د کندوز د ټولګټو ریاست مسوولان وايي چې د دغه ولایت په «قلعهذال» ولسوالي کې په پنځه میلیونه افغانیو یو ویجاړ شوی پُل بېرته ورغاوه.
دغه پُل چې د یادې ولسوالي دوه پراخې سیمې «د ولسوالي مرکز او اقتپه» سره نښلوي، د یاد ریاست په بودیجې بیارغول شوی دی.
د غزني اوسېدونکو نن (د چنګاښ دویمه، د جمعې ورځ) د دغه ولایت په جاغوري ولسوالي کې د څه باندې ۵۰۰ زره افغانیو په مالي لګښت د یوه پُل د جوړېدو چارې پیل کړې.
د بدخشان د کوهستان ولسوالي اوسېدونکي وايي، د یفتلبالا او کوهستان ولسوالیو ترمنځ د نښلېدونکي ۱۸ کیلومټره سړک د بیارغونې چارې یې پیل کړي دي.
دغه سړک چې «دربندک» سیمه کې جوړېږي، ۷۰۰زره افغانۍ لګښت پرې راځي چې د سیمې د خلکو له لوري ورکول کېږي.
د بدخشان دراغستان ولسوالي اوسېدونکو په خپل شخصي لګښت دغه ولسوالي کې د دوه میلیونه افغانیو په لګښت د یوه سړک د رغولو چارې پیل کړي دي.
د بدخشان د اطلاعاتو او فرهنګ ریاست اړوند د اطلاعاتو امر حکمتالله محمدي سلاموطندار ته ویلي، دغه سړک چې د یادې ولسوالي «بېکادر» سیمې څخه «بازار زیرکي» ته غځېدلی او ۱۵ کیلومټره اوږدوالی لري، د سیمو د خلکو په شخصي لګښت جوړېږي.
کابل کې له دولتي ښوونځیو یوشمېر فارغې شوې نجونې وايي، که څه هم دوه، درې کاله وړاندې له ښوونځیو فارغې شوي، خو تراوسه یې شهادتنامې نه دي ترلاسه کړي.
د زابل په مرکز کلات ښار کې د «تورې بند» رغنیزې چارې نن په رسمي توګه پیل شوې. دغه بند چې د رغونې چارې به یې د ملي پراختیا شرکت له لوري پرمخ وړل کېږي، د ۱۸ میاشتو په موده کې به د ۹۷میلیونه افغانیو په لګښت جوړ شي.
د ملګروملتونو د ملاتړ صندوق یا یونېسف د ولایتي ادارې په همکاري د لغمان مهترلام ښار «سلطان غازي بابا، مومناباد او سنګر مېنې» سیمو د ۳۱ میلیونه افغانیو په لګښت د څښاک پاکو اوبو رسونې یوه لمریزه شبکه فعاله او د دوه نورو د رغونې چارې یې پیل کړې.
د برښنا شرکت ویاند حکمت الله میوندي سلاموطندار سره په یوې مرکه کې ویلي چې د برښنا د بیې لوړولو پر طرحې کار روان دی او په څو ورځو کې به عملي شي.
د تاجکستان «خاور» خبري اژانس رپوټ ورکړی چې د دغه هېواد د کورنیو چارو وزارت د تاجکستان په خاوره کې د چین له لوري د پوځي اډې جوړول رد کړي او ویلي یې دي چې د دغه شان پوځي اډې جوړېدل په پلان کې نه لري. وړاندې ویل شوي وو چې چین غواړي د تاجکستان په خاوره کې د یوې پوځي اډې ټول لګښت ورکړي.
رویټرز خبري اژانس د تاجکستان د پارلمان له قوله نن رپوټ ورکړی چې ټاکل شوې د چین حکومت له افغانستان سره پولې ته څېرمه د دغه هېواد د پولیسو ځانګړو ځواکونو د یوې اډې د جوړولو لګښت ورکړي.
هغه مکتوب چې سلاموطندار ترلاسه کړی، ښکاري چې د روان مالي کال ملي بودجه له کسر سره مخ ده او احتمال شته چې دغه کسر زیات شي. دغه مکتوب چې د روانې میاشتې په ۱۶مه نېټه د مالیې وزارت د سرپرست محمدخالد پاینده له لوري لاسلیک او د خزاینو عمومي ریاست او ټولو بودجوي ادارو ته لېږدول شوي، پکې راغلي چې ټول بودجوي واحدونه دې د دولت عادي او پراختیايي لګښتونو کې « سپما» وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
