Asset 1SWN

طالبانو د فارياب دولت‌اباد ولسوالۍ ښوونځيو کې د اوزبکي ژبې تدريس منع کړ

12556657_613-oy3w9qe608papiaenz5krho1cxnzcqe6xjnkoueutw

 

د فاریاب ولايت محلي مسوولان وايي، طالبانو په دې ولايت کې له تدريسي نصابه د اوزبکي ژبې مضمون لرې کړ.

د ياد ولايت والي نقیب‌الله فایق سلام‌وطندار ته وايي، د فارياب ولايت دولت‌اباد ولسوالۍ کې د طالبانو د پوهنې مسوول مولوي حنفي د خپلې کنټرول لاندې سيمو کې د ښوونځيو مسوولانو ته لارښوونه کړې چې له تدريسي نصابه د اوزبکي ژبې مضمون لرې کړي.

نقیب‌الله فایق وايي، فاریاب ولايت کې د وسله‌والو ډېری جنګيالي اوزبکان دي؛ خو طالبان د اوزبکي ژبې په له منځه وړلو سره نفاق ته لمن وهي.

د فاریاب ولايت ډېری اوسېدونکي چې په اوزبکي ژبه خبرې کوي، طالبان نفاق ته په لمن وهلو تورنوي او وايي، د دوی مورنۍ ژبې سره دښمني ورته په هېڅ ډول د منلو نه ده.

فاریابي زده‌کوونکي د طالبانو له دې کاره اندېښمن دي.

د فاریاب ولايت پوهنې رياست تر اوسه پورې په دې اړه څه نه دي ويلي.

د طالبانو يو وياند قاري یوسف احمدي په فاریاب ولايت کې له تدريسي نصابه د اوزبکي ژبې د لرې کولو په اړه ادعا ردوي او وايي چې دا کار د طالبانو پر خلاف يو پروپاګند دی.

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام