د افغانستان او پاکستان د سوداګرۍ د ګډو خونو مسوولان د باروړونکو موټرو پر مخ د تورخم دروازې د تړل کېدو له دوام سره هممهاله وايي، د دې ستونزې د حل لپاره د یوه ګډ میکانیزم جوړېدو ته اړتیا ده او په خبره یې، د دواړو هېوادونو ترمنځ دې ګډ میکانیزم جوړ شي.
د پکتیا محلي مسوولان وايي چې د ډیورنډ فرضي کرښې پورې غاړې په کورمه اېجنسۍ کې د دوو قومونو ترمنځ د جګړې له امله د خرلاڅي دروازه تړل شوې.
د پکتیا ولایت مقام ویاند عبدالقدیر احمدي سلاموطندار ته وايي، دغه دروازه له تېرې ورځې راهیسې د مسافرو پرمخ تړل شوې، خو د باروړونکو موټرو د تګراتګ لپاره وخت ناوخته پرانېستل کېږي.
لوګر کې د عینک په نوم يوې خصوصي نن «دوشنبه، مرغومې ۲۵مه» په رسمي توګه خپلې خپرونې پیل کړې.
دغه راډیو پر ۹۵.۹ افام څپو نشرات کوي.
د يادې راډيو پرانیستغوندې کې د سرپرست حکومت وياند ذبېحالله مجاهد، اطلاعاتو او فرهنګ رییس رفېعالله صمیم او د دغې راډيو کارکوونکو ګډون کړی وو.
کاپیسا کې د کلیو بیارغونې او پراختیا وزارت لهخوا د ۱۲ میلیونه افغانیو په لګښت د شپږو سربندونو او کرنیز کانالونو د جوړېدو چارې پیل شوې.
دغه سربندونه او کرنیز کانالونه به د یاد ولایت په شپږو ولسوالیو کې ورغول شي.
د هلمند د ګرشک ولسوالي په نورزو سیمه کې د ۴۵زره امریکايي ډالرو په ارزښت د یوه جومات د بنسټ ډبره کېښودل شوه.
دغه جومات د هلمند د ګرشک ولسوالي اړوند «نورزو» سیمه کې د کندهار-هرات پر لویه لاره جوړېږي.
یاد جومات د کورنیو چارو وزارت سرپرست په لارښوونه او د یوه ترکي بنسټ له لوري جوړېږي چې پر رغېدو به یې ۴۵۰۰۰ «پنځه څلوېښت زره» امریکايي ډالره لګښت راشي.
د افغانستان علومو اکاډمي نن «یکشنبه، مرغومې ۲۴مه» د «اقتصادي وده کې د کرنیزو محصوولاتو د پروسس رول» تر نوم لاندې یو ورځنی علمي او څېړنیز سیمنار جوړ کړ. د هغه په وینا، د کرنیزو محصولاتو د پروسس پر وړاندې د ستونزو د حل لپاره، د علومو اکاډمۍ ۲۱علمي او څېړنیزې مقالې چمتو کړي او اړوند بنسټونو ته یې استولي دي.
د افغانستان بانک وايي چې د روانې اوونۍ د سهشنبې «مرغومې ۲۶مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، د مرغومې ۲۴مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به د روانې اوونۍ د سهشنبې پر ورځ «۱۵» میلیونه امریکايي ډالر لیلام کړي.
د لوګر امنیې قومنداني چارواکي وایي، امنیتي او کشفي ارګانونو په پلعلم ښار کې هغه څلور کسان نیولي چې د خواله رسنیو له لارې یې د نجونو په نوم له خلکو پیسې اخیستې.
د لوګر د امنیې قومنداني ویاند احمدالله انس سلاموطندار ته ویلي، نیول شوي کسان د لوګر ولایت اصلي اوسېدونکي دي او له اوږدې مودې راهیسې یوشمېر ځوانان د نجونو په نوم د فېسبوک او وټسپ اکونټونو په لرلو سره تېر ایستلي وو.
