د خوست امنیتي مسوولان وايي چې نن د اختر په لومړۍ ورځ په دغه ولایت کې یوې ټرافیکي پېښې یو کس مړ کړی او دوه نور یې ټپیان کړي دي. نن د افغانستان په ګډون، په ډېری هېوادونو کې د کوچني اختر لومړۍ ورځ ده.
د هېواد په بېلابېلو ولایتونو کې د ځانوژنې پېښو ډېروالي ته په کتو، د دغو پېښو د قربانیانو د کورنیو غړي وايي، کورنی تاوتریخوالی، اروايي ناروغۍ او اقتصادي ستونزې د ځانوژنې اصلي لاملونه دي.
څوارلس کلنه فاطمه چې د دایکندي د یوې ولسوالي اوسېدونکې ده، د وري میاشتې په لومړیو ورځو کې یې ځانهوژنه وکړه.
که څه هم هر کال د اختر په را رسېدو سره په ښار کې ګڼهګوڼه زیاتېږي او د وچو او تازه مېوو، جامو او نورو توکو بازار تودېږي، خو سږ کال د افغانانو ناچارۍ د کابل ښار بازار پیکه کړی دی. د کابل اوسېدونکی ابراهیم وايي: «سږ کال په یو پاکټ چاکلېټو مې د مېلمنو هرکلی کوم. مخکې کلونو کې به یوه یا دوه اوونۍ مخکې تلم او له خپلې وسې سره سم به مې وچه مېوه پېرله، خو سږ کال د وچې مېوې د پېرلو وسه نه لرم.»
د ملګرو ملتونو د سازمان ویاند سټېفان دوجاریک وویل، د اسلامي امارت د په رسمیت پېژندلو موضوع د دولتونو اړوند ده او یوازې هغوی کولای شي چې په اړه یې پرېکړه وکړي. نوموړي زیاته کړې: «واقعیت دا دی چې د ملګرو ملتونو د منشور پر بنسټ، غړي هېوادونه د طالبانو د په رسمیت پېژندلو په اړه پرېکړه کوي.»
د هند کرېکټ غوره لیګ یا ایپياېل سیالیو په لړ کې نن شپه او ورځ دوه لوبې کېږي چې لومړۍ لوبه کې رویال چلنجر بنګلور له پنجاب کنګز سره پر لوبه بوخت دی او دویمه سیالي کې به ډیلي کپېټلز له کلکته نایټراډرز سره لوبه وکړي.
کابل ښار کې یوشمېر موټر چلوونکي د موټرو لپاره د مشخصو تمځایونو له نشتون شکایت کوي او وايي چې دې چارې دوی له ستونزو سره مخ کړي دي.
دغه موټر چلوونکي سلاموطندار ته وايي چې د موټرو تمځایونو د نشتون له کبله دوی له هر ځایه سوارلۍ پورته کوي چې ټرافیک پولیس یې موټرو ته زیان رسوي.
د غور امنیتي مسوولان وايي چې د دغه ولایت په لعلوسرجنګل ولسوالي کې یوه ماشوم ځانوژنه کړې ده.
د غور د امنیې قومنداني ویاند عبدالرحمن بدري سلاموطندار ته ویلي چې دغه ماشوم د روانې اوونۍ د دوشنبې پر ورځ ځان زړولی او ځانوژنه یې کړې ده.
پنجشېر چې د هندوکش غرونو په لوړو درو کې پروت ولایت دی، د تېر ژمي یخې هوا سلګونه څاروي لهمنځه وړي او مالدارانو ته یې درانه مالي زیانونه اړولي دي.
دغه ولایت چې د څارویو پالنې لپاره مناسبه هوا لري، د تېر ژمي یخې څپې او د واښو کمښت د دې ولایت په یوشمېر ډېرو سړو سیمو کې د مالدارانو څاروي لهمنځه وړي دي.
