د بشريحقونو څار بنسټ د ښځو برخې مرستیالې هیدر بار د المان له هغې نوې طرحې هرکلی کړی چې له مخې یې دغه هېواد له ګواښ سره مخ افغانان المان ته لېږدوي.
د بشريحقونو څار بنسټ د ښځو برخې مرستیالې نن (سهشنبه، لړم درېیمه) پر خپله ټوېټرپاڼه د المان د بهرنیو چارو وزیرې انالنا بربوک او د نوموړې له نوې طرحه چې هره میاشت به ۱۰۰۰ افغانان المان ته لېږدوي، هرکلی کړی دی.
هیدر بار ویلي، د دې وخت رارسېدلی چې نور هېوادونه هم له ګواښ سره د مخ افغانانو په ځانګړې توګه د ښځو حقونو ملاتړ کوونکو د لېږد په موخه د المان له تګلارې پیروي وکړي.
د یادونې وړ ده چې د المان د بهرنیو چارو وزارت تېره اوونۍ یوه طرحه اعلان کړ چې پر بنسټ به یې دغه هېواد تر ۲۰۲۵ کاله پورې هره میاشت افغانستان کې له ګواښ سره مخ ۱۰۰۰ کسان المان ته لېږدوي.