د افغانستان او هند کرېکټ ملي لوبډلې نن «یکشنبه، مرغومې ۲۴مه» د درېوو شل اووره سیالیو د تاریخي لوبلړۍ دویمه لوبه کوي.
د دواړو لوبډلو ترمنځ به یاده سیالي نن ۶:۰۰ د هند د انډوور «هولکر کرېکټ لوبغالي» کې ترسره شي.
د ټولګټو وزارت لهخوا په کندهار کې د باروړونکو موټرو د وزن کنټرول په موخه د لومړي ځل لپاره د هېواد په کچه یوازینۍ «سیار تله» فعاله کړه.
په سوېل لوېدیځ زون کې د ټولګټو وزارت د پروژو تخنیکي مسوول انجینیر شېرحسن خوشیوال وايي چې دغه ولایت کې یې یاده سیاره تله د ریاستالوزرا د حکم پر بنسټ فعاله کړې ده.
د افغانستان لپاره د برېټانیا شارژدافیر د ریاستالوزرا سیاسي مرستیال مولوي عبدالکبیر او د بهرنیو چارو وزارت سیاسي مرستیال شېرمحمد عباس ستانکزي سره تر لیدنې وروسته ویلي، دغو لیدنو کې یې د افغانستان لپاره د ملګروملتونو د امنیت شورا د وروستي پرېکړهلیک د پليکېدو لپاره پر وروستيو ګامونو خبرې کړي.
د ننګرهار د اطلاعاتو او فرهنګ ریاست د اطلاعاتو امر قریشي بدلون سلاموطندار ته وايي چې د تورخم دروازه له «شنبې شپې» راهیسې د پاکستان لهخوا د ټرانزیټ پر مخ تړل شوې.
نوموړي زیاته کړه چې پاکستان د تورخم دروازه د باروړونکو موټرو د پاسپورټ او ویزې غوښتنې په دلیل تړلې.
د هلمند محلي مسوولان وايي چې د یاد ولایت مرکز لښکرګاه ښار اړوند بولان څېړنیز زراعتي فارم کې د شنو خونو په اړه کروندګرو ته عامه پوهاوی ورکول کېږي.
د مسوولانو په وینا، دغه پوهاوی د ځینو کرنیزو توکو د ښه حاصل ترلاسه کولو په موخه ورکول کېږي.
د بدخشان مرکز فیضاباد ښار ناروغلرونکي د دغه ولایت اړوند د ولایتي روغتون په بېړنۍ څانګه کې د متخصصو ډاکټرانو له نشتون شکایت کوي. دوی له مسوولانو غواړي چې دغه ستونزه یې هواره کړي. د دوی په وینا، یاد روغتون ۱۲۰ بستره لري او تشکیلات یې بسترو ته په کتو جوړ شوې دي.
د ملګروملتونو پراختیايي پروګرام افغانستان کې د بېوزلۍ پراخېدو په اړه اندېښنه ښودلې او ویلي یې دي چې د مالي تمویلوونکو د مرستو کمښت ترڅنګ دغه هېواد کې د خلکو ورځنی عاید هم کم شوی دی.
د ملګروملتونو پراختیايي پروګرام له لوري په خپره شوې خبرپاڼه کې راغلي چې افغانستان کې ۸۵سلنه خلک د ورځې له یوه ډالر کم عاید لري.
د ریاستالوزرا سیاسي مرستیال عبدالکبیر د برېټانیا شارژدافیر سره د لیدنې پر مهال ویلي، برېټانیا دې نړۍ ته د افغانستان رښتینی تصویر وړاندې کړي.
هغه د برېټانیا شارژدافیر چارترن دکسن سره لیدنه کې د یاد هېواد او افغانستان اړیکې دوستانه بللي او غوښتنه یې کړې چې دغه هېواد دې نړۍ ته د افغانستان رښتینی تصویر وړاندې کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
