د زابل د ورزش امریت مسوولان وايي چې دغه ولایت کې د څلور ولایتونو د رزمي لوبو د لوبغاړو ترمنځ یو ورځنۍ سیالۍ پیل شوې.
دغه سیالۍ د څلور ولایتونو زابل، غزني، کندهار او روزګان د ۵۰ لوبغاړو ترمنځ د کلات ښار په نوي جوړ شوي جمنازیوم کې پیل شوي دي.
د زابل د ورزش امر احمد ویلي چې د یادو سیالیو له جوړېدو یې موخه د رزمي لوبو د غوره لوبغاړو پېژندل دي.
هغه زیاته کړه چې په دې سیالیو کې له ۱۷ کیلو څخه تر ۸۵ کیلو وزن پورې لوبغاړي لوبې کوي چې ګټوونکو ته یې یو لړ ډالۍ هم په پام کي نیول شوي دي.
سلاموطندار پر ټویټر هم وڅارئ
په ورته مهال یوشمېر لوبغاړي هم د دغو لوبو له جوړېدو خوښي څرګندوي او په وینا یې، راتلونکې کې هم باید ورته دغه شان لوبې برابره شي.
