پاکستاني رسنیو نن یکشنبه د سلواغې ۱۶مه خبر ورکړی چې د دغه هېواد پخوانی ولسمشر پروېز مشرف د عربي متحده اماراتو په یوه روغتون کې ساه ورکړې ده.
رسنیو ویلي چې نوموړی نن سهار د دوبۍ په یوه روغتون کې د ورپېښې ناروغۍ له کبله د ۷۹ کلونو په عمر ومړ.
د پاکستان لومړي وزیر شهباز شریف او د دغه هېواد یوشمېر نورو لوړپوړو چارواکو د پروېز مشر پر مړینې خواشینې ښودلې او د نوموړي کورنۍ ته یې خپله خواخوږي وړاندې کړې ده.
پروېز مشر په ۱۹۹۹ کې د یوې پوځي کودتا له لارې دغه هېواد کې واک ترلاسه کړ او د نهو کلونو لپاره یې حکومت وکړ.
سلاموطندار پر ټوېټرپاڼه هم وڅارئ
نوموړي په ۲۰۰۸ کال کې د یوې ټلوېزیونې وینا له لارې خپله استعفا اعلان کړه چې وروسته دغه هېواد کې د سیاسي ترینګلتیاوو زیاتېدو سره بهر کې مېشت شو. نوموړی د «امیلوییدوز» په نوم ناروغۍ باندې اخته شوی و.