د غزني محلي مسوولان وايي چې د دغه ولایت په واغظ ولسوالي کې د هاوان مرمۍ چاودنه کې یو ماشوم وژل شوی او پنځه نور ټپیان شوي دي. د درېوو ټپیانو روغتیايي وضعیت نازک ښودل شوی دی.
د غزني د اطلاعاتو او کلتور ریاست د اطلاعاتو آمر منصور افغان وايي، ماشومانو پرون مازدیګر د هاوان یوه مرمۍ کور ته وړې او لوبې پرې کوي چې چاودلې ده.
د هغه په وینا، یاده پېښه د غزني ولایت د واغظ ولسوالي په «چهارده» کلي کې شوې ده.
د یادونې ده چې له تېرو جګړو د را پاتې ناچاودو مرمیو او مهماتو چاودنو تل د هېواد په بېلابېلو ولایتونو کې له افغانانو، په تېره ماشومانو قرباني اخیستې ده.
د سلاموطندار پښتو فېسبوکپاڼه وڅارئ
د همدې اوونۍ د شنبې په ورځ د لوګر د مرکز پلعلم ښار په التمور سیمه کې د هاوان مرمۍ چاودنې له کبله څلورو ماشومانو ته مرګژوبله اوښتې وه.
