ارګ نن دوشنبه د کب ۲۱مه پر خپله اېکسپاڼه دغه پیغام خپور کړی او د نوموړي په حواله لیکل شوی چې ځینې فرصتطلبه خلک د روژې میاشتې په رارسېدو سره د خوراکي او نورو توکو بیې لوړوې چې په وینا یې، مسوولان یې باید مخه ونیسي.
د افغانستان په ګډون په ګڼو اسلامي هېوادونو کې نن دوشنبه د کب ۲۱مه د روژې مبارکې میاشتې لومړۍ نېټه ده.
د کار او ټولنیزو چارو وزارت نن یکشنبه د کب ۲۰مه د روان کال روژې میاشت کې د دولتي ادارو د کار مهالوېش اعلان کړ.
دغه وزارت په یوه خپور کړي مکتوب کې ویلي چې د روژې میاشتې پر مهال به په دولتي ادارو کې کار پر ۹ بجو پیل او له کومې دمې پرته به د ماسپښین تر دوو بجو دوام کوي.
په خوست کې د لومړي ځل لپاره د پنځو هېوادونو د لوبغاړو په ګډون د «ازادې مبارزې سيالي» وشوې.
مسوولان وايي چې يادې لوبې د «اوايفسي» سازمان په چوکاټ کې شوي چې سياليو کې د اتو بهرنیو لوبغاړو سربېره، د هېواد له اوو ولايتونو څخه ۱۸ لوبغاړو هم پهکې ګډون درلود.
د افغانستان بانک مسوولان وايي چې سبا «یکشنبه، کب ۱۹مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک (شنبه، د کب ۱۸مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا یکشنبه «۱۵» میلیونه امریکايي ډالر لیلام کړي.
د بهرنیو چارو وزارت ویاند عبدالقهار بلخي جمعه، کب ۱۸مه پر اېکسپاڼه لیکلي، ا.ا د فلسطین په لوېدیځه غاړه «الصفه الغربیه» کې د اسراییلو له لوري د ۳۵۰۰نویو مېشتځایونو د جوړېدو پرېکړه غندي او د بندېدو غوښتنه یې کوي. یاد وزارت پر نړۍ غږ کړی چې فلسطین کې د روان ناورین مخنیوي په پار بېړني اقدامات وکړي او خپل مسوولیت ادا کړي.
د سرپرست حکومت د بهرنیو چارو وزارت سرپرست امیرخان متقي نن «جمعه، مارچ اتمه» د افغانستان لپاره د هند ځانګړي استازي جيپي سنګ سره کتلي دي.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې دې لیدنه کې دواړو لوریو د افغانستان او هند ترمنځ پر اقتصادي او ټرانزیټي مسایلو خبرې او بحث کړی دی.
د افغانستان او ترکیې د دوستۍ ۱۰۳مې کلیزې سره هممهاله، د ترکیې د فارغالتحصیلانو ټولنې، ترکیې پوهنې بنسټ په همکاري او ټېکا، کابل کې د دواړو هېوادونو د دوستۍ تړون د لاسلیککېدو ۱۰۳مې کلیزه ونمانځله. یادو مراسمو کې ګډونکوونکو ، افغانستان کې د پوهنې او زدهکړو برخو کې د ترکیې فعالیتونه وستایل او د دوام غوښتنه یې وکړه.
د سرپرست حکومت د کورنیو چارو وزارت په شخصي موټرو کې د دولتي نښو او هارنونو پر کارولو بندیز لګولی دی.
دغه وزارت نن پنجشنبه د کب ۱۷مه پر اېکسپاڼه لیکلي د شخصي موټرو له چلوونکو غوښتنه کړې چې په خپلو موټرو کې د دولتي نښو، اشارو او هارنونو له لګولو ډډه وکړي.
د پکتیا امنیتي مسوولان وايي چې د روان ۱۴۰۲ کال پر مهال یې د وژنو، غلاوو او نورو بېلابېلو جرمونو په تړاو ۵۶۲ کسان نیولي دي.
د پکتیا امنیې قومنداني ویاند منیب ځدراڼ په دې خبري ناسته کې وویل چې روان کال دغه ولایت کې د قتل په تړاو ۴۹، د غلا په تړاو ۱۲۳ کسان او پاتې نور بیا د بېلابېلو جرمونو په تورن نیول شوي دي.
ایراني رسنیو خبر ورکړی چې د دغه هېواد د نشهيي توکو پر وړاندې د مبارزې عمومي منشي سکندر مومني له افغانستان څخه ایران ته د نشهيي توکو د قاچاق زیاتوالي په اړه اندېښنه ښودلې ده.
د ایراني رسنیو د راپورونو پر بنسټ، نوموړي ټینګار کړی چې په تېرو لسو میاشتو کې له افغانستان څخه د نشهیي توکو په قاچاق کې کموالی راغلی، خو برعکس له افغانستان څخه ایران ته د صنعتي نشهيي توکو په قاچاق کې ۲۰ سلنه زیاتوالی راغلی دی.
د ریاستالوزرا سیاسي مرستیال محمد عبدالکبیر نظامیانو ته ویلي، د انسانتښتوونکو او هغو ډلو پر وړاندې جدي ګامونه واخلئ چې د خلکو ارامتیا او د ټولنې نظم او امنیت ګډوډوي.
نوموړي دا خبرې پرون د عبدالفهیم په نوم د هغه ماشوم په کور کې کړي چې څو ورځې وړاندې د انسان تښتوونکو له منګولو وژغورل شو.
عاقله چې له رنګه زېړه او د ناروغۍ نښې نښانې پهکې له ورایه ښکاري، د افغانستان سرپرست حکومت سترې محکمه کې د خپلې قضیې د حل پر لټون راوتلې.
له درده ننوتې او له اوښکو وچې سترګې یې پر ما ولګېدې، پر هغې مې سلام کړ، هغې په وېره او غلی راته علیک کړ. له روغ بړ وروسته په دې پوه شوه چې زه خبریاله یم.
که څه هم له افغانستانه د ترهګرو ډلو د ګواښونو په اړه وخت ناوخت یوشمېر هېوادونه اندېښنې څرګندونوي، خو د سرپرست حکومت چارواکي وايي چې وسلهوالې ډلې یې لهمنځه وړي دي.
د رییسالوزرا سیاسي مرستیال محمد عبدالکبیر کابل کې د ننګرهار ولایت یوشمېر اوسېدونکو او قومي مشرانو سره په خبرو کې ویلي، افغانستان کې د داعش ډله له منځه تللې.
د افغانستان د سرپرست حکومت د تېرې یوې اوونۍ پر مهال د دویم ځل لپاره ترکمنستان ته دویم اقتصادي پلاوی استولی دی.
په دغه پلاوي کې چې مشري یې د صنعت او سوداګرۍ وزارت سرپرست نورالدین عزیزي کوي، د دولتي ادارو او خصوصي سکتور چارواکي هم شامل دي.
په دایکندي کې د «نسیم» په نوم یوې محلي راډیو چې شپږ میاشتې وړاندې د سرپرست حکومت د ځايي چارواکو لهخوا تړل شوې وه، «شنبه، کب ۱۲مه» یې خپلې خپرونې بېرته پیل کړې.
د کندهار د امنیې قومانداني ویاند اسدالله جمشېد سلاموطندار ته وویل، د مزملاحمد خان په نوم یو ماشوم چې د کندهار ښار د پنځلسمې امنیتي حوزې اړوند د صالون خان چمن اوسېدونکی و او څه موده مخکې ورک شوی و، پرون یې مړی د کور مخې ته تر پلچک لاندې پیدا شوی دی.
