۵ کسانو ته ورسېدو.
د ننګرهار د اطلاعاتو او کلتور ریاست د اطلاعاتو امر صدیقالله قریشي وايي، په یادو سېلابونو کې د ژوبل شویو کسانو شمېر ۳۰۰ ته رسېدلی دی. د نوموړي په خبره، دا شمېرې وروستۍ نهدي او ښايي نورې هم ډېرې شي.
د ننګرهار د مرکز جلالاباد ښار په څلورمه ناحیه کې د جميله شېرزاد په نوم شرکت کې لسګونه مېرمنې د لاسي صنایعو پر تولید بوختې دي. خیاطي، سیندي، خامکګنډل او سلمه ګنډل هغه هنرونه دي چې دغه مېرمنې پهکې کار کوي.
د ننګرهار د جلالاباد ښار یوشمېر اوسېدونکي وایي چې ښار کې د ګڼېګوڼې له امله ډېری وخت خپلو کارونو ته پر وخت نهشي رسېدلی او له حکومت غواړي چې د ښار پراخېدو ته پاملرنه وکړي. د دوی په وینا، ښاروالي او اړوند ادارې دې د ښار او سړکونو پراخولو ته ځانګړې پاملرنه وکړي او واټونه، سړکونه او د پلي تګ لارې دې په معیاري توګه ورغول شي.
په ننګرهار کې د اقلیمي بدلون نړیوالې غونډې ګډونوالو د دې غونډې په دویمه ورځ د اقلیمي بدلون په اړه خپلې مقالې چې د اقلیمي بدلون پر لاملونو، اغېزو او حللارو ورټولې وې، وړاندې کړې.
د دې غونډې ګډونوالو پر نړیوالو هم غږ وکړ چې له افغانستان سره د اقلیمي بدلون د ناوړه پایلو او اغېزو د مخنیوي لپاره مرستې وکړي.
ټاکل شوې د لوړو زدهکړو وزارت او د چاپېریال ساتنې ملي اداره روانه اوونۍ په ننګرهار پوهنتون کې د اقلیمي بدلون په نوم نړیواله غونډه جوړه کړي.
چارواکي د دې غونډې د جوړولو موخه د کورنیو او بهرنیو پوهنتونونو د استادانو د علمي او څېړنیزو پایلو وړاندې کول او پر افغانستان د اقلیمي بدلون د هراړخیزو اغېزو په اړه بحث او خبرې کول بولي.
د لغمان او ننګرهار اوسېدونکي د کابلـجلالاباد پر لویې لارې له وروستیو ټرافیکو پېښو وروسته غوښتنه کوي چې د دې لویې لارې دویم سړک دې جوړ شي.
د دوی په وینا، که څه هم له اوږدې مودې راهیسې د یاد سړک سروې بشپړه شوې، خو لا یې هم چارې ټکنۍ دي. د خلکو په خبره، هره ورځ پر دې لارې ټرافیکي مرګونې ټرافیکي پېښې کېږي چې له کبله یې هر کال لسګونه کورنۍ د ویر پر ټغر کېني.
یونېسف روان کال د هېواد په ننګرهار ولایت کې د ماشومانو د ګوزڼ یا پولیو د درېوو مثبتو پېښو له ثبت وروسته د پولیو پېښو زیاتېدو په اړه اندېښنه ښودلې ده.
د ننګرهار محلي مسوولان وايي چې د دغه ولایت د ملکي هوايي ډګر ترمینل یې نن پرانېست.
د ننګرهار محلي مسوولان وايي چې د دغه ولایت په نازیانو ولسوالي کې د پولیو یا ګوزڼ درېیمه مثبته پېښه هم ثبت شوې ده.
نن (د غبرګولي دویمه، د سهشنبې ورځ) ماسپښین مهال د غزني په واغظ ولسوالي کې یوې ۱۵ کلنې نجلۍ د تندر له امله خپل ژوند له لاسه ورکړی دی.
د ګوزڼ ناروغي د له منځه وړلو بېړني عملیاتي مرکز مسوول نېکوليشاه مومن سلاموطندار ته ویلي چې په ننګرهار کې یې د دې ناروغي یوه مثبته پېښه ثبت کړې ده.
د نوموړي په وینا، یو څلور کلن ماشوم په بټيکوټ ولسوالي کې پر دې ناروغي اخته شوې ده. هغه وايي چې دا په روان ۲۰۲۳ کال کې د ګوزڼ لومړنۍ پېښه ده چې په هېواد کې ثبتېږي.
د ننګرهار په سرخرود ولسوالي کې یوشمېر کسان د خښتو بټیو له څښتنانو سره په ګروي مزدوري کوي. د سلاموطندار د معلوماتو له مخې، په دې ولسوالي کې د پخو خښتو د بټیو کارکوونکو له خپلو مالکانو لا دمخه خپل معاش او یا هم له معاش زیاتې پیسې اخیستې دي او اوس ورسره د دغو پیسو د خلاصولو لپاره په ګروي کار کوي.
د ننګرهار امنیتي مسوولان وايي چې دغه ولایت کې ناپېژنده وسلهوالو یو ځوان په ډزو ویشتلی او وژلی یې دی.
د ننګرهار د امنیې قومنداني ویاند عبدالبصیر زابلی وايي، د یاد ولايت د لعلپورې ولسوالي په «کرداوي» کلي کې د سیدشاه په نوم يو ځوان بېګاه شپه د ناپېژنده وسلهوالو له لوري وژل شوی دی.
د ننګرهار سپین غر ولسوالي کې محلي سرچينې سلاموطندار ته وايي چې د دې ولسوالي په شډل سیمه کې د امنیتي ځواکونو او عامو خلکو ترمنځ نښته رامنځته شوې ده.
د سرچینې په وینا، دغه نښته نن له غرمې مخکې هغه مهال رامنځته شوه چې امنیتي ځواکونو په شډل سیمه کې د خلکو کرل شوي کوکنار لهمنځه وړل.
د ننګرهار مسوولان وايي، په دغه ولایت کې یو موټر رغړېدلی چې له کبله یې یو کس مړ او درې نور ټپیان شوي دي.
په افغانستان کې د ملګرو ملتونو ځانګړې استازولۍ یا یوناما پر ټویټر لیکلي چې په ننګرهار کې د ملګرو ملتونو د ښځینه کارکوونکو د کار مخه نیول شوې ده.
یوناما د دې پېښې په اړه د اندېښنې ښودلو تر څنګ، ټینګار کړی چې باید ښځینه کارکوونکو ته یې د کار اجازه ورکړل شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