د ا.ا مشر هبتالله اخوندزاده پرون د خپل اختریز پیغام په یوه برخه کې د ښوونې او روزنې پر پراختیا ټینګار کړی او ویلي یې دي چې د زدهکړو او پوهې د پرمختګ لپاره پر ګټورو پلانونو کار کوي. خو افغان نجونې وايي، تمه یې لرله چې د ا.ا مشر به په خپل پیغام کې د دوی د زدهکړو برخلیک روښانه کړي.
په افغانستان کې د ملګرو ملتونو پراختیايي پروګرام یا UNDP په ۲۰۲۳ زېږدیز کال کې د افغانستان د اقتصادي او ټولنیز وضعیت په اړه یوه راپور کې ویلي چې په دغه هېواد کې د بېوزلۍ کچه دوه برابره لوړه شوې او د اړمنو افغانانو شمېر هم ۳۴ میلیونه ته رسېدلی دی. په راپور کې د افغانۍ ثبات، د صادراتو زیاتوالي او د عوایدو را ټولېدو یادونه هم شوې ده.
د پکتیکا یوشمېر اوسېدونکي له حکومت غواړي چې دغه ولایت کې دې د مخکیني حکومت پرمهال د پاتیو نیمګرو پروژو چارې بېرته پیل کړي.
د یاد ولایت اوسېدونکي زیاتوي چې تېر جمهوري نظام کې د دغه ولایت د پلتو بند، د ښرنې-ګردېز سړک او ځینو نورو پروژو چارې نیمه بشېړې شوېي او په وینا یې، اوسنی حکومت یې باید بشپړې کړي.
د ملګروملتونو د سرمنشي مرستیاله امنه محمد وايي، ټاکل شوې د دغه سازمان د سرمنشي انټونیو ګوټرېش په ګډون راتلونکو څو ورځو کې د افغانستان وضعیت په اړه نړیواله غونډه جوړه کړي.
نوموړې زیاته کړې چې دې غونډه کې به انټونیو ګوټرېش د ا.ا رسمیت پېژندنې په اړه د افغانستان لپاره د یوشمېر هېوادونو له استازیو سره بحث او خبرې وکړي.
د کندهار یوشمېر اوسېدونکي شکایت کوي چې ډېری سیمو کې ژورې او نیمه ژورې څاهګانې مخ په وچېدو دي او خلک د څښاک اوبو لپاره ساعتونه ساعتونه د اوبو زېرمو ته په نوبت ولاړ وي یا یې هم له ډېرو لرو سیمو راوړي.
د کندهار دهلې بند کې د نوراحمد په یو ځوان د لامبو وهلو پرمهال اوبو ډوب کړی او مړ شوی دی.
د یاد ځوان د کورنۍ یوه غړي سلاموطندار ته ویلي چې نوراحمد د دوشنبې په شپه له خپلو ملګرو سره یوځای دغه بند ته د چکر لپاره تللی و چې د لامبو وهلو پرمهال اوبو ډوب کړی او مړ شوی دی.
په تورخم کې پرون سهشنبه د وري ۲۹مه د غر ښویېدنې له کبله د مړو شویو کسانو شمېر شپږو ته لوړ شوی چې درې یې افغانان دي.
د خېبرپښتونخوا د ژغورنې او مرستندویه چارو د ادارې مسوولانو نن چهارشنبه د وري ۳۰مه رسنیو ته ویلي چې د غر ښویېدنې په دې پېښه کې یې تراوسه د درېوو جسدونو پېژندګلوي کړې چې درې واړه یې افغانان دي.
د کاپیسا د امنیې قومنداني مسوولان وايي چې دغه ولایت کې د یوې ټرافیکي پېښې پرمهال اووه کسان ټپیان شوي دي.
د کاپیسا د امنیې قومنداني ویاند عبدالفتاح فایز سلاموطندار ته وايي چې پرون سهشنبه د وري ۲۹مه د کاپیسا مرکز اړوند «سنګبریده» سیمه کې د دوو سراچه ډوله موټرو د ټکر له امله اووه کسان ټپیان شوي دي.
