د پکتيا ګردېز ښار کې د ناامنو سيمو زده‌کوونکيو ته د ليلې ودانۍ جوړه شوه

د پکتيا ولايتي مسوولان وايي، په مرکز ګردېز کې د ناامنه سيمو زده‌کوونکيو لپاره د ليلې ودانۍ جوړه شوه او ډېر ژر به زده کوونکي ترې ګټه واخلي.

د پکتيا والي محمد حليم فدايي وويل، دغه ودانۍ د ۴۶ ميليونه افغانيو په لګښت په څلورو پوړونو کې د پوهنې وزارت له پرمختيايي بوديجې جوړشوې چې د ۲۸۰ زده کوونکيو د اوسېدو وړتيا لري.

افغان ليکوال رهنورد زریاب د ۷۶ کلونو په عمر ومړ

افغان ليکوال محمداعظم رهنورد زریاب نن د ۷۶ کلونو په عمر ومړ. نوموړی له يو مودې راهيسې په روغتون کې بستري و.

د زریاب له خپلوانو لطف‌الله نجفي‌زاده پر خپله ټوېټرپاڼه د نوموړي مړينه تاييد کړې ده او ويلي يې دي چې رهنورد زرياب تېرو اوونيو کې پر کرونا ويروس اخته شوی و.

زریاب د ليکوالۍ ترڅنګ په طلوع نيوز ټلويزون کې ايډېټور و. نوموړی په دري ژبه د هېواد مشهور رومان لیکونکی و او د ايران، هند او تاجکستان فرهنګي ټولنو يې له اثارو سره بلدتيا درلوده.

باميانو کې ۱۰ سلنه زده‌کوونکې نجونې د ژر واده کولو له کبله ښوونځي خوشې کوي

د باميانو د پوهنې رياست مسوولان وايي، ياد ولايت کې ۱۰ سلنه زده‌کوونکې نجونې د ژر واده کولو له کبله ښوونځي خوشې کوي.

د ياد ولايت د پوهنې رييس ایوب امیري سلام‌وطندار سره خبرو کې وويل، د دوی د رياست موندنې ښيي چې له ۱۳۹۷ کال را وروسته شاوخوا ۱۲۰۰۰ نجونې ښوونځيو ته نه دي حاضرې شوي.

پوهنیز نظام د فلج په درشل کې

په یو شمېر ښوونځیو کې بې‌نظمیو د کورنیو اندېښنې را پارولي او وايي، د پوهنې په سیسټم کې د بې‌نظمیو موجوديت د منلو نه دی او د هېواد پوهنیز نظام د فلج په درشل کې دی. د دغو کورنیو په خبره، ګڼ شمېر ښوونځیو کې ښوونکي نشته او زده‌کوونکي له لوست پرته بېرته خپلو کورونو ته ستنېږي.

لوګر کې د ناامنيو له کبله له منځنۍ دورې پورته د نجونو ښوونځي تړل شوي

د لوګر ارزې، خوښۍ او خروار ولسوالیو کې د نجونو پر مخ له څلورم ټولګي د پورته ښوونځیو له تړل کېدو وروسته، اوس مرکز پل‌علم او بره‌کي برک، څرخ او محمداغې ولسوالیو کې له  منځنۍ دورې پورته ښوونځي د نجونو پرمخ تړل شوي دي.

د لوګر د پوهنې ریاست ویاند شاه‌پور عرب سلام‌وطندار ته وویل، د ناامنیو زیاتېدو له کبله بره‌کي‌برک، محمداغې او څرخ ولسوالیو کې له څلورم ټولګي او مرکز پل‌علم کې له شپږم ټولګي پورته ښوونځيو کې د نجونو لیک لوست بند شوی.

د «پر اسلامي نړۍ د بغداد د واکمنۍ وختونه» کتاب پېژندنه

دغه کتاب چې یوګ کینیډي په انګلیسي ژبه لیکلی د مسلمانانو په تاریخ کې د عباسیانو د خلافت دوره معرفي کوي. خو مخکې له دې چې  د کتاب په منځپانګې تبصره ولولو، لمړی به په دې وغږېږو چې ژباړه د ملي/ادبي فرهنګ په لوړتیا کې څه رول لري او ما ولې دغه اثر د ژباړې لپاره غوره کړی.

له افغاني اصیلو ادبیاتو د ګټې اخیستو په اړه ارګ ته منسوب مکتوب غبرګونونه راپارولي

له تېرو دوو ورځو راهیسې یوه مکتوب کې چې ویل کېږي د ارګ له خوا د لوړو زده‌کړو موسسو ته استول شوی، غوښتل شوي چې تر دې وروسته پوهنتونونو کې د لیسانس دورې مونوګراف او د ماسټرۍ تېزس کې د افغانستان له اصلي ادبیاتو ګټه واخیستل شي.
لکه څنګه چې پخوا د ښار په کچه تابلوګانو نه د فارسي کلمو لرې کولو او د الکټرونیکي تذکرو وېب‌پاڼه کې فارسي ژبه د بهرنیو ژبو په لېست کې اچولو د هېوادوالو غبرګون راپورته کړی وو، دا ځل هم د ټولنیزو رسنیو کاروونکيو د دغه مکتوب په خپرولو سره، د ارګ په سیاستونو چې د هېواد د ملي ژبو په اړه یې غوره کړي، نیوکه کړې ده.

د هرات د مصلی پنځم منار بیا رغونې لپاره اغاخان بنسټ چمتووالی وښود

ولسمشر ماڼۍ اعلان کړه چې د اغاخان فرهنګي بنسټ د هرات د مصلی پنځم منار بیا رغوي.

صدیق صدیقي نن چهارشنبه پر خپله ټوېټرپاڼه وليکل چې د اغاخان فرهنګي بنسټ ولسمشر ته په يوه ليک کې ډاډ ورکړی چې د هرات د مصلی پنځم منار د بیا رغونې لپاره بشپړ چمتووالی لري.

طالبانو د فارياب دولت‌اباد ولسوالۍ ښوونځيو کې د اوزبکي ژبې تدريس منع کړ

د فاریاب ولايت محلي مسوولان وايي، طالبانو په دې ولايت کې له تدريسي نصابه د اوزبکي ژبې مضمون لرې کړ.

د ياد ولايت والي نقیب‌الله فایق سلام‌وطندار ته وايي، د فارياب ولايت دولت‌اباد ولسوالۍ کې د طالبانو د پوهنې مسوول مولوي حنفي د خپلې کنټرول لاندې سيمو کې د ښوونځيو مسوولانو ته لارښوونه کړې چې له تدريسي نصابه د اوزبکي ژبې مضمون لرې کړي.

عمران راتب؛ فرارَوی از اراده و برگشت جاودانی

یادداشتی بر متن «در باب امکان عبور از خود» از کتاب «مالیخولیا و تردید» اثر عمران راتب. به مناسبت دومین سال‌مرگ این پژوهندۀ فلسفه که نقش تعیین‌کننده‌یی در افزایش سطح دانش و رشد اشتیاق جوانان افغانستان در مطالعه و پژوهش فلسفه و ادبیات و هنر داشت. (۱۹۹۱-۲۰۱۸)