پکتیا کې د شاتو مُچیو یوشمېر فارم لرونکي دغه ولایت کې د شاتو خرڅلاو لپاره د مناسب بازار نشتون له امله شکایت کوي.
دوی سلاموطندار ته وايي، که څه هم په ډېرې سختۍ سره د شاتو مُچیو پالنه کوي، خو په وینا یې، خرڅلاو لپاره یې بازار نهلري.
د غزني محلي مسوولان وايي چې د دغه ولایت اړوند ناوې ولسوالي ته د ۲۰ میلیونه افغانیو په لګښت اداري ودانۍ جوړېږي.
یادې ولسوالي ته د اداري ودانۍ د جوړېدو چارې نن سهشنبه د لړم نهمه د دغه ولایت د محلي چارواکو له لوري پرانېستل شوې.
هرات کې د شوې زلزلې له امله له زیانمنو شویو سره د مرستو په لړ کې تازه جاپان یادو زلزلهځپلیو سره یو میلیون ډالر مرسته اعلان کړې ده.
د خوړو نړیوال پروګرام نن سهشنبه د لړم نهمه پر اېکس «ټوېټرپاڼه» لیکلي چې د جاپان دغه مرسته به د زلزلهځپليو ستونزو راکمولو برخه کې ګټوره تمامه شي.
د پاکستان د کورنیو چارو وزارت چارسمبالی وزیر وايي چې دغه هېواد کې مېشت ټول افغان کډوال به بېرته افغانستان ته واستول شي.
سرفراز بوګټي دغه هېواد کې له یوې رسنۍ سره په مرکه کې خبرداری ورکړی چې د ملګروملتونو د کډوالو عالي کمېشنرۍ سره د ثبت شویو کډوالو په ګډون به ټول افغانان د روان کال د نومبر میاشتې له لومړۍ نېټې وروسته دوو پړاوونو کې له دغه هېواده واېستل شي.
په خوست کې د کرنې، اوبولګولو او مالدارۍ ریاست له لوري د «جوارسل» په نوم د کرنیزو څېړنو فارم جوړېږي.
د خوست د کرنې، اوبولګولو او مالدارۍ رياست مسولان وايي، د دې ولايت مرکز کې پر ۱۱۰جريبه ځمکه د کرنيزو تحقيقاتو يو ځانګړی فارم د جوړېدو چارې يې پيل کړې دي.
د ملي پراختیا شرکت او افغان ملي بانک د یکشنبې په ورځ له دوو کلونو ځنډ وروسته د کابل ښار په دهمزنګ کې د افغان ملي ماڼۍ د بیارغولو پاتې چارې پیل کړې.
د دې پروژې مسوولان وايي، د افغان ملي ماڼۍ د جوړولو پروژې ۳۷ سلنه چارې دوه کاله وړاندې بشپړې شوي او ټاکل شوې چې څه باندې ۶۰ سلنه چارې یې تر دې وروسته بشپړې شي.
د هلمند د امنیې قومانداني ویاند عزتالله حقا.ني سلاموطندار ته ویلي چې د امنیې قومانداني د نشهيي توکو پر وړاندې د مبارزې مدیریت امنیتي ځواکونو د دغه ولایت په مرکز او بېلابېلو ولسوالیو کې څه باندې ۶۲۶ زره کیلوګرامه نشهيي توکي نیولي وو او نن یې سوځولي دي.
د سوداګرۍ او صنایعو وزارت پر خپلې اېکسپاڼې لیکلي چې یو اوزبکستانی پلاوی نن سهار (د لړم اوومه، د یکشنبې ورځ) کابل ته راغلی دی. د خبرپاڼې پر بنسټ، د اوزبکستان د لومړي وزیر مرستیال جمشېد خواجهبوف د دغه پلاوي مشري کوي او د یاد هېواد د سوداګرۍ او کانونو او ټرانسپورټ وزارتونو وزیران، خپلواک رییسان او سوداګر په دغه شاوخوا ۴۵ کسیز پلاوي کې شامل دي.
په لوګر کې د دولتي ځمکو د غصب مخنیوي کمېسیون مسوولان وای چې د دغه ولایت په بېلابېلو سیمو کې د تېر یوه کال پر مهال ۲۵زره جریبه ځمکه له غصب راګرځول شوې ده.
د پکتیکا محلي مسوولان وايي چې د دغه ولایت نکې ولسوالي ته د ۲۲ میلیونه افغانیو په لګښت د اداري ودانۍ د جوړېدو چارې یې پیل کړې دي.
بلخ کې د یوه سوداګر له لوري د یو میلیون ډالرو په لګښت د نباتي غوړیو د تولید، تصفیې او پروسس کارخونې د جوړېدو ډبره کېښودل شوه.
سلاموطندار له ۳۰ هغو مېرمنو سره چې د کار جواز اخیستلو غوښتونکې دي، د مرکو په ترڅ کې موندلې چې دغه مېرمنې په یوشمېر سکټورونو کې نشي کولای کاري جواز ترلاسه کړي.
کابل کې د رواني ناروغیو د تخصصي روغتون مسوولان وايي، دغه روغتون ته د مراجعهکوونکو په شمېر کې ۴۲سلنه زیاتوالی راغلی دی.
د فاریاب د میمنې ښار یوشمېر کارګر وايي چې له وزګارتیا پوزې ته راغلي او بېلابېلو ستونزو سره لاس او ګرېوان دي.
دغه کارګر سلاموطندار ته وايي، له سهار تر ماښامه د میمنې ښار څلور لارو کې په دې تمه ولاړ وي چې څوک به یې د کار کولو لپاره بوځي. خو په وینا یې، ډېری وخت تش لاسونه کور ته ستنېږي.
د پنجشېر د کانونو او پټرولیم رییس محمدقاسم امیري سلاموطندار ته ویلي چې د لړم په دویمه، د سهشنبې ورځ یې «۳۳۳۱.۷۵» جعبې تازه را اېستل شوي زمرد د داوطلبۍ له لارې په ۸۲۷ زره او ۲۰۰ امریکايي ډالرو ملي سوداګرو ته ورکړي دي.
د افغانستان د اوسپنې پټلۍ ادارې ویاند سمېع دراني سلاموطندار ته وویل، د دغې ادارې سرپرست بختالرحمان شرافت هم د روسیې په رسمي بلنه «آستِراخانِ» فورم کې د ګډون لپاره دغه هېواد ته سفر کړی دی.
