افغانستان - SALAM WATANDAR

لوګر کې د هدفي وژنو او وسله‌والو غلاوو ډېروالی

د لوګر ولایت د مرکز پل‌علم ښار او د کابل- لوګر لویې لارې موټرچلوونکي او مسافر وایي، د تېرو دوو اوونیو راهیسې په پل‌علم ښار او یوشمېر ولسوالیو کې هدفي وژنې او وسله‌والې غلاوې ډېرې شوې دي.
د مرکز پل‌علم ښار یوشمېر اوسېدونکي وایي، د نوي کال له پیل سره سم په دغه ښار او یوشمېر لویو لارو کې هدفي وژنې او ناامنۍ وروستۍ کچې ته رسېدلې دي.
دوی زیاتوي، یوازې په تېره اوونۍ کې د درې ملکيانو په ګډون، پنځه کسان په پل‌علم ښار کې د ناپېژنده وسله‌والو له لوري وژل شوي دي.

بامیان کې د یوې نجلۍ دوه مئینان؛ لومړي د دویم هغه ستونی پرې کړی

د بامیان محلي مسوولان تاییدوي چې د دغه ولایت د یکاولنګ ولسوالي په مرکز کې یو ۱۷ کلن ځوان په مرموز ډول وژل شوی دی.
د یکاولنګ ولسوال عظیم فرید وایي، د پېښې په تړاو یې ۴ کسان نیولي دي. د نوموړي په خبره، د بامیان د جنایي جرمونو پر وړاندې پولیسو د یادې پېښې د انګېزې او څرنګوالي په اړه څېړنې پیل کړې دي. هغه زیاتوي، وژل شوی کس د غور ولایت د لعل او سرجنګل ولسوالي اوسېدونکی دی.

په ملي راډیو ټلوېزیون کې د مسوولانو دوه‌ګوني چلن نیوکې راپارولي

ملي راډیو ټلوېزیون یوازینۍ دولتي رسنۍ ده چې په کراتو قومي او ژبني تبعیض ته پر لمن وهلو تورنه شوې ده. که څه هم دغه اداره ملي نوم لري، خو یوشمېر ښاریان او د ټولنیزو رسنیو کاروونکي یې مسوولان پر دوه‌ګوني چلن تورنوي.

احمدضیا سراج: ترهګري لا هم یو جدي ګواښ دی

د قطر العدید هوايي ډګر ته څېرمه د یوشمېر امریکايي بي۵۲ جنګي الوتکو د ځای پر ځای کېدو خبرونو د خپرېدو په درشل کې دلته په افغانستان کې له دغه هېواد څخه د امریکايي ځواکونو له وتلو وروسته امنیتي وضعیت په اړه اندېښنې زیاتې شوي، خو د حکومت لوړپوړو امنیتي چارواکو نن په کابل کې د یوې خبري غونډې پر مهال که څه هم ترهګري لا هم یو جدي ګواښ یاد کړ، خو په وینا یې، افغان امنیتي او دفاعي ځواکونه د خپلې خاورې او خلکو د دفاع وړتیا لري.

د سلام‌وطندار موندنې؛ له بېګاه راهیسې په ۹ ولایتونو کې ۲۵ کسان وژل شوي

په هېواد کې د ناامنیو په دوام بېګاه شپه او نن ورځ پلازمېنه کابل او د هېواد یوشمېر ولایتونه د ناامنیو شاهدان وو. د سلام‌وطندار موندنې ښيي چې له بېګاه راهیسې د هېواد په ۹ ولایتونو کې د ماین چاودنو او هدفي بریدونو له کبله ۲۵ کسان وژل شوي او ۸ نور ټپیان دي.
د پلازمینې په دوو جلا جلا پېښو کې ناپېژنده وسله‌والو یو ملکي کس او څلور پوځيان وژلي دي.

کورونا؛ په یوه شپه او ورځ کې ۱۰ کسان مړه شوي

د عامې روغتیا وزارت وايي چې په تېره یوه شپه او ورځ کې ۱۰ کسان چې پر کورونا اخته وو، مړه شوي او ۱۱۳ نور پرې اخته شوي دي. تازه پېښې په ۱۱ ولایتونو کې شوې دي. په همدې موده کې ۲۹ ناروغان بېرته ښه شوي دي.
دغه وزارت نن په خپل ورځني راپور کې ویلي چې په تېرو څلېرویشت ساعتونو کې یې د ۱۱۳۷ کسانو نمونې چې د کورونا شک پرې کېده، کتلې دي.

د برښنا د لګښت پیسو ډېروالي په اړه د کابل ښاریانو شکایت

برښنا شرکت د وري میاشتې په ۲۰مه وویل چې تر دې وروسته به په کابل کې د برښنا د لګښت بلونه هره میاشت پر خلکو وېشل کېږي.
که څه هم د کابل اوسېدونکو تمه لرله چې په میاشتني ډول د برښنا بلونو وېش به یې د ‎لګښت پیسې کمې کړي، خو اوس د برښنا شرکت د دې پرېکړې په اړه شکایت لري.

مکېنزي: افغان ځواکونه د نړیوالې ټولنې ملاتړ ته اړتیا لري

په منځني ختیځ کې د امریکا د پوځ عمومي قوماندان کېنټ مکېنزي له افغانستانه د بهرنیو ځواکونو تر وتلو وروسته وضعیت په اړه د اندېښنې ښودلو ترڅنګ ویلي، افغان ځواکونه له افغانستانه د بهرنیو سرتېرو له وتلو وروسته هم ملاتړ ته اړتیا لري.
هغه دا څرګندونې پرون د امریکا د سنا پوځي خدماتو کمېټه کې کړې دي.

