د فرانسې د فوټبال ملي لوبډلې لوبغاړی کریم بنزما د تمرین پر مهال په ورانه کې د ټپ له امله د قطر په کوربهتوب د فوټبال له نړیوال جام بهر شو.
کریم بنزما چې د اسپانیې په ریال ماډریډ لوبډله کې هم لوبېږي سږ کال یې د نړۍ د غوره لوبغاړي یا د سرو زرو توپ هم وګاټه.
۳۴کلن بنزما د فرانسې لپاره تر دې مهاله ۹۷ لوبې کړي چې د دغې لوبډلې په ګټه یې ۳۷ ګولونه وهلي دي.
له کریم بنزما سربېره د فرانسې د فوټبال ملي لوبډلې دوه نور تکړه لوبغاړي «پاولو پوګبا» او «اېنګولو کانټې» به هم د ټپونو له امله د یوه څه وخت لپاره له ملي لوبډلې لرې وي.
سلاموطندار پر ټوېټرپاڼه هم وڅارئ
فرانسه د فوټبال نړیوال جام په «ډي ګروپ» کې له اسټرالیا، ټونېس او ډنمارک لوبډلو سره یوځای شوې ده.