د هلمند د کرنې، اوبولګولو او مالدارۍ ریاست لهخوا په دغه ولایت کې د «خرما بڼونو» د دودولو لپاره هڅې پیل شوې دي.
د یاد ریاست د مسوولانو په وینا، سږکال یې د دغه ولایت یوشمېر سیمو کې بزګرانو ته پر ۱۰ جریبه ځمکه د خرما ننداریز او ازمایښتي بڼوڼه جوړ کړي، څو نور کروندګر هم د خرما بڼوڼو جوړولو ته وهڅول شي.
د سلاموطندار پښتو فېسبوکپاڼه وڅارئ
د هلمند د کرنې، اوبولګولو او مالدارۍ ریاست مسوولانو همداراز ویلي چې دغه بڼوڼه یې په لښکرګاه، ناوې، نوزاد، موسیکلا او ګرمسېر ولسوالیو کې جوړ کړي دي.
هغو بڼوالو ته چې د خرما بڼونه ورته جوړ شوي، د باغونې ښې روزنې او پالنې په برخو کې ورته مسلکي زدهکړې هم ورکړل شوي او ترڅنګ یې کرنیزې توکې هم ورته سپارل شوې دي.
د هلمند کرنې ریاست هیلهمندي وښوده چې د کرنیزو محصولاتو اصلاح او پیاوړتیا په موخه د بېلابېلو پروګرامونو له لارې د بزګرو لاسنیوی کوي، څو هغوی د مشروع کرکېلې له لارې خپل حلاله روزي ترلاسه کړي.