د میدانوردګ د بدني روزنې امریت چارواکي وایي چې د دغه ولایت مرکزي بهسودو ولسوالي کې د لومړي ځل لپاره د تیږې اچولو سیالي وشوې.
د یاد ولایت د بدني روزنې امریت له لوري سلاموطندار ته په رالېږل شوې خبرپاڼه کې راغلي چې په دغه سیالیو کې چې درې ورځې یې دوام وکړ ۲۵ لوبغاړو پهکې ګډون کړی وو.
د سلاموطندار پښتو فېسبوکپاڼه وڅارئ
خبرپاڼه کې راغلي چې د یادو سیالیو اتلولي ۶۰ کلن عوضعلي خپله کړې ده.
د ورکړل شویو معلوماتو له مخې د یادو سیالیو موخه په میدانوردګ کې د تیږې اچولو سیالي ته وده ورکول او د ورزشکارانو ترمنځ ښه همغږي رامنځته کول دي.
باید وویل شي چې دا لومړی ځل دی چې د یاد ولایت په مرکزي بهسودو ولسوالي کې د تیږې اچولو سیالي جوړه شوې وه.