د پوهنې وزارت سرپرست نورالله منیر نن روزګان کې د یوې غونډې پرمهال ویلي، اوسنیو شرایطو ته په پام خلک نه غواړي چې خپلې ۱۶کلنې لوڼې ښوونځيو ته واستوي.
نوموړي زیاته کړه چې هڅه کوي ډېر ژر د نجونو لپاره شرایط برابر کړي، څو وکولای شي په خوندي چاپېریال کې خپلې زدهکړې وکړي.
یوې ۴۰ کلنې ښځې نن سهار د فاریاب ولایت د اندخوی ولسوالي په کوپلک سیمه کې ځان را ځړولی او وژلی دی.
په اندخوی ولسوالي کې سرچینو سلاموطندار ته ویلي چې یادې ښځې د خپلې کوټې په پکه کې ځان را ځړولی او ژوند ته یې د پای ټکی ايښی دی.
بغلان کې د مېرمنو د لاسي صنایعو د تولید کارخونو مسوولان وايي، د اسلامي امارت له واکمنېدو وروسته یې د لاسي صنایعو تولیدات ۷۰ سلنه کم شوي دي.
پکتیا نن له شپږم ټولګي پورته د نجونو هغه ښوونځي بېرته وتړل شول چې له څو اوونیو راهیسې د لېسو مدیرانو او ځايي خلکو لهخوا پرانېستل شوي وو. د راپورونو له مخې، نن سهار نجونو هغه مهال چې ښوونځیو څخه ستنې کړل شوې، په لاریون ووتلې. نجونو لاریون کوونکو د لاریون پرمهال د ښوونځیو د بېرته پرانېستو غوښتنه کوله.
فاریاب کې ځینو سرچینو سلاموطندار ته ویلي چې د حمیدالله په نوم یوه ځوان خپله ځوانه خور په توپانچه ویشتلې او وژلې ده.
دا پېښه نن مازدیګر د فاریاب د مرکز میمنې ښار د دویمې ناحیې په اړوند سیمه کې شوې ده.
کابل کې د پاکستان سفارت ویلي، په پام کې لري چې راتلونکو درېوو کلونو کې د «علامه اقبال» د سکالرشیپ پروګرام له لارې ۴۵۰۰ افغان محصلانو ته د زدهکړو سکالرشیپونه ورکړي.
د پکتیا اوسېدونکو په مرکز ګردېز او څمکنیو ولسوالي کې له شپږم ټولګي پورته د نجونو د ځینو ښوونځیو له پرانېستلو هرکلی کړی دی.
د مرکز ګردېز اوسېدونکو سلاموطندار ته ویلي، خوښ دي چې له تېرو څو ورځو راهیسې له شپږم ټولګي پورته نجونې زدهکوونکې ښوونځیو ته ځي.
د ا.ا ویاند ذبېحالله مجاهد نن کابل کې یوې غونډې ته وویل چې پکتیا کې له شپږم ټولګي پورته د نجونو ښوونځیو د پرانېستل کېدو په اړه پلټنې پیل شوي دي.
نوموړي زیاته کړه چې هېواد کې له شپږم ټولګي پورته د نجونو ښوونځیو د پرانېستل کېدو واک یوازې پوهنې وزارت سره دی او بل څوک یې د پرانستلکېدو امر نهشي ورکولای.
د «الهه» په نوم یوه نجلۍ چې ځان د کابل طبي پوهنتون محصله بولي، په یوه ویډیو کې چې پر ټولنیزو رسنیو خپره شوې، ادعا کوي چې د کورنیو چارو وزارت پخواني ویاند سعید خوستي په زوره ورسره نکاح کړې ده. هغه ادعا کوي چې له واده وروسته به سعید خوستي د وهلو ډبولو ترڅنګ، نور ظلم هم ورسره کاوه.
د هرات امنیه قومانداني وايي، پولیسو د دغه ولایت د مرکز په شپږمه امنیتي حوزه کې هغه ښځه لاس په لاس نیولې چې غوښتل یې خپل خاوند ووژني.
د امنیې قومانداني په یوه خبرپاڼه کې لیکلي چې یادې ښځې او خاوند یې مخکې په محکمه کې حقوقي دعوا لرله او خاوند یې چې کله د محکمې جلب د خُسر کور ته ور وړی، مېرمنې یې په چاکو وهلی دی.
د ملګرو ملتونو امنیت شورا بېګاه ناوخته افغانستان کې د اقتصادي او بشري وضعیت د ارزونې په اړه غونډه وکړه.
که څه هم دغه ناسته د افغانستان په اړه جوړه شوې وه، خو د نړۍ ستر ځواکونو دې ناسته کې پر بل تندې نیوکې وکړې. ویل کېږي چې دغه ناسته د روسیې او امریکا د استازیو ترمنځ په لفظي شخړې پیل شوه.
د کندهار یوشمېر سیمو کې هغه نجونې زدهکوونکې چې عمرونه یې لوړ دي او پنځم-شپږم ټولګیو کې زدهکړې کوي، له ښوونځیو ایستل شوي دي. دغه نجونې وايي، د ښوونځيو د مديرانو لهخوا ورته ويل شوي چې ښوونځيو ته دي نه ورځي. دغه نجونې زدهکوونکې د اسلامي امارت چارواکو څخه غوښتنه کوي چې ورته د زدهکړو اجازه ورکړي.
جلالاباد کې یوه خیریه بنسټ ۱۵۰ هغه مېرمنې چې بېوزله او د کورنۍ سرپرست نهلري، د خیاطۍ په برخه کې روزلي او نن یې پر یادو مېرمنو د کار د پیل په موخه د خیاطۍ ماشینونه او نور وسایل ووېشل، څو د خپل کورني اقتصاد پياوړتیا او ستونزو حل په برخه کې ترې ګټه واخلي.
د افغانستان لپاره د اروپايي ټولنې ځانګړي استازي توماس نیکلسون پر خپله ټوېټرپاڼه لیکلي، دوی له شپږم ټولګي پورته د نجونو ښوونځیو بیاپرانیستلو په اړه ډېرې خبرې کړې، خو افغانستان کې نور داسې مسایل هم شته چې باید پرې خبرې وشي. د اروپايي ټولنې ځانګړي استازي ویلي، د نجونو ښوونځیو بیاپرانیستل د دوی لومړیتوب دی.
د فراه امنیتي مسوولان وايي، یوې ښځې بېګاه د دغه ولایت د خاک سفید ولسوالي په «محلخان» سیمه کې خپل خُسر په بستره کې وژلی دی. وژل شوی کس دینمحمد نومېږي.
د خاک سفید ولسوال مخلص اغا سلاموطندار ته ویلي، امنیتي مسوولان د پېښې ځای ته ورغلي او هغه ښځه یې نیولې چې خپل خُسر یې وژلی دی.
د عامې روغتیا وزارت مسوولانو نن کابل کې د خپل کلني راپور د واړندې کولو پرمهال وویل چې دغه وزارت د ښځینه ډاکټرانو له کمښت سره مخ دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
