د لوړو زدهکړو وزارت سرپرست ندامحمد ندیم وايي چې د کندهار پوهنتونو کې به ډېر ژر د ماسټرۍ او دوکتورا پروګرام پیل کړي.
نوموړي دغه څرګندونې «سهشنبه، سلواغې لسمه» د کندهار پوهنتون کې د رغنیزو پروژو د چارو پیل په اړه جوړو شویو مراسمو ته وکړې.
د سلاموطندار پښتو فېسبوکپاڼه وڅارئ
د نوموړي په وینا، د یاد پوهنتون د علمي او تدریسي چارو پرمختګ لپاره به د لوړو زدهکړو وزارت له قوانینو سره سم، د کندهارپوهنتون کې د ماسټرۍ او دوکتورا پروګرام اجازه ورکړي.
ندامحمد ندیم په دې اړه جوړو شویو مراسمو ته وویل چې د لوړو زدهکړو وزارت د نورو پوهنتونونو ترڅنګ کندهار پوهنتون کې هم د ښکلا او بیارغونې طرې پلې کوي.
د دې رغنیزو پروژو په لړ کې د کندهار پوهنتون کې د ۲۵میلیونه افغانیو په ارزښت د ۱.۸ کیلومټره سړک د جوړېدو چارې هم پیل شوې.
په دې پروژو کې د یاد سړک دواړو لوریو ته د ویالو او د پوهنتون نوې دروازې لپاره د ګلدانو جوړول شامل دي.
د لوړو زدهکړو وزارت سرپرست په دې اړه جوړو شویو مراسمو ته وویل چې د ا.ا مشرتابه لوړو زدهکړو ته ډېره بودیجه ځانګړې کړې او په وینا یې، تل دې برخه کې د امکاناتو او اسانتیاوو د برابرولو لپاره هڅې کوي.