سمنګانو ولايت کې امنيتي مسوولان وايي، په دې ولايت کې يو ځانمرګی بريدګر نيول شوی دی.
د ياد ولایت د امنيې قومندانۍ وياند منیر رحیمي وايي، ځانمرګی بريدګر چې غوښتل يې پر امنيتي ځواکونو بريد وکړي چې عبدالقیوم نومېږي.
د رحيمي په وينا، ياد کس درهصوف ولسوالۍ ته روان و چې «حضرتسلطان» ولسوالۍ اړوند سيمه کې د پوليسو له لوري ونيول شو.
د معلوماتو له مخې ځانمرګی بريدګر د کونړ ولايت اوسېدونکی دی.
عبدالقیوم په خپل اعتراف کې ويلي چې ۴۰ ورځې يې کونړ ولايت کې د ځانمرګي بريد روزنه لیدلې ده.
د نوموړي په وينا، ده ته لارښوونه شوې وه چې د امنيتي ځواکونو منځ کې ځان ته چاودنه ورکړي.
د سمنګان ولايت پوليسو په دې اړه ډېر جزيات نه دي ورکړي.