زابل کې ټرافیکي پېښې ۱۴ کسان مړه کړي

د زابل د والي سکرټر عبدالحکیم حاکمي سلام‌وطندار ته ویلي چې دا ټرافیکي پېښه پرون مازدیګر د دغه ولایت په مرکز کلات ښار کې له یوه ټونس سره د ۴۰۴ ډوله موټر د ټکر له امله شوې ده.
د نوموړي په وینا، په دې ټرافیکي پېښه کې ۱۴ کسان مړه شوي او ۱۰ نور ټپیان دي.
د زابل د ولایتي روغتون سرطبیب نذیر حریفال وايي، ټپیان روغتون ته ور وړل شوي چې د دوو هغو روغتیايي وضعیت نازک دی.

ولسمشر پاکستان ته: که سوله کې‎ مرسته و نه کړې، په نړۍ کې به منزوي شې

ولسمشر محمداشرف غني نن په کندهار کې یوې غونډې ته د وینا پر مهال پاکستان ته په خطاب کې وویل، که له افغانانو سره د سولې راتلو په برخه کې رښتینې همکاري ونه کړي، په نړیواله کچه به منزوي شي؛ ځکه په خبره یې، له افغانستانه د بهرنیو ځواکونو په وتلو سره ورځ تر بلې د دغه هېواد رول کمېږي.

پکتیاوالو د کرېکټ بورډ پر وړاندې لاریون وکړ

شاوخوا درې سوه ځوانانو نن د پکتيا په مرکز ګردېز کې د کرېکټ لوبغاړو او د مدني ټولنو استازو سره یوځای د کرېکټ بورډ ادارې پر وړاندې لاريون وکړ.
لاريونوالو د کرېکټ بورډ مسوولان په خپلو دندو کې پر ناغېړۍ او توپيري چلن تورن کړل او په دغه ولایت کې یې د کرېکټ د معیاري لوبغالي د جوړېدو غوښتنه وکړه.

امریکا له افغانستان سره ۳۰۰ میلیونه ډالره مرسته کوي

د امریکا د بهرنیو چارو وزير انټوني بلېنکن وایي چې هېواد یې له افغانستان سره په ملکي برخه کې ۳۰۰ میلیونه ډالره مرسته کوي.
انټوني بلېنکن بېګاه پر خپل ټویټر لیکلي چې پر دې مالي مرستې سربېره هغه نورې مرستې چې امریکا یې افغانستان ته ورکوي، د نړیوالې پراختیایي ادارې له لوري دغه هېواد ته ورکول کېږي.

کورونا په بهرنیو هېوادونو کې افغان کډوال وزګاره کړي

افغانستان د هغو هېوادونو له ډلې دی چې ګڼ‌شمېر وګړو یې د ناامنیو او د ژوند ناسم وضعیت له کبله نامنظمې کډوالۍ ته مخه کړې ده.
دغه کسان په بهرنیو، په ځانګړې توګه اروپايي هېوادونو کې د هوسا ژوند لپاره په ډېرو سختو او قاچاقي لارو بهر ته ځي، خو ډېر کم شمېر یې روغ رمټ د موخې هېواد ته رسېږي او هلته د اوسېدو قانوني اجازه ترلاسه کوي.

په یوه میاشت کې د کورونا مثبتې پېښې ۷۰ سلنه ډېرې شوي

د عامې روغتیا وزارت په تېره یوه مېاشت کې د کورونا ویروس د مثبتو پېښو په شمېر کې له ۶۰ تر ۷۰ سلنې ډېروالي خبر ورکوي.
د دغه وزارت د ویاند مرستیال میرویس علیزي سلام‌وطندار ته ویلي، په تېرو مېاشتو کې د کورونا له ۱۵۰۰ تر ۱۷۰۰ شکمنې پېښې ازمایل کېدې چې له ۲۰ تر ۳۰ به یې مثبتې ختلې، خو له یوې میاشتې راهیسې په ۱۷۰۰ شکمنو پېښو کې له ۸۰ تر ۱۳۰ پېښې مثبتې پېژندل کېږي.

میدان وردګ کې يوه پوليس خپل ۴ ملګري وژلي

په ميدان وردګ ولايت کې يوې امنيتي سرچينې د نوم نه ښودلو په شرط سلام‌وطندار ته وويل چې د طالبانو یوه نفوذي کس بېګاه شپه د دغه ولایت د مرکز ميدانښار اړوند په چهاربند امنيتي پوسته کې خپل ۴ ملګري وژلي او له وسلو او مهماتو سره وسله‌والو ته ورغلی دی.
سرچينه زياتوي، دا پېښه د طالبانو یوه نفوذي کس له لوري چې خپله هم پولیس و، شوې او په خپلو ملګرو یې ډزې کړې دي.

شنونکي: طالبان د ولسمشر د منزوي کېدو او استعفا ورکولو هڅه کوي

په پام کې وه چې د افغان سولې په تړاو د استانبول غونډه د سیمې او نړۍ یوشمېر هېوادونو د استازو په ګډون د روانې اپرېل میاشتې په ۲۴مه جوړه شي، خو اوس چې یادې نېټې ته یوازې څو ورځې پاتې دي، داسې ګنګوسې دي چې دا غونډه ځنډېدلې او له روژې وروسته به جوړه شي.

ژوندی

رسنۍ

Category: افغانستان