کابل کې د یوشمېر نجونو نیول کېدل؛ د امر بالمعروف مسوولان: ټولنه کې یې بې‌حجابي دودوله

د امر با.لمعروف او نهې ‌عن‌.المنکر وزارت د محتسبانو له لوري د کابل په ځینو سیمو کې د یوشمېر نجونو د نیولو په اړه د راپورونو خپرېدو سره هم‌مهاله د دغه وزارت مسوولان مني چې محتسبان یې د شرعي مکلفیت پر بنسټ، اړ شوي په ټولنه کې د فحشا او ناسم حجاب مخه ونیسي.

د کندهار په سپین‌بولدک کې ۱۱۰ کسان د کلدارې راکړې‌ورکړې په تور نیول شوي

د کندهار ولایت د سپین‌بولدک ښاروالي کې د ښاري حکومتولۍ مدیر او ویاند عبدالله میوند سلام‌وطندار ته ویلي چې شاوخوا ۱۱۰ هټۍ‌وال او پېرودونکي یې په بهرنیو اسعارو د راکړې‌ورکړې په تور نیولي دي. د نوموړي په وینا، تېره اوونۍ یې هم شاوخوا سل کسان د بهرنیو اسعارو د راکړې‌ورکړې له امله نیولي وو.

هلمند کې زرګونه کیلوګرامه نشه‌يي توکي وسوځول شول

د هلمند د امنیې قومانداني ویاند عزت‌الله حقا.ني سلام‌وطندار ته ویلي چې د امنیې قومانداني د نشه‌يي توکو پر وړاندې د مبارزې مدیریت امنیتي ځواکونو د دغه ولایت په مرکز او بېلابېلو ولسوالیو کې څه باندې ۶۲۶ زره کیلوګرامه نشه‌يي توکي نیولي وو او نن یې سوځولي دي.

سرفرازاحمد بګټی: افغانانو په پاکستان کې له شویو ۲۴ بریدونو په ۱۴ کې لاس درلود

د پاکستان د کورنيو چارو لنډمهالي وزير سرفرازاحمد بګټي د سه‌شنبې په ورځ یوه خبري کنفرانس کې یو ځل بیا پر افغانانو تور پورې کړی چې د دغه هېواد په ناوړه امنیتي وضعیت کې لاس لري. هغه ادعا کړې چې د روان زېږدیز کال له جنوري مياشتې راهیسې په دغه هېواد کې ۲۴ ځانمرګي بريدونه شوي چې په ۱۴ هغو کې یې د افغانستان وګړو لاس درلود.

د نیول شویو خبریالانو کورنۍ له ا.ا څخه د هغوی د خوشې کولو غوښتنه کوي

په کندوز او بدخشان ولایتونو کې د سلام‌وطندار د خبریال حسیب حساس ورور حکیم حساس وايي، د ا.ا استخباراتو تېره اوونۍ په کندوز کې د هغه ورور نیولی او تر اوسه لادرکه دی.
حکیم حساس وايي، ورور یې له خبریالۍ پرته بل هېڅ کار نه درلود. هغه غوښتنه کوي چې ژرترژره دې حسیب حساس خوشې شي؛ ځکه په خبره یې، د کورنۍ یواځینی سرپرست دی.

خوست کې څوارلس کوډګر نیول شوي

د خوست د امنیې قومانداني ویاند مستغفر ګربز وايي چې امنیتي مسوولانو د امر بالمعروف او نهې عن‌المنکر ریاست له مسوولانو سره په همغږۍ اته کوډګر د خوست ښار په شینکۍ سیمه او شپږ نور کوډګر هم د دغه ولایت په ځاځي میدان ولسوالي کې نیولي دي.

پاکستاني پولیسو یو ځل بیا عمران‌ خان نیولی

پاکستاني پولیسو نن «د زمري څوارلسمه، د شنبې ورځ» په لاهور کې د پاکستان پخوانی لومړی وزیر او د تحریک انصاف ګوند مشر نیولی دی.
پولیسو له هغه وروسته عمران خان نیولی چې د اسلام‌اباد لومړنۍ محکمې هغه ته د مالي غبن او د بهرنیو هېوادونو له مشرانو څخه د ډالیو ترلاسه کولو په قضیه کې ګرم وباله او د درېوو کلونو بند سزا یې ورته واوروله.

د مدني فعالانو د خوشې کېدو غوښتنې؛ کریمي: حکومت د ملي امنیت ساتنې مسوولیت لري

د بشري حقونو د لغوه شوي کمېسیون له لوري د مدني او فرهنګي فعالانو د خوشې کېدو له غوښتنې وروسته د ا.ا د ویاند مرستیال وايي، څوک چې ملي امنیت ګډوډوي، پوښتنې به ترې کېږي. د افغانستان د بشري حقونو لغوه شوي کمېسیون په یوه خبرپاڼه کې له ا.ا څخه د دغو مدني فعالانو د ژرترژره خوشې کېدو غوښتنه کړې ده.

د مطیع‌الله ویسا د نیولو پروړاندې غبرګونونه؛ ا.ا: څوک چې ونه خوځېږي، نه نیول کېږي

د مطیع‌الله ویسا ورور عطاالله ویسا پر ټویټر خپره کړې ویډیو کې ویلي چې د اسلامي امارت ځواکونه یې نن کور ته ورغلي او نه یوازې یې پلټلی او د مطیع‌الله ویسا کمپیوټر او ټیلیفونونه یې له ځان سره وړي، بلکې د ده دوه نور ورونه یې هم د لنډې مودې لپاره نیولي وو او د کورنۍ غړیو ته سپکې سپورې ویلې دي.

کابل کې د پنجشېر د کرنې رییس نیول شوی

د پنجشېر د والي ویاند ابوبکر صدیق سلام‌وطندار ته ویلي چې اسلامي امارت دوه ورځې وړاندې د دغه ولایت د کرنې، اوبو لګولو او مالدارۍ رییس عبدالمجیب مشفق په کابل کې نیولی دی.

د ا.ا د ځواکونو له لوري د خبریالانو نیول کېدو او ځورونې په اړه د نی اندېښنه

د افغانستان د ازادو رسنیو د ملاتړ ټولنې یا نی د سلواغې په ۲۷مه، د پنجشنبې ورځ په یوه خبرپاڼه کې لیکلي چې په وروستۍ یوه میاشت کې د خبریالانو د نیول کېدو او ځورونې پېښو زیاتوالي د دوی اندېښنې را پورته کړې دي.

کابل کې د معترضانو نیول کېدل؛ مجاهد: بهرنۍ کړۍ د معترضو ښځو تر شا دي

د تېرې پنجشنبې په ورځ داسې راپورونه خپاره شول چې د اسلامي امارت ځواکونو په‎ کابل کې یوه معترضه ظریفه یعقوبي له څلور نورو هلکانو سره هغه مهال نیولې چې غوښتل یې په یوه خبري غونډه کې ګډون وکړي. سره له دې چې د هغوی له نیول کېدو درې ورځې تېرېږي، خو لا یې هم د وضعیت په اړه معلومات نشته.

تخار کې یو سړی او یوه ښځه د نامشروع اړیکې په تور نیول شوي

د تخار د امنیې قومانداني ویاند عبدالمبین ساپي سلام‌وطندار ته ویلي چې یو سړی او یوه ښځه یې له کوره د تېښتې او نامشروع اړیکې په تور نیولي دي.
د نوموړي په وینا، دغه کسان نن سهار د تخار د مرکز تالقان ښار په «آق‌مسجد» سیمه کې نیول شوي دي.