په کابل کې د شپږیزې کرېکټ لیګ په ۱۵ لوبه کې د ابراهیم ځدراڼ او رحمنالله ګوربز د ښې لوبې پرمټ کابل بازانو د امو نهنګانو لوبډلې ته په ۹ وېکټو ماته ورکړه.
امو نهنګانو لوبډلې په یاده سیالي کې لومړی توپوهنه وکړه او په ټاکل شویو شلو اورونو کې د شپږو لوبغاړو په سوځېدو ۱۵۱ منډې جوړې کړې.
د سلاموطندار پښتو فېسبوکپاڼه وڅارئ
کابل بازانو لوبډلې د یاد هدف ترلاسه کولو په موخه ښه لوبه وکړه او د رحمنالله ګوربز ۶۵ او ابراهیم ځدراڼ ناسوځېدو ۸۱ منډو پرمټ یې وکولای شوای چې د لوبې په ۱۴ اوور کې د یوه لوبغاړي په سوځېدو امو نهنګانو ته ماته ورکړي.
سلاموطندار پر ټویټر هم وڅارئ
د نن ورځې په دویمه لوبه کې پامیر زلمي له میسعینک نایټز لوبډلې سره لوبه کوي.
