د افغانستان بانک وايي چې سبا به د «افغانۍ» د ارزښت ساتلو او ثبات لپاره شپاړلس میلیونه امریکايي ډالره د داوطلبۍ له لارې بازار ته وړاندې کړي.
د سلاموطندار پښتو فېسبوکپاڼه وڅارئ
دغه بانک له نورو بانکونو او د صرافۍ او پولي خدمتونو له شرکتونو غوښتي چې په یاده داوطلبي کې ګډون وکړي.
د افغانستان بانک ټینګار کړی چې د یادې داوطلبۍ ګټونکي باید د هماغې ورځې تر پایه پورې خپل حسابونه پاک کړي.
دغه بانک لیکلي: «د اسعارو د لیلام په داوطلبۍ کې د معاملو قسمي تسویه نه منل کېږي. د داوطلبۍ ګټونکي باید په ټاکلې موده کې د خپلې ذمې پیسې په یو ځل او نغدې د افغانستان بانک ته وسپاري.»
د یادونې ده چې د افغانستان بانک تر دې مخکې هم د افغانۍ د ارزښت او ثبات ساتلو په موخه میلیونونه ډالر د داوطلبۍ له لارې لیلام کړي دي.
