د سرپرست حکومت د کابینې په ۱۵مه ناسته کې په نورو هېوادونو کې د افغان بندیانو د خوشېکولو په اړه د یادو هېوادونو له حکومتونو سره پر خبرو ټينګار شوی دی. د بهرنیو چارو وزارت د ویاند مرستیال ضیااحمد تکل ډاډ ورکوي چې بهر کې د ټولو افغانانو ستونزو ته به پاملرنه کېږي.
د لوګر محلي مسوولان وايي چې د خوړو نړیوال پرګرام/WFP په مالي لګښت او (RRAA) موسسې په تخنیکي همکاري د برهکي برک ولسوالي په شاوخوا ۸۰۰ بېوزله او اړمنو کورنیو نغدي مرسته ووېشل شوه.
د لوړو زدهکړو وزارت سرپرست ندامحمد ندیم وايي چې د کندهار پوهنتونو کې به ډېر ژر د ماسټرۍ او دوکتورا پروګرام پیل کړي.
نوموړي دغه څرګندونې «سهشنبه، سلواغې لسمه» د کندهار پوهنتون کې د رغنیزو پروژو د چارو پیل په اړه جوړو شویو مراسمو ته وکړې.
د ټرانسپورټ او هوايي چلند وزارت نن «چهارشنبه، سلواغې ۱۱مه» کابل کې له خصوصي سکټور سره د څه باندې دوه میلیارډ افغانیو په ارزښت د درېوو پروژو قراردادونه لاسلیک کړل. همداراز د کابل هوايي ډګر د انتظارخونې او پارکېنګ لپاره هم ۳۵۰میلیونه افغانیو د پانګونې قرارداد هم لاسلیک شوی دی.
کابل پرون ناوخته د یوې مهمې سیمهييزې غونډې چې په څه باندې دوو کلونو کې یې مخینه نه لرله، کوربهتوب وکړ. دا غونډه «د افغانستان سیمهييزې همکارۍ نوښت» په نوم په بهرنیو چارو وزارت کې د دغه وزارت د سرپرست امیرخان متقي په وینا پیل شوه او نورې ویناوې له رسنیو پټې پهکې وشوې.
د ټرافیکو عمومي ریاست مسوولان وايي، د روان لمریز کال له پیل څخه تر اوسه په هېواد کې څه باندې درېزره ټرافیکي پېښې شوي چې په پایله کې یې تر ۱۵۰۰ ډېر کسان وژل شوي او تر ۴۰۰۰ ډېر نور ټپیان شوي دي. مسوولان پر لويو لارو د ټرافيکي څراغونو نشتوالى، د سړکونو خرابوالى او پر لويو لارو د ټرافيکو مامورانو نشتون د ټرافيکي پېښو اصلي لاملونه بولي.
د کانونو او پټرولیم وزارت مسوولانو نن په یوه ناسته کې د امو سیند د تېلو حوزې څخه د ۶۰ زره ټنه را اېستل شویو تېلو د پلور قرارداد یوه افغاني شرکت ته ورکړ.
د دغه وزارت مسوولان وايي، دغه قرارداد د ۲۵،۵ میلیونه ډالرو دی او پر بنسټ یې ۶۰ زره ټنه تېل د پراسېس لپاره پلورلي دي.
د ملي دفاع وزارت سرپرست محمد.یعقوب م.جاهد د چین، ایران او پاکستان له استازیو سره په لیدنه کې ویلي چې په افغانستان کې د هېوادونو د پرمختیايي پروژو د امنیت ټينګښت ته تیار دي.
د سرپرست حکومت د مالیې وزارت د یکشنبې په ورځ په یوه خبرپاڼه کې لیکلي چې افغانستان د روان کال له وري میاشتې تر جدې پورې د ۱۲۲ میلیارډه افغانیو سبزي، مېوې او پخته پاکستان، هند او متحده عربي اماراتو ته صادر کړي دي.
د پاکستان یوې ځانګړې محکمې نن د دغه هېواد پخوانی لومړی وزیر عمران خان او د بهرنیو چارو پخوانی وزیر شاهمحمود قریشي په لس کاله بند محکوم کړل. د عمران خان په مشري د پاکستان تحریک انصاف ګوند هم په لس کاله بند د ده محکومېدو خبر تایید کړی دی.
د سلاموطندار موندنې چې په ۲۶ ولایتونو کې له ۴۱۲ ښځو او نجونو سره د مرکو له لارې ترلاسه شوي، ښيي چې د ګډونوالو ۸۴ سلنه د ښځینهوو له تاوتریخوالي سره مخامخ شوي او پاتې ۱۶ سلنه بیا ویلي چې ښځینهوو ورسره تراوسه هېڅ تاوتریخوالی نهدی کړی. په دې ډله کې ۹۱ سلنه له اروايي، څلور سلنه له فزیکي او څلور سلنه نورې یې هممهاله له اروايي او فزیکي تاوتریخوالي سره مخامخ شوې دي.
د افغانستان کرېکټ بورډ د سریلانکا پر وړاندې د یوازینۍ ټسټ لوبې لپاره د ملي لوبډلې د ۱۶ لوبغاړو نوملړ په ډاګه کړ.
ټاکل شوې چې دغه لوبه راتلونکې جمعه د فبرورۍ پر دویمه پیل شي.
د غور روغتيايي مسوولان وايي چې دغه ولایت کې د شري ناروغۍ پراخه شوې او یوازې د تېرې میاشتې پر مهال ۱۳۰ ناروغان ولایتي روغتون ته وروړل شوې دي.
د دوی په وینا، د غور ولایتي روغتون ته د وروړل شویو ناروغانو له ډلې یې، یوه ماشوم خپل ژوند له لاسه ورکړی دی.
د لوګر د بدنې روزنې او ورزش امریت چارواکي وایي، د والیبال فدراسیون له لوري د سوېل ختیځ زون په کچه پيل شوې سیالي د خوست د والیبال لوبډلې په اتلولۍ پای ته ورسدې.
د افغانستان بانک وايي چې د روانې اوونۍ د چهارشنبې پر ورځ «سلواغې ۱۱مه» به «۱۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د سلواغې نهمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به د روانې اوونۍ د چهارشنبې پر ورځ «۱۷» میلیونه امریکايي ډالر لیلام کړي.
د زابل محلي مسوولان وايي چې د دغه ولایت په درېوو ولسوالیو کې د څه باندې ۶۲میلیونو افغانیو په لګښت یوه کرنیزه پروژه بشپړه شوه چې له تېر یوه کال راهیسې یې خلکو ته په بېلابېلو برخو کې د کار زمینه برابره کړې وه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
