اطلاعاتو ته پر لاسرسي د محدودیت له امله د خبریالانو شکایت
که څه هم د اسلامي امارت سرپرست حکومت اطلاعاتو ته د لاسرسي په برخه کې د زمینې برابرولو ډاډ ورکړی، خو خبریالان اطلاعاتو د نه لاسرسي له امله شکایت کوي.
که څه هم د اسلامي امارت سرپرست حکومت اطلاعاتو ته د لاسرسي په برخه کې د زمینې برابرولو ډاډ ورکړی، خو خبریالان اطلاعاتو د نه لاسرسي له امله شکایت کوي.
د افغانستان لپاره د اروپايي ټولنې سفیر وان برانټ ویلي چې د یادې ټولنې سفیرانو د افغانستان وضعیت په اړه انلان ناسته جوړه کړې ده.
د ښځو د حجاب په اړه د اسلامي امارت وروستي فرمان د دولتي ادارو د ښځینه کارکوونکو او نجونو زدهکوونکو ترمنځ وېره او اندېښنه ډېره کړې ده.
یوشمېر خبریالان وايي، د اسلامي امارت له واکمنېدو راهیسې پر رسنیو محدودیتونه ډېر شوي او دغه کار د رسنیو عادي فعالیت او د غږ ازادۍ ته زیان رسولی دی.
د افغانستان د ژورنالېستانو او رسنیزو بنسټونو فدراسیون په هېواد کې د خبریالانو او رسنیو له وضعیت څخه اندېښنه څرګنده کړې او ویلي یې دي چې له خبریالانو او رسنیو سره ناقانونه چلن او محدودیت به د رسنیو نیمڅی ورټول کړي. په خبرپاڼه کې راغلي، اسلامي امارت د کورنیو رسنیو پرمټ د یوشمېر نړیوالو رسنیو پر ټلوېزیوني نشراتو هم بندیز لګولی دی.
د هېواد په دولتي او خصوصي پوهنتونونو کې د اسلامي امارت د لوړو زدهکړو وزارت له لوري د یو لړ بندیزونو د لګولو په غبرګون کې یوشمېر زدهکړیالان وايي چې دغه محدودیتونه به زدهکړهییز نظام له ستونزو سره مخ کړي.
په افغانستان کې د ملګروملتونو سیاسي استازولي یا یوناما د افغان ښځو او نجونو له وضعیت څخه د اندېښنې په څرګندولو سره ویلي چې د افغان ښځو او نجونو حقونو او فرصتونو ته یې لاسرسی له ګڼو ننګونو سره مخ شوی دی.
د بښنې نړیوال سازمان د ښځو نړیوالې ورځې په مناسبت، د نړۍ ټولو دولتونو ته یو لیک استولی او په کې یې له ټولو هېوادونو غوښتي چې د افغان ښځو او نجونو حقونو ته لومړیتوب ورکړي او ورڅخه ملاتړ او څارنه وکړي.
د افغانستان بیارغونې لپاره د امریکا ځانګړې پلټونکې ادارې یا سیګار ویلي چې افغانستان کې د ښځو پر کار د بندیزونو لګول به د دغه هېواد اقتصاد ته یو میلیارد ډالر زیان ور واړوي. سیګار د ملګروملتونو پراختیايي پروګرام د رپوټ پر بنسټ پر خپله ټویټرپاڼه لیکلي، د ښځو پر کار بندیز د دې لامل هم شوی چې د افغانستان ناخالص تولید پنځه سلنه راټيټ شي.
د افغانستان د ژورنالیستانو ملي ټولنې نن په کابل کې د یوې خبري غونډې پر مهال اطلاعاتو ته د خبریالانو د لاسرسي وضعیت په اړه د خپلې تازه نظرپوښتنې موندنې له رسنیو سره شریکې کړې. د شوې نظرپوښتنې پربنسټ، تر ۹۰ سلنې زیات خبریالان اطلاعاتو ته لاسرسی نه لري.
د غالیو د صادراتو ټولنې مشر نوراحمد نوري سلاموطندار ته وايي، سره له دې چې د غالیو د تولید او صادراتو پر وړاندې ستونزې ډېرې دي، خو په تولید او صادراتو کې یې ۲۰ سلنه زیاتوالی راغلی دی. نوموړي زیاته کړه چې د هوا له لارې لس سلنه صادرات لري او له ۹۰ سلنې ډېر بیا د پاکستان له لارې ترسره کېږي.
د افغانستان بیارغونې لپاره د امریکا ځانګړې پلټونکې ادارې یا سیګار هېواد کې د ښځو د وضعیت څرنګوالي څخه اندېښنه څرګنده کړې او ویلي یې دي چې روغتیايي مرکزونو ته د ښځو لاسرسی محدود شوی دی. خو د اسلامي امارت د ویاند مرستیال بلال کریمي پر ښځو د محدودیت لګول او روغتیايي مرکزونو ته د هغوی د لاسرسي محدودېدل ردوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون