د اندونیزیا په ختیځ کې د فوټبال د دوو کلبونو ترمنځ له سیالي وروسته په ټېل ماټېل کې ۱۲۹ کسان وژل شوي او ۱۸۰ کسان ټپیان دي.
د اندونیزیا د ختیځ جاوا ټاپو د پولیسو مشر نیکو افینټا رسنیو ته ویلي، پېښه وروسته له هغې رامنځته شوه چې د فوټبال بایلونکې لوبډلې قهرېدلي مینهوال لوبغالي ته دننه شول او پولیسو یې د خورولو لپاره اوښکې بهوونکی ګاز وکاراوه.
نوموړي زیاته کړې چې د ټېل ماټېل او د ساه بندۍ له امله ۱۲۹ کسان وژل شوي او ۱۸۰ نور هم ټپیان دي.
لوبه بېګاه شپه د «ارېما اېف سي» او «پېرسبایا سورابیا» فوټبال کلبونو ترمنځ په جاوا ښار کې وشوه او د ارېما لوبډلې په بریا پای ته ورسېده.
د اندونیزیا د فوټبال فدراسیون ویلي چې د پېښې په تړاو یې څېړنې پیل کړي دي.